Juan 5:34 - Dupade Uruode

³⁴ Ujetiga ayorérique doi enga narare yibai, mu que yangurenone u ayoréode go. Mu yingo cuchade udore ome uaque gu ujetiga anguretáyo yu enga eso uacáringane piquetaque.

Juan 5:34 Iomraidhean Croise

Lúcas 13:34

Mu Jesús cho dáyugu re ome jerusaléngosode ore. Ga chojninga: –Gotique chimo jóroque re uje jerusaléngosode uacoyo uacamajo Dupade uruode atatasórone proféta iji uacajade. Ga jé chopome Dupade irógode aja uaque rĩ uje uacamitingácho ore údode ome cucaranenie. Uje jecucha ga yáyipie quigode u ujetiga yamáta uágaja ñane ga uacajnúone u yabode. Ga yajnua tu cochagájnaraque uje chamáta dababode aja dajnóngone údode. Mu que apótayo yu gotique.

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Lúcas 24:47

Mu gajnei upo rĩ ujetiga anguresóningo ore jno ujnomei údi aja quedéjnane, ujetiga ore chingome ore iji punirone jnese. Enga ore gaite bajai tu ore idai Jerusalén ujetiga ore chingoba ore iji bajac. Mu ore oidi tuté pujnomei turásu ujetiga ore chósi tome: "Beyoi ga ecãcho uacáyipiedie quigode, uacatígo ome uacasijnaringuéone. Ga jé jogadi tu jne ujetiga Dupade utocaidi Crísto chĩro uacasijnaringuéringo."

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Juan 5:32

Mu yiraja uje uñai déji enga uté u uje narare yibai. Enga jogadi quene u ujetiga ore cho ũrepíso iji yojningane cucha.

Juan 5:41

Mu que cucha ome yu ujetiga jnanione uhuaque ca eso yunétique.

Juan 8:54

Jesús chajnai ore uruode enga chojninga: –Ujetiga yisírase yibai enga a ca cuchárique tõrarásiji. Mu Yai déji enga uté u uje chisi yibai, enga que toc ujetiga oyo cucha bisidéguiji uté icotaquéode. Chiese uacangureni u Dupade, mu jé u Yai uté to.

Romános 10:1

Yujode Jesús anguresõre uaque á, yáyipie gaidi tupúsu ujetiga yurasade israélgose ore chisírase dáringáringo piquetaque ome Dupade. Enga yajei jochaquéode ome Dupade jé qui tu uté ome ore gatuaque.

Romános 10:21

Mu Isaías jé upo rĩ uje chajnerame Dupade uru quigode udojo ome israélgosode udore ore, uje chósi te: "Iji deréjnai údode ga yáyipie dé jórogui yurasade israélgose udore, uje jecucha yisa ore yui ome yijmanecai uté; enga yigaidi tu gu jeta yinejé ore údode, ga ore chajnírase yibai. Mu jé ore ate uje ore chijarója dangoninguinone ga jecucha ore tagu yuruode aja ome dáringane ducusuréchoquío."

Romános 12:21

Jé ca ajuéga jetiga gosi ate gajnaréngone chijnime bãrírique, enga ca atire gai. E mu ajnué uté gosi ate gajnaréngone gai ome bate arégode úringane pipesucho jne.

Romános 3:3

Mu ja seca judı́ogosode uñéngo chojningárasa ome uyu: "Mu que judı́ode uñane anguretigai cuse ome Dupade uté. Enga que udore ore dopı́si uté uruode quigode, uje chiese ore dorási quigode nanique mu. Uje que ũré ore, ¿mu ore úringane tácho udore chı̃rorase Dupade úringai ũré uté a? ¿Jé ca chimanirase dangoméone darúo aja guesi ome judı́ode uyoque a?"

1 Coríntios 9:22

Jé cho uje yugúsiji Dupade anguresórone ore ujade uje cáma ore taya iji danguretigade, enga jé yo udore ore to. Yigaidi tu gu ujetiga ca ore chise yacajnaquéode unerotiguérique enga ore quérã iji danguretigade. Jecute yucué yajéo ujetiga jé yo yacaditígo ore jnese iji yajesúode erámio. Yigaidi tu gu ujetiga yijnime udore uñéngo aja panguretigai ome Jesucrísto to.

1 Timotéo 4:16

Enga ajuse badode, bacajnaquéode guio jnese. Enga adota ua iji bacajnaquéode. Chamáñaje ujetiga ejna unojo guesi enga a ese báringai piquetaque jne enga a aquetápo bangarásorone to jne rĩ.

1 Juan 5:9

A yimeseco jnanione ore ojningane cucha, enga jétapũré Dupade ojningane uje sué jnanione ojningane gai. Jecute ca yotigáco Dupade uté ojningane cucha ome Ujnacari.