Juan 7:18 - Dupade Uruode

¹⁸ Uacarajáyo uje gosi chedu re ome dojñáringo quitígo enga uté gosi ucuei u dáringárique picotaque. Jé basa ga gosi ucuei u darósõri úringárique picotaque enga chedu darósõri ome dojñane. Enga que aringácachoquí uté mu ũrepíso ojñane.

Juan 7:18 Iomraidhean Croise

Provérbios 25:27

Yirajágo uje gosi chipese cutepei ga quĩrique chipese ga uneripísome. Mu jeta gosi ujuya ga agupase gosi iji cutepei tuté. Ga adi jé u ome ayorérique jeta picotaque uté ga jnari rome dáringárique picotaque ga a uté agupase iji dacuegode picotaqué ome re jne.

Números 11:29

Mu Moisés chojninga: –¿Ama atodo jeta ore sué yibai ome darajatígadatéode to a? Ga jé ore dóji to ga ore chatata darajatígadatéode to. Yipésupú ga Dupade Ujopiédaté Espíritu Sánto irágurásu yurasade ajéode jnese to jõ, ga ore chatatarása Dupade uru iyiejájnane ome ñane to jnese jõ.–

Matéo 6:9

Jecute oyósi te ujetiga acatecãchoi Dupade: Yocai Dupade á, uje bagúsiji gaté, Yisígo babai.

Juan 11:4

Uje Jesús chudute ore uruode enga chojninga: –Dequejnarei uté a ca chujépise Lázaro jne. Mu ejnarétaque Lázaro gu ujetiga Dupade chingo dáringai eduguéjna cuchape aja ore. U to ujetiga chingopo dabi uyu yúringai cuchape aja ore rĩ.–

Juan 12:28

Enga Jesús catecã́ri dayé enga chojninga: –Yapá, be bajéningo ome yu ujetiga diga picotaque opejã ua ome ore.– Enga jé u uje ore chudute darade uje tṍraji gatajnoquei. Uje chojninga: –E yise yúringai picotaque que, enga diga picotagapo yu jne rĩ.–

Juan 12:43

Chamáñaje cuchadatei u ore ujode ayoré icotaquéode ome ore gu. Jé basa que cucha ome ore Dupade irasitigade ome ore.

Juan 5:41

Mu que cucha ome yu ujetiga jnanione uhuaque ca eso yunétique.

Juan 8:54

Jesús chajnai ore uruode enga chojninga: –Ujetiga yisírase yibai enga a ca cuchárique tõrarásiji. Mu Yai déji enga uté u uje chisi yibai, enga que toc ujetiga oyo cucha bisidéguiji uté icotaquéode. Chiese uacangureni u Dupade, mu jé u Yai uté to.

1 Tesalonicénses 2:6

Ujetiga yocajéraso ica, enga a yingongorása yoquimenuringuéone ome uaque ujetiga picotaque yoque ome uaque. Chamáñaje Yocangarádejnai Jesucrísto irógode uñane u yoque gu. Mu que yocáyipiedie déji ujetiga picotaque yoque ome ayorérique, jeoga uaque u, jeoga uñéngo u.

1 Pédro 4:11

Ujetiga ayorérique chacate ore enga omi tu ujetiga chedu Dupade uruode iji dajei. Jeoga chisa dasaque uñéngo ome Dupade enga chejna raja ome Dupade guerani etotigué. Acueyoi uacasocáringome uacapesudode cucha udore jnese ujetiga pijoque uacanguretigai iji Jesucrísto. Enga diga ore chacãre Dupade gai ome bapesudode udore. Yocajéode u gu ujetiga picotaque Dupade iji deréjnane jnese ome ujopiédaté. Amén.

1 Juan 2:29

Uacarajáyo Jesucrísto úringai areque. Jecute uacarajayópo Dupade atígo ore to rĩ ome ore úringáringo cucha arégode ipesungóño.