Juan 8:11 - Dupade Uruode

¹¹ Enga chequé chojninga: –Que uñeque chatingare yu que.– Jecute Jesús chojninga: –Adi jé u yadi uje a ca yo yujuñame ua to jne. Mu bo ga ca apésapo cucha gajnarétique jne rĩ.–

Juan 8:11 Iomraidhean Croise

Provérbios 28:13

Jeta gosi pógu dasocáringome cuchade udore ga a ca gosi chise cuchade udore omitigárique jne. Mu ujetiga gosi chatata dasoca noñatígo udore jne enga gosi cha pésu udore, ga a ca jnusinápo dadode udore jne rĩ uje a Dupade chicadígui uté isoca gajnaréngone udore jne gu.

Lúcas 13:3

Mu yojningame uaque uje que quigode u udore go. Mu ujetiga ca ecãcho uacáyipie quigode, uacasocárigo ome Dupade enga a eso uaqueruénique to jne.

Lúcas 13:5

Mu yojningame uaque uje que quigode u udore go. Mu ujetiga ca ecãcho uacáyipie quigode, uacasocárigo udore, enga a eso uaqueruéningo to jnese jne.–

Lúcas 15:10

Enga yingome uaque uje jé isocai tupo ome Dupade, irógode gaté unirísoño ore rĩ ujetiga ore irasiguipise raque ome gosi ujetiga cha dasijnaringuéringo ga chajniápo Dupade gai rĩ. Ujetiga chojmára uté gosi marínga, a qué ore nínapúsu raque jne ome uté gosi ujeta uté gosi cha date gajnarétigo.–

Lúcas 15:32

Mu cucha arei u ujetiga yipécobu yocajñamini tudé. Cucha arei upo rĩ ujetiga pininaquei irágu yoque. Uje gajnui tu diríca ujetiga e besai togome yoque. Mu chajni yoquibai ga e nóña ga ecápo rĩ uje e chisápo yoque rĩ. Gajnui tu ujetiga bijnaque ome yoque mu yicópo rĩ. Ga jé tiógara ujetiga yipéco yocajñamítedatéi tome uté."–

Lúcas 15:7

Ga a yope yatatagode cucha udore quigome uaque jne: Ujetiga jnani sijnátique chécãre dáyipie gajnarénguenie quigode ome Dupade, enga chécãrapo dadode rĩ, enga Dupade urasade ore iji gaté nínapúsu re. Jé ũré uje ore nína re to ome 99 uje e ayoré ate ujñapetaque ore; mu ore ininaquédatéi sué uté gai ome jnani sijnátique ujetiga chajniápo Dupade gai enga chécãrapo dadode rĩ.–

Lúcas 5:32

Jesús chojningápome ore rĩ: –Que yibaguiédode u uaque gotique uje uacacotáyo uágome yu. Mu yibaguiédode u ayoré ate gajnaréngone ujetiga ore chécãrape dáyipierigui quitígo ga ore cha bu date gajnaréngone.

Lúcas 9:56

Dupade utocaidi uyu que yĩri iji jnumone nanique gu ujetiga yo yujuñame uñeque. Mu yĩri gu ujetiga yiqueta erámi unirisórone ore.– Jecute ore chicai pidai uñeque ujetiga ore chise dapusiétique iji.

Juan 18:36

Jecute Jesús chajnai uruode enga chojninga: –Yajnepídi erãpe ome yúringai eduguéjna cuchape que u erámi tudé. Ujetiga urásu enga yacadigode jĩraque ore chirotárase yu diríca uje judíode ore chisa yu. Yajnepídi erãpe que u de gotique.–

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 5:14

Mu udojo quigade uje Jesús chicáji Dupade iguíjna cuchábi enga chise daqueta casé jnani iji ajei. Enga chojningame: –E bamo báringai piquetaque enga be ga ca apésapo cucha gajnarétique jne rĩ ujetiga ca cucha uñeque chijocásapo ua rĩ ujetiga ca sué bejnareque bajai gai.–

Juan 8:15

Jesús qué catecã́ri fariséode ore enga chojninga: –Uacarajáyo uje erámi unirisórone uhuaque uacajmapiedie cuse ome uacojode ayoréo uje uacajicho ore adode aja quigode. Jé basa uyu, que yajire ayorérique atique aja quedéjnai.

Romános 2:4

E bamo uje Dupade chingongara cutejmai dacaniratiguéode aja ua. Bamo uje uté chidota rome cuchade ga bajos eti ca Dupade ujuyaquei uté diji ua jne gu uje cáma tocade ujuyaquei. Jecute bo cucha bisidéguiji uté átegoningáne ome ua. ¿Ama jé ca adójnanga to a? uje Dupade chisı́ome piotiguei ome ua ujetiga écãre báyipiedie quigode ome basijnaringuéone udore quigode, jecute chingongara dacaniratiguéode, dajnoraquei ore aja ua.

1 Coríntios 5:12

Jé ũré uje que yajnei tu ujetiga yajire Dupade otigayasórone ipesutígo cucha gajnareque aja quitígo. A Dupade chajire udore ore ipesudode aja quigode jne. Mu yiraja uje uacajnei tu ujetiga apéso uacajéode ome pisijnaringuéone ipesungórone iji Dupade anguresórone ore iji uacajade. Jecute ãrácho uacajade ome jnacari tuté, chamáñaje gajnarenguipise uté adode gu iji uacajade.

2 Pédro 3:15

Yipota ujetiga arajáyo udojo quigode: uje Yocangarádejnai cáma di gu uje qué chirote yoqui ujetiga chiqueta yoque to. Yoquijõrai Páblo urusarane quigode jé u udore to. Enga yirajágo uje Dupade chisi ome payuquetotiguei ome Páblo uté to.