Juan 7:10 - Dupade Uruode

¹⁰ Uje Jesús desade ore jno que enga jé u uje Jesús chajna ore to aja ore jnusinamáni dire. Mu Jesús pógu dacoringai. Gaidi u gu ujetiga ayorérigo ca chiraja.

Juan 7:10 Iomraidhean Croise

Sálmos 26:8

Pangarádejná, yijnorapise baguíjna cuchábi uje bayarite ueradi déji uté uje bagúsiji uté gatuaque ome bangoningájnai.

Sálmos 40:8

Urénga, yijnátu ujetiga yi bajegaidode cucha jne, Yangureni Dupá. Bacajnaquéode udore déji yáyipie ajei.–

Matéo 10:16

Jesús chojningápome ore rĩ: –Boyo mu ajusópise uaqueo iji erámi jne uje a uásejna erámi unirisórone ore jne ujetiga ore pota sué uacabai ome uacáringáringo chucho. Uje a uacajnunie u áyasadie jne iji cuchiso chagúrigo ajénique. Uacarajáyo uje ugade edodie chojmára ome dejode. Jecute omi tu to ujetiga oyo ugade edodie to ome uaquejode. Oyópo cucujudaijnane to rĩ, uje pajnotácho enga que tagu dejórique go.

Matéo 12:46

Jesús cáma chejna dacajnaquéode guesi mu daté, jorane ore di mu ore cháji guesi. Enga ore pota jeta ore catecã́ri Jesús.

Matéo 3:15

Mu Jesús chojningame: –Areque ujetiga yipéco Dupade áyipiedie jnese. Jecute jé tiógara ujetiga aca yedodie iji tié.– Enga Juan chojningame: –Jé areque.– Do gojni enga chaca edodie iji tié.

Márcos 3:21

Enga Jesús iguiosode ore chopise dáyugu uje ore chudute uje chiese ũruso Jesús. Chamáñaje ayorébui ore ijópise gu iji charipi guiguíjna. Jecute iguiosode ore tibágui jórogui Jesús iji uté ujetiga ore jno údi.

Juan 11:54

Jecute Jesús que chingopo raja judíode ore rĩ. Mu jnoji ore uniri Judéa. Enga chicáji ore idánique uje i tu Efraín uje idógosiji erãp eyutiguei. Enga Jesús acadigode ore cháji Jesús gari iji te.

Juan 7:3

Jecute Jesús desade ore chojninga: –Jé ca ayáji de. Bo ga acáji Judéa. Enga banguresórone iji ta ore chimo bapesudode to.

Juan 7:5

Jesús desade ore urásu ujetiga ore changureta, mu que ore changureta go. Jecute ore uruode cho piboqueréringane ome Jesús.

Juan 7:9

Chimate daruode udojo enga jé u uje cháji Galiléa.

Gálatas 4:4

Mu uje chise Dupade ojningai dire ga Dupade chiroque dajnacari Jesús aja yoque. Mu cho ayorepísiji ga basíji chequé judía, ga jé judío u to nanique. Jecute dopísi Moisés urusarane cucha puyácho to.