Juan 6:9 - Dupade Uruode

⁹ Enga chojninga: –Disi déji de uje arurégode déji gari enga chejna yijmanai. Uje ore ipesucho iji arroz quedéjnai uje i tu cebáda. Oyite gáreode dépoji gari rĩ. Mu qué garósi udore ome ayoré dipeséode udore.–

Juan 6:9 Iomraidhean Croise

1 Reyes 4:28

Ga ore dopoi cucha pibosode ome Salomón uté gachidode burica jnese to rı̃. Ga cucha pibosode udore u ore aquesugode jnacaraque pajnotácho, jé aja ore acai uje i tu cebáda. Ga jé u uje ore jno dajnepı́dode cucha piboso udore batigade údi aja jogadode udore uje Salomón chı̃́care ome ore.

2 Reyes 7:1

Uje eduguéjna cuchábi chotigase Pangarádejnai ome úringai Pátajasṍre mu Dupade iroi Eliséo chósi tome: –¡Angáchoi Pangarádejnai uruode! Yajnerámeone Pangarádejnai urúo udojo chósi tome uaque: "Guedé batigai a jé udé dirome enga a amóño jne uje a uacarasade ore tẽra cucha pibose uásejnane iji yoquidai Samária ujuyaquéode jorı́dedie ejode jne. Ga orabidie a garósosi jne. Uje a ore doi oredie ome harı́nai dirome uje sué harı́na uñane gáyode jnese ome dáringai uerate, mu gusu pláta guebeque chojmara ome 7 ikı́lode jne. Ga a ore doi trı́goi gajnui to dirome uje i tu cebáda ga ikı́lode 15 jne mu gusu pláta guebeque chojmarámi ome to dirome jne."–

Sálmos 147:14

Ga jé u uje uté chisíome pajesereringai ome bayaridi uté eruéode ajeminórone ore; ga uté jé u uje pésu ga uacajníño uáguiji trígo ueradi uté.

Sálmos 78:19

Urénga, ore uruode gajnarécho ome Dupade ga ore chojninga: –¿Ga Dupade chorási ringome jeta chicha cucha pibotígaja yoquimésadie gáyode iji erãpetarei udé?

Sálmos 78:41

Ga ore chigota chetingare Dupade uté gatuaque nanique, ga ore pésupúsu Israel Jogosṍri Dupa Puyaguipise ujuredie ome dabotaquéode.

Sálmos 81:16

Mu ome ua ga a yṹrarása trígo ueradi aja ua. Ome cutepéode uje tṍraji cucaranédaté uje déji erámi ga a yipésurásu jeta jé ca aroriguíji.–

Matéo 14:17

Mu ore chojningame: –¿Jé yocórase írique? uje yoquigode arureque chejna yijmanai, oyite gáreode dépoji yocari rĩ. ¡Que toc ujetiga chise ayoré dipeséode iji yocari jnese!

Matéo 16:9

A cáma arajáyopise yadode jõ. A jnopóji uacajéode rĩ uje yajuguína arurégode uje udore chejna yijmanai aja jnanione ica uje 5.000 ore. Enga uacarajáyo yocamatade ica iji yoquibose péode.

Márcos 6:38

Mu Jesús chajnápoi ore rĩ enga chojninga: –Ajicho uaquetígo arurécho amíningo.– Jecute ore jno ga jĩrique ore chucué. Uje ore chise ga ore chojningame Jesús: –Yocangaráni á, arurégode amirone chejna yijmanai. Jé basa oyídode garósi.–

Márcos 8:19

Uacamóño diríca uje yajuguína arurégode ome ayorébui ore diríca. Uje arurégode chejna yijmanai diríca. Jé basa ga jnanione 5.000 u ore diríca. ¿Mu jé cho rique uacãretárigui iji ore orárigui ijnacojoi diríca iji ore iquebéode udore diríca ya?– Mu acadigode ore chojningame: –Cachi gare iji yirídai diríca arĩ́e.–

Lúcas 9:13

Mu Jesús chojningame ore: –Ajuguínaño uacabotígo ome ore.– Mu ore chojningame: –Gusu arurégode uje chejna yijmanai ga garósi oyídode rĩ uje déji yoque. ¿Jeoga báyipie quigode u ujetiga yicoi ayoré dipeséode udore potígo ujetiga yajuguínango ore?–

Juan 11:21

Mu Márta chojningame Jesús: –Yangaráni á, ujetiga agúsirási de diríca enga yocaja casé a ca torási diríca.–

Juan 11:32

Uje María chise Jesús charidi enga chichaga dagataidie aja jnumi iji Jesús ejoi enga chojninga: –Yangaráni á, ujetiga agúsirási de, yaja casé a ca torási diríca.–

Juan 21:10

Enga Jesús catecã́ri ore enga chojninga: –Ajnáño oyídode ucode uñéngo aja de uje quene ajnicho que.–

Juan 21:13

Mu Jesús jĩraque chose ore yui. Chisa arurei enga chisi ome ore. Enga jé isocai u to ome oyídode uje chajuguína ore to.

Juan 21:9

Uje ore doi jnumi iji cucoi enga ore chimo uje ore posode e dimane ome ore. Uje oyídi déji pioi gueguerade gai enga arurégode déji pioi ejoi.

Juan 6:11

Udojo quigade enga Jesús chisa arurégode udore enga jé u uje chacãre dai Dupade gai. Enga chisi ome arurégode ome dacadigode ore. Jé u uje acadigode udore chajuguína arurégode ome ayoréode ore uje ore chácariji dayaridi. Adi jé u to ome oyite gáreode. Ore chisi ore jnese iji. Enga subudé ore iji jnese.

Juan 6:7

Mu Felipe chajnai Jesús uruode enga chojninga: –Garósi yoquiplátadie erĩ́e. Mu ujetiga yoquiplátadie denário chorase 200 a yijírasi arurétigo ome ore. Mu a qué chona ore ujetiga subudé ore iji.–

2 Coríntios 8:9

Chamáñaje e uacarajáyo Yocangarádejnai Jesucrísto icaniratiguédatéode ome uaque gu. Uje que cuchárique chona nanique uje déji dayé gari. U mu chicai jnumi ga jmataguipísiji jnumi tudé. Chamáñaje chijnorapise uaque gu, enga gaidi tu ujetiga agutíñañopísome adode iji jnumi tudé to.

Deuteronómio 32:14

Enga ore tagu basángosode ore gachidode áyasa choqui arione iji uté to ga ípiso ore gachidode udore nanique. Ga ore chijose aquirájnanie ijnanie to ga ore chijnime cutejmane iriso dipeséjna to ga ore pésu quéso iji ome raque to. Ga querújna trígo ubugode iji uté to ga ore posode u udore to. Ga ore chijósapo úvadie adie to rĩ ga uneripise ore joyade iji to. Gatíjnapise ore joyade to, ga ueradipise.

Apocalípsis 6:6

Enga yudúdapo darade rĩ iji gaté unirísõre gagájnione ore ujai uje catecã́ri buricai charipísõri enga chojninga: –Apésu cuchade oredie ome erámi unirisórone enga jiei. Enga a gosi doi kílo chojmarai iji trígo mu a chopise diri oredie jne. Jeoga doi kílo gadiógode iji cebáda mu chejna diri oredie aja rĩ. Jé basa ga ca o bajuñame ore acadie úvai, aceitúna ore ujetiga ca víno, aceite ore íjnoque to.–