Juan 7:22 - Dupade Uruode

²² Uacarajáyo uje Moisés chiroque uágaja ujetiga acáyo uacape diyoquíode iji dire gare iji ti iji ore batigai quigade. Jecute uacabeyoi Moisés iroquéode udore quigode enga uacacáyo uacabode uje dire puyágome uaque múñi. (Mu que gusu Moisés uje chiroque uágaja udore. Mu uacayode jnani bajácho, uje bajac ore ome Moisés, ore jmapié u to nanique.)

Juan 7:22 Iomraidhean Croise

Génesis 21:4

Enga Abraham dopísi Dupade uruode nanique enga abi guejnane dire gadióguiji ti iji yijmanuñai uje chica ujñungungué nanique enga chijnime aoi pei.

Héchos 7:8

Dupade chingo dáyipiedie aja Abraham to ga chiroque Abraham ujetiga chica dabode ujetiga pijoque uje Dupade uruode gajnesórone u ore. Jecute Abraham chica dabi Isaac uje dirode gadióguiji ti iji yui uje base. Adi jé upo rĩ uje Isaac chica dabi Jacob to. Adi jé upo rĩ Jacob. Chica dabode to uje gare ore iji yirídai. Enga israélgosode uyoque uje yocuáguedie gare iji yirídai yocãrapi jé u Jacob ujnacarode udore.

Gálatas 3:17

Yuruode quigode u udojo: uje Dupade chimate dáyipiedie ome Abraham nanique, ga que toc ujetiga qué chécãre dáyipieraque. Jé basa ga sequeredie 430 iji udojo quigade u uje Dupade chimate dáyipiedie ome Moisés ome cucha puyade. Mu que toc ujetiga Moisés urusarane udore doi enga chĩro Dupade áyipie bajedie ome Abraham ga ca cuchárique tṍraji.