Juan 7:7 - Dupade Uruode

⁷ Mu que togome uaque ujetiga erámone jogosórone ore chetaque uaque. Mu ore chetaque yu. Uyu u gu uje yingopísa ore ate gajnaréngone aja ore.

Juan 7:7 Iomraidhean Croise

1 Reyes 21:20

Uje Elı́as chise Acab uté, ga Acab chojningame: –¡Urénga, yumajósõri á! ¿Ese yu iji dé á?– Enga Elías chajnai uruode ga chojninga: –E yise ua iji de, arı̃a. E bẽra ua ome cucha gajnaréngone iji Pangarádejnai edominone.

1 Reyes 22:8

Enga israélgosode ore eduguéjnai Acab chojninga: –Uñai qué déji arı̃a, jetiga yicatecãcobi ga chingome Pangarádejnai áyipiedie ome yoque jne. Ga uté i tu Micaı́as, ga Imla ujnacari tu uté. Mu yetaque uté yui, uje ı́jnoque ujetiga uerate uruode ome yajnéone cucha dacate ujetiga chisı́rase uyu. Uté chedu chatata cucha dacate gajnarétigo ujetiga chise yu jne.– Mu eduguéjnai Josafat chaquı̃́ra dojoi eduguéjna ome uruode udore uje chojninga: –A jé ca baruode urásu udore, Eduguéjná.–

Sálmos 109:5

Paraque yu ome ore mu ore cho yúringai paraque oré ome date gajnaréngone. Ore cho yijnoraquei oré iji detétigade ome yu.

Provérbios 15:12

Pijoguipise ayoré dicotárechoquíode ore gu uje que ore tangári dojórique ayoré uje ore chaquĩ́ra jóroque ore ome ore ate gajnaréngone jóroque. Mu que toque jetiga ayoré dicotárechoquírique chise ayoré irajatátique unétique. Jecute ore cãra daquigode gatuac ome ayoré áyipierane ore quigode.

Provérbios 8:36

Jé basa ga ujetiga gosi cãra daquitígo ome yu enga gosi jé chicáji darosobádi cucha yui. Chamáñaje uté gosi chujã yu gu, enga cho jetiga gosi chojninga: 'Yijnorapise pitoringai ome yu.'"

Malaquías 3:5

Ga Pangarádejna Dupa Pujnuéngaisṍri chojninga: "A yĩri to jne enga a yiqueta uaquedodie to jne enga a yinguíra dipoi taja uaque jne. Yojningane u ate gajnarénguipísode uaque uje jecucha ga uacapótayo pujopié gajnarénguenie isocade to, jé aja uaque uje uacapótayo chequé quedéjnanie iji uacacotépisedie ejode to, jé aja uaque to uje uacaráño uacojode ayoré ore to ga uacojnicho: 'Jé ũrepise yu to.' Mu táquechoquí uaque to, jé aja uaque uje gajnareque uacasocade to ome uacarógode ore ga uacaráño ore to, jé aja uaque to uje que posongaquérique déji uacajénique to ome abai toguedie, disijádode ore to rĩ, jé aja uaque to uje gajnareque uacasocade to ome purása quedéjnane iji uacajade. Mu cuchiyi tupúsu uaque uje uacoyo cucha iyiéguiji yu to ga que beyopoi yuru quitique to rĩ."

Lúcas 6:26

Yosõripísi jóroque uaque to uje ayoréode jnese ore chicota uaque. Chamáñaje ayoréode udore uje ore chicota uaque ore gajnúone u jnani bajade uje ore icotaquéode gajnesórone u jnani tágode to nanique uje udore ore cho Dupade uruode atatasórone iji raque.

Juan 17:14

E yingo baruode aja yanguresórone, jecute erámone jogosórone ore chetaque ore. Chamáñaje que erámone jogosórone urásapo ore to rĩ. Enga e ore cho yu uje que erámone unirísõre yu to.

Juan 3:19

Udore ore uje que ore changureta Dupade abi enga e dimane ore gajnéone pujuyaquéo ome ore jne. Chamáñaje dírecaringuéi e chise erámone gu, mu ore irasigode u ijnangununie enga que ore chise dírecaringuéone unétique. Chamáñaje jé ore déji date gajnaréngone gáyode gu.

Romános 8:7

Ga yuruode qui tudé: Udore ore uje ore áyipie chajo raja dapotigué ayoréode ga ore áyipie uaté chopise damajo Dupade, uje que juéga re ome Dupade ajegaidode cucha úringáringo pipesute. Mu a jé ca toguírase ore arĩa ujetiga angoninguite guesaque ore ome Dupade ojningane cucha ueracho quigode, uje que ore chimécãre gu.

Gálatas 4:16

Ísenga ayáyo uacarasitigai tome yu gu uje yacate uágome Dupade uru uréone quigode, ¿ga ajoso ati yipojnaite uaque a? Jecute a oyo uacamajósõri iji yu.

Santiágo 4:4

Ayoré gajnaréngone uaque gu uje que apúsoi uacangureni Dupa ejórique, enga uacagaidode u erámone jogonórone cucha. ¿Ja ca arajáyo to a uje ore chijnóra erámi tuné adode enga imoi tu uje ore gueteque Dupade? Jecute gosi uje pota doi erámi jogonórone isocade, enga cho dedobóya Dupade enga e nóña enga Dupade guetésõre to.

1 Juan 4:5

Uje erámone unojo jogosõre udore ore, enga gusu ore ĩcarane u cucha dacadode iji erámone unojo. Jecute ore ujode erámone unirísoño ore tangári ore.