Juan 8:12 - Dupade Uruode

¹² Jesús chacadápo ayorébui ore rĩ enga chojninga: –Dírecaringuéi u uyu iji erámone udojo. Ujetiga gosi tangaripísi yacajnaquéode quigode enga uté gosi u uje déji dírecaringuéi. Enga pucuecaringué eyúgojmai gajnesṍri u uté gosi. Enga a ca digapóji ijnangununie jne rĩ.–

Juan 8:12 Iomraidhean Croise

Sálmos 18:28

Uje ua upúsu uje bapésu ga David uyu yibioguéjnai tagu gatuaque ome badírecaringuéi uté. Pangarádejnai Dupade u uje chinoningase yijogonóri utataringué uté ga nóña ga díreca yejode gatuaque.

Sálmos 49:19

Mu a chise dínique jetiga uté jé cháta raja dáqui gatéode udore ore irabade ore, uje que ore chimópo dírecaringuérique to rĩ.

Sálmos 97:11

Dírecaringuéi chichaga raja ayoré ate arégode ore, enga pininaquei gajnesórone u ayoré uréone udore ore.

Malaquías 4:2

Mu yiríringai a ueradéjna ome yijnorasórone uaque to jne. Ga gajnua tu guedé uje tocade ga dírecaringuéi cho jnip aja gaté ga guedé ojodie chise uaque ga chiqueta gosi ome ejnaréngone to ga pésu uacáringane ijoréjna to. Ga unere yiríringai yui ome uaque ga uacajnua tu aquirájna ucatógabia uje quene gachisṍri chijnime iji pi ajei ga cana ga choja quedéjnane ¡chem! ¡chem!

Matéo 5:14

Uacajnui u dírecaringuéi iji erámone. Uacajnui upo guidai cuchábi uje déji cucarani ójo uje que toc ujetiga chacose re.

Lúcas 2:32

Chamáñaje uté u gu ujetiga chijñate purása quedéjnane ore, yoquibáyode. Enga a picotaque barasade israélgose uyoque jne uje piquetangóri Jesús gãrapíode u yoc.

Juan 12:35

Mu Jesús chojninga: –Dupade utocaidi gajnui u dírecaringuéi. Mu deréjnane e garósi ujetiga déji uacari. Jecute aquejnáño aja uté yui to uje qué dire. Socaseti dejai chise uáguiji yui enga a ca eso jne. Enga a ca togome uaque jetiga arajáyo uacajesúode.

Juan 12:36

Beyoi enga anguretáyo dírecaringuéi gajnui uté uje qué déji uacajade, ujetiga eso uacáringane dírecaringuéi gajnesõre.– Jesús chejna daruode udore guesi ga jé u uje jno ga chacose re ome ore.

Juan 12:46

Uyu u uje yajnui u dírecaringuéi. Enga yĩri iji erámone udojo icaite gu ujetiga gosi changureta yu ga jé ca cháji ijnangununie.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 3:19

Udore ore uje que ore changureta Dupade abi enga e dimane ore gajnéone pujuyaquéo ome ore jne. Chamáñaje dírecaringuéi e chise erámone gu, mu ore irasigode u ijnangununie enga que ore chise dírecaringuéone unétique. Chamáñaje jé ore déji date gajnaréngone gáyode gu.

Juan 7:17

Ujetiga gosi angoninguinone guesája ome Dupade enga a chiraja yacajnaquéode udojo garãtique. Jeoga garani u Dupade, jeoga garani jé u yu.

Juan 9:5

Uje qué yugúsiji erámone udojo enga yajnui u dírecaringuéi iji erámone udojo.–

Héchos 13:47

Chamáñaje Yocangarádejnai chiroque yógaja ore uje chojninga: Yiroque uágaja purása quedéjnane Ujetiga ajñacho ore gáyode. Yigaidi u gu ujetiga ore chise dáringane piquetaque to Iji erámi údode jnese.

Héchos 26:23

Chamáñaje udore ore chatata jnese uje judíode yoquijnati Crísto gajnei tu ujetiga chejnáreque re enga toi ome yoquisijnaringuéone. Enga a uté u to jne ujetiga chijñate yurasade judío ore gáyode, jé aja purása quedéjnane ore gáyode rĩ. Gaidi u gu ujetiga ore chise dáringane piquetaque jnese.–

2 Pédro 2:17

Jnanione udore uje ore chacája uacajade ome daringaquéode ore gajnunie u gajñonie uje íjnoque yodi iji, enga cucha bisidéguei. Ore gajnunie upo gue abujadie rĩ uje que yotique tṍraji, mu ore déji gaté bisideque enga emi chubúchu ore aja quedéjnane. Mu Dupade e pésu jnanione udore qui enga ijnangunu cuchábedie u. Enga a ore charidi u uté jne iji deréjnane jnese.

2 Pédro 2:4

Yirajágo uje Dupade que chĩro daroque gateminórone ore isijnaringuéone nanique. Mu tṍra ore aja gajño pioi. Enga noñome ore iji ijnangununie, enga chigaru ore ome ojnaquérodie enga suru ore gai iji te, jé aja ujetiga chajire ore adode aja quigode.

1 Juan 1:6

Ujetiga yocuñeque chojningárasa: "E yáta yu aja Dupade to," mu qué chajnera dasijnaringuéone údi, enga gajnui jé u ujetiga jé jogate ijnangununie ajéode. Jecute yirajágo uje taque uté gosi ome uruode, ipesudode ore jnese.

Júdas 1:13

Ore cho yote quedéjnai ijocayataque ibisógode aja dajesúode uje ebié chicáji gaté. Enga ore ate gajnarenguipísode gajnunie u ebiedie udire. Enga ore chopo guédodie rĩ uje que ore chicapóji daquiguébeode to rĩ. Mu Dupade e pésu ore quigode, ga ore quique obiréjnai u ijnangunu cuchábedie, enga a ore charidi u uté jne iji deréjnane jnese.

Júdas 1:6

A e arajáyo to jõ Dupade utocaidode gaté unirísoño uñane adode. Uje ore chetaque dáringane Dupade irócho ga ore cha Dupade iroquéode. Jecute Dupade suru udore ore gai iji ijnangununie ajei. Enga chigaru ore ome ojnaquérorigui uje a ca eruénique cuse, jé aja dire iyiejnai tuté ujetiga Dupade chajire ore adode aja quigode jnese.

Apocalípsis 21:24

Ayoré ponáyone iji ducunirone jnese a ore chajĩcára idáidatéi uté idírecaringuéi jne. Enga eduguéjnane iji erámone jnese a ore chisi idáidatéi uté gai, enga a ore tẽrája cucha omejnapísode ome uté jne.