Juan 5:23 - Dupade Uruode

²³ Yai Dupade áyipiedie u ome erámi unirisórone jnese ujetiga ore cho dangaráni iji dajnacari uyu. Adi jé u to uje ore cho dangaráni iji yai Dupade. Ujetiga gosi ca cho dangaráni iji Dupade Ujnacari uyu, enga que cho dangaráni iji yirósõri Dupade to.

Juan 5:23 Iomraidhean Croise

Sálmos 2:12

Ga achacho uacagataidie aja jnumi iji uté iquei. Ja seca ca apéso udore ga ajei dotárome uaque ga uaque gosi toi ¡paque! iji dajesúrique erãpe, uje jĩraque cho júruru. ¡Mu pininaquei gajnesṍri u gosi uje chucué dãrésonique cucha iji Pangarádejnai uté!

Matéo 10:37

Ga Jesús chojningápome ore rĩ: –Ujetiga uñeque ijnoraquei tadipise ome danique, datéraque ore, enga sué uñeque ijnoraquei gai ome yu, a ca uté gosi tiógara jne ujetiga yanguresõre. Jeoga uñeque ijnoraquérique cho dabai ome dataque, datique ore, jeque ca urénga chijnóra yu, a ca tiógara úringárique yanguresõre jne.

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Matéo 12:21

Enga jé u uje jnanione iji punirone jnese a ore changureta uté jne.

Matéo 15:8

Ayoréode unojo ore chijnóra yu ome dabijnani, Jeque ore áyipiedie idájapise iji yu.

Matéo 28:19

Boyo enga acayóji ayoréode iji punirone jnese. Enga apéso yunéningarique ome ore jnese, enga a ore changureta yu to jne. Jé u jne ujetiga óraño ore aja yodi jne ujetiga ore changureta yai Dupade, abi uyu, Ujopié Espíritu Sánto ore.

Lúcas 10:16

E Jesús catecãrápoi dacadigode ore rĩ ga chósi te ome ore: –Ujetiga uñeque ca tangári uaque ga jé gajnui tu ujetiga ca tangári yu to gotique. Mu ujetiga uñéngo tangári uaque ga cho ujetiga ore tangaripísi yu. Mu uté gosi ujetiga chetaque yu ga gajnui jé u ujetiga chetaque Dupade uje iroque yu aja uaque gu.–

Juan 14:1

Enga Jesús chojningame dacadigode ore: –Jé ca oyo uacáyugu uaque. Anguretáyo Dupade ome uaque enga anguretáyopo yu rĩ.

Juan 16:14

A picotaque yu jne ome Dupade Ujopié Espíritu Sánto uté adode. Chamáñaje uté acajnaquéode júdode u yajnéone cucha enga a chingome uaque jne.

Juan 17:10

Bamo uje yanguresórone jnese jé bajnecho ore to. Adi jé u to banguresórone jnese, uje jé yajnecho ore to. Enga bamo to uje yingoningai pijóguiji yocanguresórone udore ore to.

Romános 1:7

Jecute yurusarane udojo quisórone u uaque, Dupade ijnorane uaque jnese iji uaquedai Róma uté, uje uté e cãraque uágome uacáringane Dupade urása to. ¡Ga yijócha Dupade ajei údi ome uaque ujetiga Yocai Dupade, Yocangarádejnai Jesucrı́sto ore icaniratiguéode pijógome uaque, ga uacajneque ore ajesereringai gatuaque to!

Romános 15:12

Ga proféta Isaías casicaite urusarane dépoji rĩ, uje chojninga: "Adi u uje tapósi apadi sué, ga isocai jé u jne ujetiga Isaí uté ape disi ejórique di. Enga a uté upúsu jne ujetiga chácariji dáringai purása quedéjnane ore eduguéjna. Enga erámi unirisórone a ore chicha danguretigai aja uté ome re jne.

Romános 6:22

¡Mu e cuchade chécãre re ome uaque! E uacagúsoji uacáringane piraméo ome pisijnaringuéone isagode, enga uacarósõri tupúsu Dupade iji de. Enga e pijoque uje uacagutíñañome uacáringane Dupade isacho uté. Chamáñaje uacáringane Dupade gajneque uté iborátajai tu pate arégode ujetiga ajneráño údi gatuaque iji uacacuecaringuei udé, uje uaqueduyo Dupade gu. Enga que gusu uté, mu uacaquique obiréjnai tupo pucuecaringué eyúgojmai rĩ iji Dupade gari jne.

