Juan 7:12 - Dupade Uruode

¹² Enga ayorébui ore tujua Jesús i aja quedéjnane. Uñane ore chojninga: "Paraguipise jnani uté." Mu uñane ore chojninga: "Que paraque go. Aringácachoquí."

Juan 7:12 Iomraidhean Croise

Matéo 10:25

Ujetiga piroque uaque enga a uacáringai ducañerájma jé cho uaqueduguéjnai úringai ducañerájma jne. Jé basa ujetiga pacadique uaque enga a jé ca apíchome uacacadisṍri gajnei pujuyaqué to jne. Uacamóño uje ore cho Satanás iji yu. Mu a ore doi datéringai ome uaque jne.

Matéo 21:46

Jecute ore potapísa ujetiga ore chisa Jesús ome uruode unojo. Mu que ore chiraja dasocáringome gu uje ore todópisa ayorébui ore. Uje ayorébui ore changureta Jesús ome atatagode Dupade urúo.

Matéo 27:63

Enga ore chojningame Piláto: –Eduguéjná, yujnusinángo Jesús urupatáringa casodé uje chojninga diríca: "A yiquecápo jne rĩ iji dire gadiótigo."

Lúcas 18:19

Enga Jesús chajnai uté uruode ga chósi tome: –¿Jé gotique gu a uje bacota yu ome yúringárique ayoré paraque? Uje gusu Dupade gu uje paraque.–

Lúcas 23:47

Uje soldádode ore eduguéjnai rómagotique pañaji Jesús adode udojo ga jec u uje tija Dupade ga chósi tome: –¡A jé ũrepise uje jnani ujñapetaque uté jõ!–

Lúcas 23:50

Enga jnani parátique déji nanique uje uté i tu José uje idai i tu Arimatéa iji ore uniri Judéa. Uje judíode eduguéjna cuchábode jõra uté; e mu cãra dasocade ome ore, uje ũrepísome isocade. Jecute chetaguipise dojode eduguéjna ore isocade ome Jesús ucácasé uje ore chimanipise aja jnumi. José uté changuretapise yui ujetiga Dupade chácariji dáringai eduguéjna cuchape ome darasade ore jnese.

Lúcas 6:45

Enga Jesús cho dacajnaquéode udojo quique ga chósi te: –Ga jé isocai tu ome ayoré áyipie onique uje que urúrique gajnareque gotique. Mu ayoré sijnai ga áyipie gaidode upúsu date gajnaréngone ga que urúrique chijnaque. Jecute yirajágo uté gosi áyipiedie ome uruode quigode, ujetiga ueracho jeoga gajnarécho.–

Lúcas 7:16

Enga chajuque ayorébui ore agutedie jnese. Jecute ore chicotapise Dupade. Ga uñane ore chósi tome dacotaquéode ome Dupade: –Dupade irótique ujopíerã́tique a chiqueta raja yoque que.– Ore chojningápo rĩ: –Dupade gaidi upúsu ujetiga chátaja judíode uyoque.–

Juan 6:14

Uje ayoréode ore chimo Jesús ipesútedatéi uté enga ore chojninga: –Jé ũré uje Dupade uruode atatasṍri u uté ujetiga di iji jnumone udojo.–

Juan 7:32

Uje fariséode ore chudute ayoréode ore uruode uje Jesús u ore ijnati Crísto, enga ore tibágui sacerdóteode ore angaránone ujetiga ore chiroque Dupade iguíjna cuchábi irótigo uñéngo aja Jesús yui ujetiga ore chisa enga ore suru gai.

Juan 7:47

Jecute fariséode ore chojninga: –¿Ome gotique gu a uje uté sué uacabai ome daringaquérigo to?

Juan 7:52

Jé u uje ujode fariséo ore chojninga: –¿Ja Galiléa gose ua ya uje bãrarare uté gai? Ajire Dupade uruode. Jogadi u ujetiga araja uje que Dupade uruode atatasõre proféta uñeque tṍraji Galiléa.–

Juan 9:16

Mu fariséode ore chajuque uñane ajéode uje uñane ore chojninga: –Que toc ujetiga jnani uté iquetasṍri tṍraji Dupade. Sijnaque uté uje pésu dapesudode iji dire puyai.– Jé basa uñane ore chojninga: –¿Ja toguírase ome ayoré sijnátique ujetiga cho uté ome ipesútedatéode?–

Héchos 11:24

Jnani paraque Bernabé gu enga changuretapise Dupade. Enga Dupade Ujopié Espíritu Sánto irágu ajei. Jecute jiei ore uje ore changureta Yocangarádejnai Jesús ome Bernabé acajnaquéode.

Romános 5:7

Adójnacho iji erámi unirisórone yocujade uje uajadipise ujetiga piyaque gosi uje juégarása re ome dáringárique chuque iji uñeque jogadi. Uje gosi adode aréchorase gatuaque marínga, que ujórique ayoré pota tẽra re iji jnani uté charidi. Ja seca osõrataguipise jnani uñeque ome dojórigo ayoré ore, ga que pimo jeta uñeque cási ujetiga toi iji jnani osõratai uté charidi. Mu que urénga cucha dacadode udore tocade ome erámi unirisórone uyoque.

Filipénses 2:14

Apéso cuchade unojo jnese enga ca oyo chere chere ome ñane, enga ca abotácho ñane rĩ.