Juan 7:42 - Dupade Uruode

⁴² Uacarajáyo uje Dupade uruode qui jé u uje yocai jnani bajai eduguéjna David ape disi ejoi jé u yoquijnati Crísto jne. Enga idai jé u jnani bajai David idai to, uje Belén u.–

Juan 7:42 Iomraidhean Croise

Sálmos 132:11

Ũré uje Pangarádejnai chisíome daru iyiejnane ome David ga que doi ga chijnapóji gari rĩ, uje chojningame uté: –Bape disi ejode uñeque a jé chabíji bayaridi uté jne.

Sálmos 89:4

Uje yojninga: "A yipésu jeta jé ca bape disi ejórigo eruénique cuse jne iji deréjna pitade, ga a yipésu bayaripi uté úringai cuchape aja gaté jé aja pape disi ejode udore ore jnese."–

Isaías 11:1

Cachi jnani bajai Isaí toi nanique ga gajnua tu pore togué uje cṍraja jnumi. Mu a chise dínique jne ujetiga ujniéraque suépo rĩ ga uté ájnape disi ejoi a u jne ujetiga ujnomerã́quedatépise.

Miqueas 5:2

"Beléngosode á, a qué yatata uaquedai ujnomei ome uaque jne. Yojningai tu uaquedai Belén uje i uñai u Efráta to. Ajãpe uaquedai Belén uté ome dojode pidáyo ore jnese iji judágosode uacaniri údode jnese. Mu a bajnomei suépise ore idáidatéode udore ujnoméone gáyode jne. Chamáñaje israélgosode ore eduguéjna cuchábejnai garani jé u uté to gu. Ga yojningai tuté uaqueduguéjna cuchape u uje jé jogate aro nanique uje cáma erã́tique cuse nanique." Mu Dupade a noñome darasade israélgose ore iji te jmete jne, jé aja ujetiga chequé icarẽ́ abi base. Mu uaté ape basui a u jne ujetiga chimátapo israélgosode ore aja ñane rĩ enga a ore tṍraji dajñarenie ome uté jne jeta chimátapo ore aja ñane iji ore unirípisi rĩ. Ga uté u jne jeta chijna Dangarádejnai Dupade etotiguejnai ujetiga chirota darasade israélgose ore. Uté gajneque Dupa Eyúgojmai imenuringuei gu. Mu a chopise áyasadie irodisórone adode jne uje a chañurúpusu darasade ore guio jne. Enga pajesereringai jogadi tu ome urasade ore jnese jne. Chamáñaje uté gajnepídi erãpe u erámi údode jnese gu, ga pangarate uté jne ome erámi unirisórone ore jnese to.

Matéo 1:1

A yurúsãre Jesucrísto quicujaidie ore íode jne. Mu obiréjnane u David, Abraham iji ore. Enga Jesús quicujaidie u ore to.

Matéo 2:5

Udore ore chajnai Heródes enga ore chojningame: –A uté batigai tu ore idai Belén jne iji judéagosode ore uniri. Uje Dupade uruode atatasórone uñai, jé urusãracho nanique gu uje chojninga:

Matéo 2:6

"Belén á, guidai atíami jóroque ua iji judéagosode ore uniri, Mu a jé eduguéjna cuchátique tṍrasiji ua jne. Enga a chirote yurasade israélgose ore jne."–

Lúcas 2:11

Yojña omone u uje disabi basosi que iji dejai tuqué iji Belén, jnani bajai David idai. Enga uté u jne ujetiga uacaquetangóri tu. Enga yoquijnati Crísto upúsu, Yocangarádejnai.

Lúcas 2:4

Jecute José jnoji ore gari iji ore idai Nazaret uje déji ore uniri Galiléa. Enga chicáji ore idai uje i tu Belén uje déji puniri Judéa. Chamáñaje jnani bajai David ore batigade u gu uje José gãrapíode u ore.

Juan 7:27

Mu a ca u, ¡jõ! Uje yirajágo uté idai. Mu ujetiga yoquijnati Crísto di ga a ca uñeque chiraja garãtique.–

1 Samuel 16:1

Pangarádejnai Dupade chojningame Samuel: –¿Cho rique ujetiga aya báyuguhebátigadatéi ome Saúl uté? Bamo uje que yipota jetiga jé chajnera dáringai eduguéjna údi ome israélgosode. Jecute aya abóji uté ejode. Ga be aseque puyai pié ga ãrate jne ga ajnája ore idai Belén jne ga apúsi Isaí iguíjnai ome jne. Ga a aníraja uté abode uñeque ójo jne jeta israélgosode ore cho deduguéjna cuchábi iji uté.–

1 Samuel 16:18

Saúl irógode udore uñai chojninga: –Yiraja beléngosi Isaí ujnacarode uñai uje chirajapise árpa úringane chucho. Enga uté ujnomerãque ome pocaningárique yúrique uje que dosóñime cuchárique. Ga uje narare ga yirasique uru quigode ome cuchade uje susípise daruode guio ome dojode ayoré ore. Ga jnacare uerate uté. Ga obiréjnapise uje Pangarádejnai Dupade nóna uté aja quedéjnane to.–

1 Samuel 16:4

Samuel doi Pangarádejnai Dupade ojningane quigode ga chicáji ore idai Belén. Uje beléngosode ore angaránone jnanío chimo Samuel ga ore chachai iji garani. Ga ore dosóñime Samuel uje di iji ore, ga ore jos eti Samuel chatata ore bárique ome ore. Ga ore chojningame Samuel: –¿Ama cachi di ua ya? ¿Jeta adute pujnomérique ome yoque?–

1 Samuel 17:58

Uje ore chise Saúl iguíjnai ga Saúl catecã́ri David ga chojningame: –Jnacare gatódabiá, ¿banique írique a?– David chatata dayé i ga chojninga: –Beléngosi Isaí ape yu. Ga dimane uté ome baroquéode to, Yoqueduguéjná.–