Juan 7:1 - Dupade Uruode

¹ Cuchade udojo quigade enga Jesús diguiji ore uniri Galiléa údode uje chacate ore iji quedéjnane. Que pota jóroga ujetiga chajniápo aja ore uniri Judéa rĩ. Chiraja uje judíode ore chujérase iji Judéa gu.

Juan 7:1 Iomraidhean Croise

Matéo 10:23

Ujetiga ducañerájma uágome ore jne iji ore idánique uñeque marínga, jé atatayo yuruode aja uacajesúrigo guidai uña jne. Uacamóño uje a cáma eso israélgosode ore idáyode jnese ome yuruode, mu a jé u jne ujetiga óraño uágome Dupade utocaidi uyu jne ujetiga yise uaque.

Matéo 21:38

Mu uje jnanione udore ore chimo ujnacari uje e chicáji ore yui enga ore pésu dáyipiedie ome uté. Enga ore chojningame ñane: "A uté dayé toi jne, enga ujnacari uté gajneque jnumi uné jne. Yicoi enga yujégo jne, enga yocajnenguipise jnumi uné jnese jne."

Márcos 11:18

Mu sacerdóteode, ore eduguéjnane, jé aja Moisés urusarane atatasórone ore rĩ uje ore chudute Jesús uruode udore ga ore chucué dasoca ujetiga ore chimate Jesús aja jnumi ome úringárique chuque. Chamáñaje ore todo gu ujetiga ayorébui ore chejna rángaja acajnaquéode. Uje ayorébui ore irasique uté acajnaquéode ga ore tijapísa to quigode.

Juan 1:19

Enga judíode ore eduguéjnane iji Jerusalén ore chiroque sacerdóteode, levíteode uñane aja Juan ujetiga ore chiraja úringárique ayoré.

Juan 4:3

Uje Jesús chiraja uje fariséode ore chetaque adode enga jnoji ore uniri Judéa enga chajnésaru aja daniri Galiléa.

Juan 4:54

Jesús ipesútedaté ejoi u udé uje jnoji Judéa enga chicáji Galiléa.

Juan 6:1

Udojo quigade enga Jesús jno enga chicáji yote quedéjnai uéchai uje íode gare: Galiléa u i uñai, jé basa ga Tibérias u i uñai.

Juan 7:11

Judíode ore chucué Jesús iji ore jnusinamáni dire enga ore chojninga: –¿Jé dépisi rique jnani uté?–

Juan 7:13

Mu jecucha ga ore pógu dacatecãraitigade udore. Ore todópisa dangaránone gu.

Juan 7:19

¿Ja ca ũré yu a? uje Moisés u uje di Dupade iroquéode údi iji uaque nanique. Mu que uacuñeque déji ujetiga doi udore quigode. Uje Dupade iroquéode chojninga: "Ca ajé bojórique ayoré." Mu uhuaque, uacapótayo chui ome yu.–

Juan 7:25

Udojo quigade enga Jerusalén idaisórone uñane ore catecã́ri ñane ome Jesús úringárique chuque. Enga ore chojninga: –¿Ja ca Jesús uté u ore ucuei ujetiga ore chujé a?

Juan 7:35

Jé u uje judíode ore catecã́ri ñane enga ore chojninga: –¿Jé chicapi rique jne uté ujetiga ca yimóngopo jne rĩ? A chicáji ore uniri Grécia jne. Uacamóño uje uásejna judíode ore iji ta. A pota chacate gréciagosode ¡jõ!

Juan 8:37

Yiraja uje jnani bajai Abraham ape disi ejo uaque. Mu que anguretáyo yojningane cucha ome uaque enga uacapótayo ujetiga ajéyo yu.

Juan 8:40

Uje yatatagode u Dupade acajnaqué uréone ome yu mu uacajegaidi u ujetiga ajéyo yu. Mu Abraham que áyipieraque déji ujetiga chujé Dupade utocaitique nanique. Que adi u uacadi uje uacapótayo chui ome yu.

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.