Juan 5:41 - Dupade Uruode

⁴¹ Mu que cucha ome yu ujetiga jnanione uhuaque ca eso yunétique.

Juan 5:41 Iomraidhean Croise

Juan 12:43

Chamáñaje cuchadatei u ore ujode ayoré icotaquéode ome ore gu. Jé basa que cucha ome ore Dupade irasitigade ome ore.

Juan 5:34

Ujetiga ayorérique doi enga narare yibai, mu que yangurenone u ayoréode go. Mu yingo cuchade udore ome uaque gu ujetiga anguretáyo yu enga eso uacáringane piquetaque.

Juan 5:40

Mu que apótayo ujetiga abáchoi yu jetiga yisi ome pucuecaringuei ome uaque.

Juan 5:42

Yiraja uaque gu uje que pijnoraquei déji uaque ome Dupade.

Juan 5:44

Yiraja uje que togome uaque ujetiga anguretáyo yu. Uje que cucha ome uaque Dupa ugurui icotaquéode ome uaque. Chamáñaje uacacuegode u uacojode ayoréo icotaquéode ome uaque gu.

Juan 6:15

Jesús chiraja ore áyipiedie uje ore ajegaidi u ujetiga ore chisa ujetiga ore cho deduguéjna cuchábi iji. Jecute jnopo rĩ enga chicáji cucarani uje idájai jnumi ujetiga chácariji uje gusu iji.

Juan 7:18

Uacarajáyo uje gosi chedu re ome dojñáringo quitígo enga uté gosi ucuei u dáringárique picotaque. Jé basa ga gosi ucuei u darósõri úringárique picotaque enga chedu darósõri ome dojñane. Enga que aringácachoquí uté mu ũrepíso ojñane.

Juan 8:50

Que yajéode u ujetiga acotáyo yu. Mu uñai déji enga uté ajéode u ujetiga acotáyo yu. Enga uté u uje chajire uacadode aja quigode.–

Juan 8:54

Jesús chajnai ore uruode enga chojninga: –Ujetiga yisírase yibai enga a ca cuchárique tõrarásiji. Mu Yai déji enga uté u uje chisi yibai, enga que toc ujetiga oyo cucha bisidéguiji uté icotaquéode. Chiese uacangureni u Dupade, mu jé u Yai uté to.

1 Tesalonicénses 2:6

Ujetiga yocajéraso ica, enga a yingongorása yoquimenuringuéone ome uaque ujetiga picotaque yoque ome uaque. Chamáñaje Yocangarádejnai Jesucrísto irógode uñane u yoque gu. Mu que yocáyipiedie déji ujetiga picotaque yoque ome ayorérique, jeoga uaque u, jeoga uñéngo u.

1 Pédro 2:21

Uje Dupade áyipiedie u udire ome uaque ujetiga acãcho uágaja Crísto. Uacamóño uje Crísto chejnáreque re nanique ome uaque, ga jé uacajnei tu ujetiga oyo uacaba Crísto to.

2 Pédro 1:17

Yimóngo nanique uje dayé Dupade chicota ome ingoningájnai. Enga yudúco uje dai Dupade catecã́ri enga uruode ueradéjna nanique enga chojninga: "Yabi u uté. Yijnorai yape u. Jecute yirasiguipise yu ome."