Juan 6:11 - Dupade Uruode

¹¹ Udojo quigade enga Jesús chisa arurégode udore enga jé u uje chacãre dai Dupade gai. Enga chisi ome arurégode ome dacadigode ore. Jé u uje acadigode udore chajuguína arurégode ome ayoréode ore uje ore chácariji dayaridi. Adi jé u to ome oyite gáreode. Ore chisi ore jnese iji. Enga subudé ore iji jnese.

Juan 6:11 Iomraidhean Croise

Matéo 15:36

Enga jé u uje Jesús chisa arureque garitíode, oyite garósiode ore. Quigade enga catecã́ri dai Dupade enga chacãre gai. Diga chajuque udore iji jnumi enga jé u uje chajuguína dacadigode ujetiga ore chisi ome ayoré dipeséode.

Lúcas 24:30

Mu uje e ore chamáta ñane aja dagapié ejode ujetiga e ore taque ga Jesús chisa arurétigo mu qué catecã́ri dayé Dupade bajaque. Enga jé u uje chajugája jnumi ga jé u uje chisi ome dajorane ore to.

Juan 21:10

Enga Jesús catecã́ri ore enga chojninga: –Ajnáño oyídode ucode uñéngo aja de uje quene ajnicho que.–

Juan 21:13

Mu Jesús jĩraque chose ore yui. Chisa arurei enga chisi ome ore. Enga jé isocai u to ome oyídode uje chajuguína ore to.

Juan 21:9

Uje ore doi jnumi iji cucoi enga ore chimo uje ore posode e dimane ome ore. Uje oyídi déji pioi gueguerade gai enga arurégode déji pioi ejoi.

Juan 6:23

Uje ore áyipiedie déji cuchade udore jé u uje cuco uñéngo di uje ore tṍraji ore idai Tibérias. Cucode udore ore tṍraji te enga ore chirõre jogadi casé uje Jesús chajuguína arurégode ome ore diríca, uje chacãre Dupade gai iji diríca.

Juan 6:9

Enga chojninga: –Disi déji de uje arurégode déji gari enga chejna yijmanai. Uje ore ipesucho iji arroz quedéjnai uje i tu cebáda. Oyite gáreode dépoji gari rĩ. Mu qué garósi udore ome ayoré dipeséode udore.–

Héchos 27:35

Uje Páblo chejna daruode guesi enga chisa arurétique. Mu qué catecã́ri Dupade bajaque iji dajorane ore iquei. Enga jé u uje chajuque enga tagu.

Romános 14:6

Uacamóño uje a gosi cho cuchadaté iji dirode uñane ome ore úringane puyácho ome Pangarádejnai uté, uje gaidi u jetiga chisi uté gai ome dasocai uté. Ga adi jé u to ome gosi uje chapuse dameserane cucha pibose ponáyo aja, uje tagu dabosode ome Pangarádejnai uté úringai pisígai. Ga jé pijoque udojo gu uje uté chacãre Dupade gai ome dabosode udore. Jé basa ga uñeque chetaque cucha pibose uñane úringai pibose ome re, jecute que tagu udore to, mu gaidi tu jeta chedu Pangarádejnai úringárique pisígai ome dasocai uté, enga jé chacãre Dupade uté gai ome dabosode to.

1 Coríntios 10:31

Ujetiga agu cuchárique, jeoga óji bajótique, jeoga apésu cucha uñeque, mu acha báyipie aja Dupade uje qué bagúsiji bapesudi tuté gai. Uje bagaidi tu gu ujetiga ca pujñiete Dupade ome uñeque gu basocárique, mu bacuei turásu ujetiga picotaque Dupade gatuaque ome bapesudode jnese.

1 Tesalonicénses 5:18

Acãcho Dupade gai ome cucha dacadode jnese uje tocade iji uaque. Uje Dupade ajegaidode cucha u unojo ome uaque uje uacanguretáyo Jesucrísto.

1 Samuel 9:13

Ga udire ore chojningápome Saúl rĩ: –Aguitóyo yui uje a qué déji dajei jõ, uje a tagu ore pose unérone to iji ore guẽrapáidode jogadi uté to jne. Uje que toque gu jeta ipesusórone ore tagu bajaque jeta cáma uté déji. Uje cucha bajai u gu jetiga uté chacãre Dupade gai ome ore posode, ore guẽrapáicho cucha ãrío bajaque. Jecute aquejnáñoji uté yui iji te uje a qué atuãchóa uté jne iji garani.–