Juan 5:43 - Dupade Uruode

⁴³ Yai Dupade utocaidi uyu nanique ujetiga yacate erámone unirisórone uágome uruode. Mu que amesecho yu gotique. Jé basa ujetiga uñeque dirásiji uaque bisideque uje que Dupade utocaite, mu a amesechórase acajnaquéode.

Juan 5:43 Iomraidhean Croise

Matéo 24:24

Uje a aringáca dírigo jiei jne uje chiese ore acajnaquéode garani tu Dupade. Enga a uñane ore cho Dupade utocaidi Crísto iji raque to jne. A ore pésu cucha pitijátigo ome daringaquéode ome uaque jne. Enga a idógosi jne ujetiga Dupade anguresõripísode ore timíningarása ore to, uje Dupade ajegaite ore múñi.

Matéo 24:5

Uje a jiépisi jnaníringo jne ujetiga ore chósi tome uaque: "Cachi uacangarádejnai Crísto u yu a." Udore a ore chãra ayoré uásejnane jne.

Juan 10:25

Jesús chajnai ore uruode enga chojninga: –E yingome uaque durasé erĩ́e. Mu que anguretáyo yu. ¿Jé gotique gu a? uje que anguretáyo cuchade udore uje yipésu gu Yai utoquéode. Obiréjna yúringai Crísto gu yipesudode udore.

Juan 12:28

Enga Jesús catecã́ri dayé enga chojninga: –Yapá, be bajéningo ome yu ujetiga diga picotaque opejã ua ome ore.– Enga jé u uje ore chudute darade uje tṍraji gatajnoquei. Uje chojninga: –E yise yúringai picotaque que, enga diga picotagapo yu jne rĩ.–

Juan 3:16

Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Juan 5:42

Yiraja uaque gu uje que pijnoraquei déji uaque ome Dupade.

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

Héchos 21:38

¿Ja ca egíptogosi tu ua ya? uje uté chijna ayoréode nanique aja erãpetarei uje 4.000 ore. Uje jõcaratáguebeque ore jnese enga ore pota pocaningane ome eduguéjnane.–