Juan 6:57 - Dupade Uruode

⁵⁷ Pucuecaringuei garani u yirósõri Yai enga yiqueca gu uté. Adi jé u uté gosi ujetiga cho cucha pibotíji yu, uté gosi eca gu uyu.

Juan 6:57 Iomraidhean Croise

Sálmos 18:46

¡Pangarádejnai qué eca, arĩa! ¡Picotaque Opejã uté uje Yãreto Cucarané u! ¡Yipésupú ga pisígai Yiquetasṍre Dupade uté jõ!

Matéo 16:16

Mu Simón Pédro chajnai enga chojningame: –Crísto u ua, Dupade utocaidípisi. Dupa Uecai uté ujnacari tupo ua rĩ.–

Juan 14:19

Idógosi ujetiga ayoréode ca ore chimópo yu rĩ. Mu uaque u ujetiga amóñopo yu rĩ. Chamáñaje a yitoi mu a yiquecápo rĩ jecute a uacasocai u uté to jne. A aquecáyo jne iji deréjnane jnese.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 17:21

Yutai ua ome yanguresórone ore jnese ujetiga ore áyipiedie quitígo chojmarapise. Ujetiga ore chatapísa raja uyoque enga chojmára yóguiji jnumi. Yapá, yigaidi u gu ujetiga ore chopise yoque, uje yocáyipiedie chopise ñane. Ujetiga erámone jogosórone ore chimo uje yanguresórone ore áyipiedie quigode chojmára enga a ca potigayaquérique déji ore ome yúringai batocaite.

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 5:26

Uacamóño uje yai Dupade ujopiédaté cuse ujetiga chisi ome pucuecaringuei ome uñane. Uté chisíome dajopiédaté uaté ome dajnacari uyu to ujetiga yisi ome pucuecaringuei ome uñéngo to.

Juan 6:29

Jesús chajnai ore uruode enga chojninga: –Dupade ajegaidi u ujetiga anguretáyo utocaidi uyu.–

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

1 Coríntios 15:22

Jecute yitogoi jnese gu uje yocãrapi u Adán. Jé basa yiquecágopo jnese to rĩ uje yocajnengóri u Crísto.

1 Coríntios 15:45

Ore urusarane Dupade urúo chósi tome yoque: "Uje Dupade tẽrája pucuecaringuei ome jnani bajai Adán nanique enga jé basa Adán chajnerame dajnei tuté pucuecaringué tome yoque ga yiquecágome to." Jé basa Adán uñai u Crísto to uje tẽra pucuecaringuei ome yoque to, mu pucuecaringué eyúgojma tuté guerani tome yoque. Chamáñaje gaté unirísõre uté gu.

2 Coríntios 13:4

Jé ũré enga ore cho cucha bisidéguiji Crísto nanique, enga ore chajo aja curesei gai. Mu Dupade chiringare ome dajopiédaté etogué enga ecáji deréjnane udojo. Uje ore cho cucha bisidéguiji yoque, mu jé yoco uté uje ore cho cucha bisidéguiji to nanique. Enga Dupade Ujopié tuaté u to uje dépisiji Crísto anguresórone yocari iji deréjnane udojo to. Enga Dupade Ujopié tuaté a jé jõrai u yu dirome aja uacajade.

Gálatas 2:20

Uje Crísto cho daba yate gajnaréngone nanique ga qui tu uje jé yibaya to iji itoringai uje ore chujé iji curesei gai. Ga e que uyu upo uyu gotique rĩ, mu Jesús jé yitojmárango iji jnumi enga yucuecaringué ichai tudé garani tu yanguretigai iji Dupade abi Jesucrísto uje chijnóra yu ga tẽra re ome yu ujetiga ore chujé iji curesei gai.

1 Tesalonicénses 1:9

Jé basa ga jé ore ojña to ome yoque uje tesalónicagosode uaque uacarasique yoque to nanique uje yico uaque. Uje e uacayáyo uacangurenone ayoré gajnúo, enga e uacanguretáyo Dupápisi to. Enga e uacabeyoi Dupa uecai tuté adode to.

Hebréos 9:14

Ujetiga cuchisode iyoi chinoningase ore adode nanique iji ore gañámi, jétapũré Crísto iyoi ome yoque. Chamáñaje Dupade Ujopié Espíritu Sánto eyúgojma jogonóri u Crísto nanique uje tẽra re ome Dupade ome yoquisijnaringuéone. Enga que iyoguérique cusipise go nanique uje tẽra re ome yoque. Jecute ujñapeque uté iyoi ujetiga chĩropise yoquisijnaringuéone jnese, uje pisijnaringuéone udore jnorase yocúdi aja pitoringai nanique. Jecute e íjnoque paguté joradie iji yoque ome yoquisijnaringuérique, enga e que yagutúgo yógome Dupade uecai iroquéode ujetiga yicoi.

1 Juan 4:9

Dupade chingo dajnoraquédatéi ome yoque gu Ujnacare ugurui uje chirógaja erámone unojo nanique. Gaidi u gu ujetiga erámi unirisórone uyoque yico pucuecaringué gatei gu uté adode ome yoque.