Juan 8:16 - Dupade Uruode

¹⁶ Mu ujetiga yajirirase ayorérique atique aja quedéjnai mu a jĩraque yirajárase adode. Chamáña gu uje yirósõri yai Dupade iroque yu gu, jecute déji yari enga cháta raja yu ome yajirigode ore acho.

Juan 8:16 Iomraidhean Croise

Sálmos 98:9

Ga ore pésu udore iji Pangarádejnai iquei; uje uté a di jne, ga Padode Ajirisõre ome erámi udé. Ga a uté chajire erámi unirisórone ore adode aja quigode jnese, uje ũrepísi tu uté ome cuchade jnese gu, ga ayoré ponáyone jnese a ore pañaji uté ajiritigade udore úringane ũréo jne.

Sálmos 99:4

Ua u Peduguéjna Cuchape Pirosobádejnai uje bajnorapise pate uréone. Ua upúsu uje bapésu cuchade jeta tiróguiji jnumi. Ua upo rĩ uje betingare Jacob ape disi ejode ore adode úringáringo ũréo, ga ũrepise bajiritigade ome udore.

Isaías 9:7

Ga eduguéjna cuchábi David ape disi ejoi u uté to. Mu David gajnei jnupe chojmára nanique, jé basa ga ájnape disi ejoi uté gajneque jnumi jnese. Enga jecucha pocaningane chise eduguéjna cuchábi David gajnei jnupe to nanique, jé basa ga que pisijnaringuérique chise ape disi ejoi uté gajnei jnupe to, ga pajesereringai déji iji deréjnane jnese. Ga que pumuchayaque uté iji úringai eduguéjna cuchape. Ga a chácariji dáqui David charipi iji deréjna pitade ome dáringai eduguéjna cuchape. Ga uté isocade ueradéjnapíso gatuaque ome darasade gatuaque, enga jé que cho dajuñame ayorérique bisideque jne. Enga uté a jno dáringai Eduguéjna Cuchape údi iji deréjna pitade jnese. Uje Dupa cuchábi ijnoraquédatéi jogadípise uté gu ga que toc jeta Dupa Pujnuéngaisṍri áyipieraque ca tocade.

Juan 16:32

A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te.

Juan 8:29

Uacamóño uje yirósõri uté u uje déji yari. Enga Yai que noñome yu iji te go. Chamáña gu uje yipesudode jecucha u ajegaidode cucha, jecute irasiguipise yu.–

Héchos 17:31

Dupade e chimate diri ujetiga pajirique erámi unirisórone yocadode aja quigode iji jne. Enga e chimate dajegaidi jnani to ujetiga chajire yocadode aja quigode. Ũrepise uté jne enga a ca cho parágome dajirigode udore ujetiga pésu yoquiquigode. Enga que potigayaquérique déji uje Dupade ajegaidi uté u Jesús. Chamáñaje toi mu Dupade chiquetápo uté rĩ iji itoringai ujetiga úringai Dupade utocaite obiréjna ome yoque.–

Apocalípsis 19:11

Cucha dacadode unojo quigade enga yimo guéode uje chuchẽre dabai. Enga burica póroroi tṍraji. Enga charipísõri i u Uru Ũrei, uje eduguéjna uté. Enga chirodipise darasade. Enga que pésu pocaningárique bisideque rĩ.

1 Samuel 16:7

Mu Pangarádejnai Dupade chojningame Samuel: "Samuel á, jé ca ajiripise gosi abubíe, jeoga gosi enocha goningai. Uje que bojningai uté déji yajénique jeta israélgosode ore cho deduguéjna iji uté. Uje jnanione uacajirigode u uacojode ayoré ore ao guesíminóri, jé basa ga uyu ga yajiré u ore áyipie ujetiga áyipierãque gosi, jeoga áyipie noñaque gosi. Ga que cucha gosi úringárique ayoré uome gotique ome yu, jé aja gosi úringárique ayoré yoríco."