Juan 5:4 - Dupade Uruode

⁴ Uje Dupade irótique gaté unirísõre uñeque chise ore esãrapié iji ujade enga chijocase yodi aja quedéjnane. Gosi ujetiga chacája yodi bajaque enga ejnarei íjnoque ga chise dáringai ayoré ijõre iji quigade.

Juan 5:4 Iomraidhean Croise

2 Reyes 5:10

Mu Eliséo que doi guesi ga que catecã́ri Naamán gotique to. Mu chiroque daroi aja yui ujetiga chajnerame uruode ome uté. Ga uruode chósi te: –Bo ga acáji tié uaté yui uje i tu Jordán. Enga ẽ́sariji ga gare iji ti jne. Ga a bejnarei ı́jnonguiji bádode jne ga baoi nóña ga icha jne.–

Sálmos 119:60

Yiquejnáji baroquéode udore úringáringo pipesucho yui jeta jé ca yãra yu iji cuchárique ome ua.

Provérbios 6:4

Mu ca amoque ujetiga atireyópo bocoidé casidé uacojo ayoré iplátaraque gai te rĩ.

Provérbios 8:17

Ujetiga gosi chijnóra payuquetotiguei uyu ga yijnóra uté gosi to. Gosi jeta chucué yu enga yijnóra gosi enga yingongara yu aja gosi jne.

Matéo 11:12

Ayorébuode ore jnusi rágome ñane nanique uje Juan chacate ore iji taningai ujetiga ore chacája Dupade gari ujeta cho darása iji ore to. Enga jé ate jec aja deréjnane unojo uje jnani dicaséode ore chejna rángaja ujeta ore chise dáringáringo Dupade urása.

Matéo 6:33

Ueradi tu ujetiga ejnáñope uágaja Dupade iroquéode bajaque enga jogadi u ujetiga uacasuté Dupade tẽrája uágome cuchade udore jnese jne.

Lúcas 13:24

Mu Jesús chajnai uruode ga chojningame: –Que toc ome ayorérique ujetiga chacája Dupade idai ujetiga ca chacája piagoi aja. Uje a jiépisi ore jne ujetiga ore pota jóroga ore chacája ajei. Mu a ca togome ore uje que ore chise piago ajámi uté gu. Jecute acueyopísi uacasoca ome ujetiga eso piagoi uté ujetiga acáyoja ajei to.

Lúcas 16:16

Gusu Moisés urusarane Dupade iroquéo, jec aja Dupade uruode atatasórone ore acajnaquéode nanique ujetiga ore doi quigode. Ga jé chuságaja Juan uté diringai uje pangarate urusarane udore. Mu iji udore quigade enga pacajnaqué ichai chise ore enga unere pacajnaquéode udore quigode. Enga quigode u uje a Dupade cho darása iji ore jne, enga a ore cho dacasuté iji Dupade to. Jecute ore chejna rángaja jnese ujetiga ore chise dáringáringo Dupade urása.

Juan 5:3

Ore esãrapié dosadode, jiei ejnaretade iji ejode uje ore terẽtáji jnumone iji ejode. Edoparigode déji, jé aja pérogode, noñángone ore. Enga ore chajire yodi aja quedéjnane ujetiga chijocase re.

Juan 5:5

Jnani déji uté to uje guejnanie sequeré 38 uje ejnarétaque nanique.

Juan 5:7

Ejnarétai uté chojninga: –Yipota yúringárique piquetaque. Mu íjnoque yátajasónique gu ujetiga gosi na yu aja yodi ujetiga e chijocase re. Jecucha yáyipie déji ujetiga yṍra yu aja yodi mu jecucha bajaque uñane aja.–

1 Coríntios 6:11

Jé ũré uje uacuñane isocade jé u udore to nanique. Mu uje e uacanguretáyo Yocangarádejnai Jesús enga uté chĩro uacasijnaringuéone enga cãra uacajogadode ome erámone unirisórone ore jogadode ujetiga eduyo uágome Dupade. Enga Dupade chisi ome da-Espíritu Sánto ome uaque enga cho ayoré ujñapetáguiji uaque to gu Yocangarádejnai Jesús adode ome uaque.

1 Juan 1:7

Mu ujetiga yicoi Dupade adode enga gajnui u ujetiga yugúcoji Dupade gari iji dírecaringuéi. Enga jogadi u uté uje yocujode Dupade anguresóño uyoque yoquirasique ñane. Enga jogadi u to uje Dupade ujnacari Jesucrísto iyoi churu yoque iji yoquisijnaringuéone jnese.