Juan 7:23 - Dupade Uruode

²³ Que apótayo ayóyo Moisés ojningane cucha gáyode jecute uacacáyo uacape parátagabode uje dire puyai ome uaque múñi. Enga que etácho ñane ome uacasocade udore. ¿Ome gotique gu a uje ájningarãque uágome yu? Uje yiqueta jnani uté údode jnese iji dire puyai ica.

Juan 7:23 Iomraidhean Croise

Éxodo 31:14

Dire puyai uté a pijoguipise úringai puyaque jne ome uaque enga jé ca asayo cucha pisatíguiji jne. Ujeta gosi chietáyime dire puyai uté jne enga a gosi cachodi u jne ome dachietabátigai jeta gosi topísi. Adi jé upo rĩ jeta gosi doi cucha pisatique iji jne enga a chuque uté gosi to.

Matéo 12:10

Enga jnanírique déji to uje jmanai cacoque. Mu uñéngo timíninga Jesús aja quedéjnane. Uje ore gaidi tu gu ujetiga ore chisíji jnani poritai gai ujetiga chiqueta iji dire puyai. Jé u uje ore catecã́ri Jesús enga ore chojninga: –¿Ja jé piquetaguirase ayorérique iji dire puyátique ome bajéode a?–

Matéo 12:2

Mu fariséode uñéngo chimo Jesús acadigode uje ore chisa ore acade ade enga jé u uje ore chojningame Jesús: –¿Ga ca araja to a uje dire puyaque uné? Mu bacadigode jé ore chisa cuchade iji.–

Matéo 12:5

¿Jé ca adúcho to a? uje Moisés urusarane chojninga: "Dupade irógode gajnei tu ujetiga ore chisa cuchade, jé iji dire puyade iji Dupade iguíjna cuchábi. Mu jé que pisijnaringuéo go ome ore."

Juan 5:10

Enga jé u uje judíode ore catecã́ri Jesús iquetai jnani. Enga ore chojningame: –Deréjnai udé u uje que pisaque pejóriguiji. Bamo uje que pujuegate ome ua ujetiga ajna bataranone.–

Juan 7:21

Jesús chojningame ore: –Ísega yipesútedaté casica chajuque uacagutedie ica uje yiqueta jnani noñai ica iji dire puyai. Enga uaquetei u uté iji yu.

Juan 9:16

Mu fariséode ore chajuque uñane ajéode uje uñane ore chojninga: –Que toc ujetiga jnani uté iquetasṍri tṍraji Dupade. Sijnaque uté uje pésu dapesudode iji dire puyai.– Jé basa uñane ore chojninga: –¿Ja toguírase ome ayoré sijnátique ujetiga cho uté ome ipesútedatéode?–