Juan 7:14 - Dupade Uruode

¹⁴ Judíode ore jnusinamánone díño cáma chise eruei uje Jesús chise Dupade iguíjna cuchábi. Chacája enga jé u uje chacate ore iji.

Juan 7:14 Iomraidhean Croise

Malaquías 3:1

Dupa Pujnuéngaisṍri chojninga: "A yiroque yiroi aja Yiquei to jne jeta chajo dajetique iji Yiquei to. Ga jé u jeta uacajnati Pangarádejnai uyu yĩri iji uaque to. Ga yĩri ga jĩraque yacája yiguíjna cuchábi iji uacajade to. Uacajnátuyo Dupade Utocaidi jeta uté di ga pésu Dupade áyipie ejodie úringáringui ujñapetei ome uaque to, ga idógosi ujetiga uté di jne ga pésu uacáringáringo ujñapetácho to ome Dupade."

Matéo 21:12

Jé u uje Jesús chacája Dupade iguíjna cuchábi iji Jerusalén. Mu que chise unétique uje ore tẽra cuchade iji. Jecute chijócãre udore ore iji uje ore tẽra cuchade iji ajei. Upo ore rĩ uje ore doi cuchade oredie. Enga chucuase jnanione agapíode uje ore doi oredie ome pláta quedéjnanie. Enga chucuásapo cucujúode guẽrasórone ore charipíode rĩ.

Matéo 26:55

Enga jé u uje Jesús chojningame ayorébui uje ore pota chisa uté: –Yo oriechoquíode iji uacajmainie uje uacajnáño cõráchaque dipeséode ome yu. Uacamóño yu iji deréjnane mu, uje yacate uáguiji Dupade iguíjna cuchábi, ¿jé que asayo yu iji diríca?

Lúcas 19:47

Iji udojo quigade ga Jesús que cho daja ome dacajnaquéode iji deréjnane údode iji Dupade iguíjna cuchábi ajei. Mu judíode ore asutedie, ore angarádejnane ore, jé aja Moisés urusarane atatasórone ore eduguéjnane, ore chucuepísi Jesús bárique ujetiga ore chise bárique ga ore chujé.

Juan 18:20

Jecute Jesús chajnai uruode enga chojninga: –Cho ujetiga pipoguiete yacajnaquéode quigode. Bamo uje jecucha yacate ore iji guesáringane. Yacadápo ore rĩ iji ore aquiningaméone guiguíjna jé aja Dupade iguíjna cuchábi. Enga bamo judíode ore jnese chamáta rágaja Dupade iguíjna cuchábi.

Juan 5:14

Mu udojo quigade uje Jesús chicáji Dupade iguíjna cuchábi enga chise daqueta casé jnani iji ajei. Enga chojningame: –E bamo báringai piquetaque enga be ga ca apésapo cucha gajnarétique jne rĩ ujetiga ca cucha uñeque chijocásapo ua rĩ ujetiga ca sué bejnareque bajai gai.–

Juan 7:2

E idógosi judíode ore jnusinamáni dire uje ore pésu daguíjna noñiméone iji.

Juan 7:28

Uje Jesús chudute ore uruode iji Dupade iguíjna cuchábi ajei uje jé déji dacaditigade gai enga chejnapúsu daruode, enga chósi te ome daru uajádode: –Uacáyipiedie qui u uje uacarajáyo yu enga chiese arajayópo yarani te rĩ. Mu que yise de jnumi ome yáyipie quitique. Mu yise de gu yirósõri uje ũrepise uruode quigode. Mu uhuaque, que arajáyo yirósõri uté go.

Juan 7:37

Judíode jnusinamánone dire erueminóri u uje ore pésupúsu cuchade aja quigode iji. Diri uté u uje Jesús chague enga catecã́ri ore ome daru uajádode enga chojninga: –Gosi ujetiga cajnóriji, doi ga tibágui yu enga chóji yerani yote ueca.

Juan 8:2

Dire uñai enga Jesús jnoji direjnímei enga chicapóji Dupade iguíjna cuchábi rĩ. Enga ayorébui ore chose yui enga Jesús chácariji dayaridi iji Dupade iguíjna cuchábi ajei enga jé u uje chacate ore.

Juan 8:20

Jesús uruode u cuchade udojo uje chacate ore iji Dupade iguíjna cuchábi ajei, iji jogadi uté uje ore gueranone pi déji to. Mu que togome uñeque ujetiga chisa Jesús enga suru gai. Chamáña gu uje cáma deréjnai u gu ujetiga ore chisa.