Juan 8:14 - Dupade Uruode

¹⁴ Mu Jesús chojninga: –Jé ũré yu erĩ́e. Yĩrarare yibai mu que cucha bisidécho yuruode go. Chamáñaje yiraja yarani. Enga yiraja yiqui te rĩ. Enga que cucha bisidécho yarani, yiqui ore. Mu que arajáyo yarani enga que arajayópo yiqui rĩ.–

Juan 8:14 Iomraidhean Croise

Juan 16:28

Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–

Juan 13:3

Jesús chirajapise darani uje Dupade u. Chirajápo rĩ uje a chajniápo aja Dupade gari rĩ. Enga chiraja uje dai Dupade chisi ome cuchade jnese ome ujetiga chijocase.

Juan 14:10

¿Ca angureta yu a uje yugúsiji Yai gari enga Yai déji yari rĩ? Yatatagode ome uaque que garani u yu go mu garani u Yai uje déji yari. Enga angúromei tu yu uje pésu dapesudode cucha.

Juan 8:42

Jesús chajnai ore uruode ga chojninga: –Ujetiga jec ũré enga Dupade ape uaque enga a ajnórañorase yu. Uacamóño uje yarani u Dupade enga e yugúsi de. Que togome yu ujetiga yiji yajénique quitique mu yugúsi de gu uje Dupade iroque yu gu aja de.

Juan 17:8

E yacate ore ome beranone yacajnaquéo enga ore chimesẽre. Que potigayaquérique déji ore uje yarani tu ua. Enga ore changureta uje baroque yu aja jnumi nanique.

Números 12:3

Ga Dupade doi nanique ga chirotápise Moisés to uje chirajapise gu uje jnani pajnotaque Moisés to, ga que chosi riji gaté to. Jecucha ga chosi riji jnumone to.

Apocalípsis 3:14

Enga Jesús chojningápome yu rĩ: –Arúsãrape yuruode ome Dupade anguresórone ore angaráni uje déji Laodicéa enga ósi te: "Ũrepise uacacatecãraisṍri uyu. Enga uyu u uje yatatapísa Dupade uru uréone nanique ome ore. Enga Dupade angúromei upo yu rĩ nanique ome dapesudode cucha jnese iji erámi taningane.

2 Coríntios 12:19

A ajoso ati cachi yoquĩraraque yoquibai iji uacaquei, mu que qui u go. Mu yocuruode gajnesṍri upúsu Dupade uje chiraja uje Crísto iroguipíso yoque. Mu yijorane uaque á, yoquigaidi tupúsu ujetiga aquéraño iji uacanguretigai iji Dupade ome yocuruode udore.

2 Coríntios 12:11

Yo ũrusode uje yicota yu ome yate omone udore. Uaque urásu ujetiga uacarúrigo omío ome yisagode cucha ome Dupade. Mu uje que uacarúrique omaja yipesudode udore, enga gusu yu ujetiga yatata quigode. Yiraja uje que yugúsiji cuchárique ome uaque, mu uyu u uje yujnuépise uacajnane udore uje ore cho Dupade iroguipísode iji re.

2 Coríntios 11:31

Mu Yocangarádejnai Jesucrísto Dayé Dupade u uje jé tiógarapísa dáringai picotaque iji deréjnane jnese. Enga uté u uje chirajapise yu uje jé ũrepise yu ome yojñane udore ome uaque.

Juan 10:36

Jé isocai u ome yu. Uje Dupade ajegaite yu nanique ga chiroque yu aja erámi nanique. Mu jé go uje uacojnicho ome yu: "Gajnareque baruode ome Dupade uje bojningame yoque, Dupade Abi uyu."

Provérbios 8:7

Ome yu enga cucha ueradi tu ujetiga jé ca yo yurupatáringa uje que yirasique purupatáringane gu. Enga ũrepíso yuruode udojo quigode jnese.

Juan 5:31

Yiraja ujetiga yĩrarare yibai enga que urénga pangurete yu.

Juan 18:37

Jecute Piláto catecãrápoi rĩ ga chojninga: –¿Jé ũré ua ya ome báringai eduguéjna cuchape?– Enga Jesús chojninga: –Ejẽ́. Jé ũré baruode uje eduguéjna yu. Mu yibase nanique gu ujetiga yingo cucha uréone ome erámi unirisórone ore. Enga cucha uréone ijnorasórone ore jnese tangári yacajnaquéode quigode.–

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.