Juan 7:30 - Dupade Uruode

³⁰ Jé u uje judíode ore angaránone ore potapísa ujetiga ore chisa enga ore jno údi. Mu que togome uñeque ujetiga chisa. Uje cáma deréjnai u gu ujetiga ore chisa.

Juan 7:30 Iomraidhean Croise

Sálmos 76:10

Jé ũrepise uje jnanione ore ájningamíe a nóña ga doi ga chicota jóroque ua jne uje baroque ore aja gu. Ome pájningai uje qué déji ga a agarúja ua ome báringárique õrácharã́que jeta o bajuñame ore.

Matéo 12:14

Enga e ájningaránguipíse fariséode ore. Enga ore jno enga jé u uje ore chucué dáyipie ome Jesús ujetiga ore chujé.

Matéo 21:46

Jecute ore potapísa ujetiga ore chisa Jesús ome uruode unojo. Mu que ore chiraja dasocáringome gu uje ore todópisa ayorébui ore. Uje ayorébui ore changureta Jesús ome atatagode Dupade urúo.

Márcos 11:18

Mu sacerdóteode, ore eduguéjnane, jé aja Moisés urusarane atatasórone ore rĩ uje ore chudute Jesús uruode udore ga ore chucué dasoca ujetiga ore chimate Jesús aja jnumi ome úringárique chuque. Chamáñaje ore todo gu ujetiga ayorébui ore chejna rángaja acajnaquéode. Uje ayorébui ore irasique uté acajnaquéode ga ore tijapísa to quigode.

Lúcas 20:19

Mu ájningaránguipíse sacerdóteode ore angaránone, jé aja Moisés urusarane atatasórone ore rĩ. Enga ore potapísa ujetiga ore chisa Jesús. Ore chiraja gu uje Jesús ipesudode udore, cucha gajnúone jé gajnengórone u ore. Mu a ca ore chiraja dasocáringome gu uje ore todópisa ayorébui ore.

Lúcas 22:53

¿Jé gotique gu a uje uacamóño yu iji deréjnane múñi uje jecucha yiyaridi tu Dupade iguíjna cuchábi diríca, uje cucha marínga ajocáso yu ica? Mu qui tu gu uje Satanás áyipiedie e déji uacajéode jnese gu. Ga gajnui tu ujetiga e agúsoi ijnangununie ajéode. Jecute uacapótayo uacasayo yu iji de.–

Juan 10:31

Jesús uruode udore pésu ga judíode ájningarãque ore ome. Enga ore chajni cucaranenie gai ujetiga ore chisa enga ore chatingare Jesús ome.

Juan 10:39

Uje que ore chise Jesús uruode udore unétique enga ore potapo ujetiga ore chisa rĩ enga ore suru gai. Mu Jesús jnoji ore jmainie.

Juan 11:57

Enga fariséode, sacerdóteode eduguéjnane ore chingome ayorébui ujetiga gosi chiraja Jesús jogatique enga chingo jogadi aja ore. Jé u ujetiga ore doi ga ore chisa Jesús enga ore suru gai.

Juan 7:19

¿Ja ca ũré yu a? uje Moisés u uje di Dupade iroquéode údi iji uaque nanique. Mu que uacuñeque déji ujetiga doi udore quigode. Uje Dupade iroquéode chojninga: "Ca ajé bojórique ayoré." Mu uhuaque, uacapótayo chui ome yu.–

Juan 7:32

Uje fariséode ore chudute ayoréode ore uruode uje Jesús u ore ijnati Crísto, enga ore tibágui sacerdóteode ore angaránone ujetiga ore chiroque Dupade iguíjna cuchábi irótigo uñéngo aja Jesús yui ujetiga ore chisa enga ore suru gai.

Juan 7:6

Mu Jesús chojninga: –Cáma deréjnai u ujetiga yingome yu aja erámi. Mu deréjnane cho ñane ome uaque.

Juan 7:8

Boyo, acayóji yocujnusinamáni dire iji Jerusalén. Chamáñaje a jé ca yijína uaque to jne. Cáma yajnei tu ujetiga yicáji.–

Juan 8:20

Jesús uruode u cuchade udojo uje chacate ore iji Dupade iguíjna cuchábi ajei, iji jogadi uté uje ore gueranone pi déji to. Mu que togome uñeque ujetiga chisa Jesús enga suru gai. Chamáña gu uje cáma deréjnai u gu ujetiga ore chisa.

Juan 8:37

Yiraja uje jnani bajai Abraham ape disi ejo uaque. Mu que anguretáyo yojningane cucha ome uaque enga uacapótayo ujetiga ajéyo yu.

Juan 8:59

Jecute ore chisa cucaranenie ujetiga ore chatingare Jesús údode, enga ore chujé. Mu Jesús chacose re iji ore ujade, enga doi guesi iji Dupade iguíjna cuchábi enga jé u uje jno.

Juan 9:4

Uje qué dire enga yajéode u ujetiga yejnape yiguesi jne ome yirósõri iroquéode. Chamáñaje qué dire gu. Mu uje e dejaque enga que togome ayorérique ujetiga chisa dejode iji dejai.