Juan 6:7 - Dupade Uruode

⁷ Mu Felipe chajnai Jesús uruode enga chojninga: –Garósi yoquiplátadie erĩ́e. Mu ujetiga yoquiplátadie denário chorase 200 a yijírasi arurétigo ome ore. Mu a qué chona ore ujetiga subudé ore iji.–

Juan 6:7 Iomraidhean Croise

2 Reyes 4:43

Mu iroi chajnai uté ga chojninga: –¡Garósi arurégode arı̃a! ¿Ama yorási ringome ujetiga yajuguı́na jnanione udore uje ore batigai chise 100?– Mu Eliséo uté chajo raja daruode, ga chojninga: –Be ga ası́ome ore, ga a ore cho dabotı́ji jne. Uje Pangarádejnai jé urúo ome yu gu. A jé chise ore jnese jne, ga amı́ningo a qué déji jne iji quigade.–

Matéo 18:28

Mu iroi jnoja daquei enga tuangóa jnani uje íode déji gari to. Mu qué garósi. Mu que chajire cucháringome. Jĩraque chisa etabi enga chibéro. Enga chojningame: "O yoré, jé iji ne ome béode iji yari."

Márcos 6:37

Jecute Jesús chajnai ore enga chósi tome ore: –Beyoi ga asíñome ore potígo ome ore.– Mu Jesús acadigode ore chojninga: –Cho jetiga 200 denário déji yoque arĩ́e ujetiga yicórasi ayorébui udore ore potígome ore.–

Juan 1:43

Dire uñai enga Jesús pota chicai ore uniri uje i tu Galiléa mu tuangóa jnacari uje i u Felipe. Enga chojninga: –Felipe á, ajína yu to.–

Juan 1:44

Felipe uté idai u Betsáida. Enga Pédro, Andrés ore idai jé u to.

Juan 1:45

Felipe jno enga chucué Natanael enga chojninga: –Yimóngo Dupade utocaidi que uje Moisés, Dupade uruode atatasórone proféta uñane ore urusarane ojningai tu. Enga uté i u Jesús uje dayé u José, nazarétgosi.–

Juan 1:46

Mu Natanael chotigase Felipe uruode jecute chojninga: –¿Ja Dupade utocaite cuchátique tõrarásiji Nazaret a?– Mu Felipe chojninga: –Yico ga yibájoi enga ajirape to ujetiga araja ujetiga yoquijnati u.–

Juan 1:48

Jecute Natanael catecã́ri enga chojninga: –Quene bamo yu múñi, jé baraja yu.– Jesús chojninga: –Uje cáma Felipe tibidi ua, mu yimo ua iji poria uaté údi uje i tu higuéra.–

Juan 12:5

Enga chojninga: –¿Jé gotique gu a uje que tẽra cucha ai unéri uté? Enga yisígo jmatágode ore iji orérigui. Chamáñaje oredie jiépisi gu, enga a oredie chisírase 300 denárionie.–