Juan 6:51 - Dupade Uruode

⁵¹ Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.–

Juan 6:51 Iomraidhean Croise

Matéo 20:28

Uje Dupade utocaidi uyu jé yisocai u to uje que yĩri gu ujetiga yijna yimenuringuei aja uaque ujetiga apéso cuchade ome yu, mu yigaidi u ujetiga yátaja uaque. Yigaidi upo rĩ ujetiga yẽra yu enga yimate uacasijnaringuéone oré. Cho jetiga pisijnaringuéone igarique uaque, mu yigaidi u ujetiga yirame uaque. Enga a jiei yiraméone iji uaque jne.–

Lúcas 22:19

Mu chejna udojo guesi ga jé u uje chisa arurétique rĩ. Mu qué catecã́ri dayé Dupade bajac. Ga cha ga jé u uje chajugája jnumi ga chisi ome darógode udore ore ga chósi tome ore: –De dejã. Acho. Uje arurégode udojo gajnui tu yaoi ujetiga yẽra yu ome uaque jne. Acho arurégode udojo mu ca uacáyipiedie jnoji yu iji uacajéningo.–

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 1:29

Jecute dire uñai enga Juan chimo Jesús uje chose ore yui enga chojningame daríjogosórone: –Cajicho to jnacari uté. Uté u jne ujetiga toi ome erámone jogosórone yoquisijnaringuéone. Enga gajnua u áyasa perané ome Dupade. Enga Dupade jé guerani u ome yoque.–

Juan 11:26

Jesús qué jno daruode údi enga chojninga: –Enga isocai jé upo ome yanguresõre uecade ore jnese. Uje ore changureta yu, a ca ore chimo pitoringai ome re gotique.– Enga chojningápome Márta rĩ: –¿Angureta yuruode udojo a?–

Juan 3:13

Que uñeque déji ujetiga chicáji gaté ujetiga chatata gaté jogonórone cucha ome uaque. Gusu Dupade utocaidi uyu uje yiyaridi u gatajnoquei. Enga uyu u uje yicáji jnumi nanique uje yṍraji gaté ujetiga yatata gaté jogonórone cucha ome uaque.

Juan 3:14

Uacarajáyo uje Moisés pésu ugai gajnui nanique iji erãpe tarétigai. Enga Moisés chiringare dapesudi aja gaté nanique. Gaidi u gu ujetiga urasade chajire enga ore eca. Adi a jé u ome Dupade utocaidi uyu. A piringarãque yu jne aja gaté.

Juan 3:16

Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Juan 3:36

Ujetiga gosi changureta Dupade Abi uté gosi gajneque pucuecaringué eyúgojmai. Mu gosi ujetiga ca pota changureta Dupade Abi a ca uté gosi chimo dacuecaringué ichai uté jne. Mu uté gosi a chimo Dupade ujuyaquédatéi ome re jne.–

Juan 5:24

Jé ũrepise yu ome yuruode udojo: uje gosi tangári yuruode enga doi quigode enga changuretápo yirósõri rĩ enga pucuecaringué eyúgojmai gajnesṍri u uté gosi. Enga a ca pujuya gosi jne. Mu cho ujetiga pitoringai juseque gosi enga e chicáji pucuecaringué eyúgojmai iji gaté.

Juan 6:33

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.–

Juan 6:35

Jesús chajnai ore uruode enga chojninga: –Arurei uté uje chisi ome pucuecaringué eyúgojmai ome ore jé u uyu. Ujetiga gosi tibágui yu ome arurei uté enga a ca chaguhénique chejnapo uté gosi rĩ. Ujetiga gosi changureta yu ga a ca gosi cajnorapóji jne rĩ.–

Juan 6:41

Uje judíode ore chudute Jesús uruode uje chojninga: "Arurei uyu ga yarani u gatajnoquei," enga jé u uje ore dojnóngaja.

Juan 6:47

Jé ũrepise yu ujetiga gosi changureta yu enga pucuecaringué eyúgojmai gajnesõre gosi.

Juan 6:48

Arurei u uyu uje gosi tagu enga eca iji deréjnane jnese.

Juan 6:50

Mu yacajnaquéode júdi u arureque uecai ujetiga tṍraji gaté ujetiga gosi tagu enga que chimo pitoringai ome re.

