Juan 7:26 - Dupade Uruode

²⁶ Mu déji ti. Enga chacate ayoréode ore iji yoquedominone. Mu que pógu re go. Enga que uñeque cási ujetiga chãraque darai ome. Ísega yocangarádejnane ore changureta úringai yoquijnati Crísto, ¡jõ!

Juan 7:26 Iomraidhean Croise

Provérbios 28:1

Ayoré táyipiegode ore todo dejode jeta ayorérique chiraja ore ome ore atique ga jecucha ore chayo mu que pajnaque ore enga cachi bayaque ore. Jé basa ayoré ate arégode que ore chayome cuchárique. Ga jé ore chopísome caraté quedéjnanie uje que chayome dojórique cuchiso.

Matéo 22:16

Jecute ore chiroque dojode fariséo, jé aja Heródes angarásorone uñane ore aja Jesús yui enga ore chojningame: –Yocacadisṍri á, yirajagopise ua uje jé ũrepise ua ome baruode quigode uje bo quique Dupade adode ome yoque. Yirajagópo rĩ uje que agutúapo ua ome ayorérique rĩ. Que cuchapome ua rĩ ujetiga ore irasique ua, jeoga ore chetaque ua ome baru uréone.

Lúcas 23:13

Iji cucha dacadode udojo quigade ga jé u uje Piláto chamáta judíode ore asutepísedie sacerdote, jé aja Moisés urusarane atatasórone ore aja ñane, jé aja ayorébui ore rĩ.

Lúcas 7:30

Jé basa ga Moisés urusarane atatasórone, fariséode ore uje ca Juan garãte ore aja yodi, ore chotigasipise Jesús acajnaquéode. Enga ore chetágapo Dupade áyipie oméringui ome ore to rĩ.

Juan 12:42

Mu que anguresórojma judíode ore jnese go. Uje uásejna uñéngo uje ore changureta Jesús. Enga jé chuságaja obiréjnane iji ore. Mu udore ore que ore chingo danguretigai ome Jesús aja erámi. Ore todo fariséode ore gu ujetiga ore chijócãre ore iji daquiningamei guiguíjna.

Juan 18:20

Jecute Jesús chajnai uruode enga chojninga: –Cho ujetiga pipoguiete yacajnaquéode quigode. Bamo uje jecucha yacate ore iji guesáringane. Yacadápo ore rĩ iji ore aquiningaméone guiguíjna jé aja Dupade iguíjna cuchábi. Enga bamo judíode ore jnese chamáta rágaja Dupade iguíjna cuchábi.

Juan 3:1

Fariséode uñai déji uje i tu Nicodémo. Enga judíode angarate obiréjnane uñai u Nicodémo.

Juan 4:29

Uje di iji ore enga chojninga: –Boyóji ti. Cajicho jnani uje déji te enga chingome yu yipesudode jnese. ¡Ísega yoquijnati Crísto u jõ!–

Juan 7:25

Udojo quigade enga Jerusalén idaisórone uñane ore catecã́ri ñane ome Jesús úringárique chuque. Enga ore chojninga: –¿Ja ca Jesús uté u ore ucuei ujetiga ore chujé a?

Juan 7:31

Mu uásejna ore iji ayorébui ujade uje ore changureta Jesús úringai Crísto. Enga ore chojninga: –A ca toque jne ujetiga uñeque cuse ujetiga sué uté gai ome uté ipesudode cuchadatéo.–

Juan 7:48

Uacamóño uje que yocangarátique, jé aja fariséode uyoque uñeque changureta uté acajnaquéode.

Juan 9:22

Jnani uté dayé urúo udore gu uje ore todo judíode ore angaránone. Ore chudute gu uje judíode angaránone e ore chimate dáyipiedie gu ujetiga ore chãraque daquiningamei guiguíjna ome udore ore uje ore changureta Jesús úringai pijnati Crísto.

Héchos 4:13

Uje eduguéjnane ore chimo uje Pédro, Juan ore chacate ore ga que ore chagutu rágome ga ore tijapísa ore. Uje ayoré gajnareque ore, enga que urénga ore doi escuéladie to. Mu ore chirajapise cuchade. Ga quene eduguéjnane jnusina uje Jesús jorane u ore nanique.

Filipénses 1:14

Jiéode upúsu yujode Dupade anguresóño uje ore chimo yu aja yúringai pujurúgai enga udore ore u uje ore jnusi rángome datatagode Dupade urúo gaté, enga que ore chagutu rángome to. Ore chimo uje Yocangarádejnai chátaja yu, enga ore changuretapise to ujetiga chatapója ore to rĩ.