Juan 7:38

Uje Dupade uruode chósi te: gosi ujetiga changureta yu enga gajnui u sibíjnai uje yodi chayóji enga pésu re enga tié. Uje yodi uté yote ueca.–

2 Coríntios 5:19

Ga Dupade angúroméone u uyoque ujetiga yingongo ore uje Crísto toi nanique ujetiga chimate erámi unirisórone yocúringáringo omío ome dayé Dupade, ujetiga Dupade, uyoque yocajéode chopo sere ome ñane rĩ. Enga que qué Dupade áyipieraque dépoi yoquisijnaringuéone rĩ. Ga Dupade e chutṍri yoque to ujetiga yatatago pajesereringai adode ome yocujode ayoréo, ga ore chiraja quitígo to.

2 Coríntios 5:21

Yirajágo uje Crísto que pésu cucha gajnarétique nanique. Mu Dupade cho ayoré sijnánguiji uté nanique. Gaidi u gu ujetiga cho daba yoquisijnaringuéone. Jecute uje yanguretágo Crísto ga yocúringáringo omío a u jne iji quigade. Chamáñaje Dupade potapísa yocúringáringo omipíso ome re gu.

Efésios 5:2

Jecucha ga uacajnoraquei ome uacojode ayoréo choquípisirásiji guesi dirode jnese iji uacacuecaringuei udé. Ga ajnañórase Jesucrísto jmapié uaté iji jnumone uje chingongara dajnoraquei aja yoque. Uté tẽra re iji yoquiyaridi ujetiga yico yocúringane piquetaque. Enga gajnua tu áyasa pẽrapaidé uje piboré ome Dupade ga ai uneripísome uté uje chojare ai. Enga qui tu uje Dupade chimesẽripise Crísto úringai pẽrapaite ome yoquisijnaringuéone úringane pĩrocho.

Efésios 5:25

Enga e yibasája uacajnepídode cucha to iji udé, jnani acotẽrachugode uaque á: Jnani acotẽrachuque chojmara, chojmarane gajneque jeta chingongarapísa dajnoraquei aja dacoté uaté. Jecute uacaradi turásu Crísto uté aja jmapiedie ome da-iglésia uaté, jnani acotẽrachugode uaque á. ¡Adójnachopísa Crísto isocai uté uje chingongara dajnoraquédatéi aja da-iglésia uaté, enga jé chuságaja uje uté tẽra re ome uaté!

Títo 2:14

Baraja gu uje Jesucrísto uté u uje tẽra re ome yoque. Gaidi u gu ujetiga chiqueta uyóguiji yoquisijnaringuéone jnese ome dáringai chuque. Enga churupise yoque ujetiga chinoningase yoque uje pota yógome re gu. Enga pota to ujetiga yójigoji gatéode ome yoquipesutígo cucha omío gatuaque.

Hebréos 10:20

Enga cho ujetiga Jesucrísto jé u borapeque cuchábi iji Dupade iguíjnai Ajé Puyaguipísi yui. Enga cho jeta borapeque cuchábi uté e doi enga chuchẽre dabai ome yoque ujetiga yico pucuecaringué ichai iji jogadi tuté ajei.

1 Pédro 2:4

Átayo uágaja Yocangarádejnai Jesucrísto. Uje Yocangarádejnai gajnua tu cucarané uje ueca. Mu jnanione ore chetaque enga ore tṍra. Jé basa Dupade chisa dajegaidé cucarané uaté. Chiraja gu úringa orerẽ́.

1 Juan 2:2

Enga Dupade angúromei u Jesucrísto uté adode ujetiga chĩro yoquisijnaringuéone. Mu que gusu yoquisijnaringuéone uje chĩro, mu jé u erámi unirisórone ore isijnaringuéone jnese to rĩ.

1 Juan 4:10

Que pijnoraquei pijoque gu yoquijnoraquei ome Dupade. Mu pijoque gu Dupade ijnoraquei ome yoque. Uje chingo yoque dajnoraquédatéi uje chiroque dabi aja erámone nanique ujetiga cho yoquisijnaringuéone oré ome datoringai.

1 Juan 4:14

Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.