Romános 8:9

Mu ome yijorane uáguiji uaquedai Róma uté, e uacangaráño uacajmapié ome ore isoca noñai uté. Jecute que uacapotigué ayoréode upo rĩ uje chijocase uacáyipiedie. Mu e uacajnáño Dupade Ujopié ipotigádode cucha iji jnumone, enga gusu uaté ujetiga chijocase uaque, ujetiga jé ũrepise enga Dupade Ujopié Espíritu Sánto déji uacajéode. Jé basa ga ujetiga jé ca Crísto Ujopié déji gosi, enga unejaque uté gosi ome Crísto uté.

1 Coríntios 1:3

¡Ga yipésupú ga Yocai Dupade, Yocangarádejnai Jesucrísto ore juéga dacaniratiguéode ome uaque gatuaque jne, jõ! ¡Enga yipotigádi tupo rĩ ujetiga oyo uacajnéngu ore guerani pajesereringa ome uaque to!

1 Coríntios 10:31

Ujetiga agu cuchárique, jeoga óji bajótique, jeoga apésu cucha uñeque, mu acha báyipie aja Dupade uje qué bagúsiji bapesudi tuté gai. Uje bagaidi tu gu ujetiga ca pujñiete Dupade ome uñeque gu basocárique, mu bacuei turásu ujetiga picotaque Dupade gatuaque ome bapesudode jnese.

1 Coríntios 16:22

Ujetiga uñeque ca chijnóra Yocangarádejnai Jesucrísto to enga jé tiógara ujetiga pamacarãque uté gosi. Yangarádejná, bajneque yuruode unojo: "Jĩraque ãri iji yoque."

1 Coríntios 6:19

¿Jé ca arajáyo a uje Dupade guerani Espíritu Sánto jogadípise uacajéode enga cho daguíjnai iji uacaode? E que uacajneque uacaode gotique, mu Dupade gajnecho.

2 Coríntios 1:9

Enga cho jetiga e yoquiqui tu pitoringai yui ica. Mu Dupade etingaquéo udore ome yoque ica. Gaidi tu gu ujetiga ca yichago yocanguretigai aja yoque, mu yichago yocanguretigai aja Dupade, uje uté u gu uje chiqueta togode.

2 Coríntios 13:14

¡Yipésupú ga Yocangarádejnai Jesucrísto chacacãre uaque jnese ome cucha omone jõ! Enga arajayórase ome uaque Dupade ijnoraquédatéi ome uaque, enga Dupade Ujopié Espíritu Sánto nónapísa uágaja quedéjnane jne jõ á. Amén.

2 Coríntios 5:14

Que toc ujetiga ca yicoi Crísto áyipiedie quigode. Chamáñaje ijnoraquei uásejnapise ome yoque gu. Yirajagopise uje uté toi ome yoque jnese. Enga e yipatíorango uté jnese iji itoringai.

2 Coríntios 5:19

Ga Dupade angúroméone u uyoque ujetiga yingongo ore uje Crísto toi nanique ujetiga chimate erámi unirisórone yocúringáringo omío ome dayé Dupade, ujetiga Dupade, uyoque yocajéode chopo sere ome ñane rĩ. Enga que qué Dupade áyipieraque dépoi yoquisijnaringuéone rĩ. Ga Dupade e chutṍri yoque to ujetiga yatatago pajesereringai adode ome yocujode ayoréo, ga ore chiraja quitígo to.

Efésios 6:24

Ga ¡yipésupú ga Dupade uté chingongara dacaniratiguei aja Yocangarádejnai Jesucrísto ijnorasórone udore jnese uje que ore ijnoraquei eruénique cuse ome uté, jõ!

2 Timotéo 1:12

Mu yo yiba yatatagode udore, mu que yibéro yu ome go. Enga que yajéngome uje pujurúgai yu. Chamáñaje yiraja yangureni gosi te gu. Enga que potigayaquérique déji yu gotique ome yangureni tuté. Yiraja gu uje ujopié déji uté ujetiga susípise cuchade guio jnese uje noñome iji yari ujetiga yujuse ore guio, jé aja diri tuté ujetiga diapo jne rĩ.

Hebréos 1:6

Mu uje Dupade chiroque dape taningui aja erámone nanique enga chojningame darógode gaté jogosóño icaite: Yipota eti yirógode uaque jnese iji gaté asíyo Yujnacari gai.

2 Pédro 1:1

Simón Pédro uyu uje yiji Jesucrísto iroquéode. Enga Jesucrísto iroguipísode apóstol uñai u yu to uje chiroque yu aja erámi to. Yurusarane gajnengórone u uaque uje uacoyo yoque, enga e uaqueso uacanguretíga orerãi ome Dupade to. Chamáñaje Dupa áyipieranguipísi u Yoquiquetasṍri Jesucrísto uje guẽrate yocanguretigai ome yoque.

2 Pédro 3:18

Yajéode u ome uaque ujetiga arajáyo gaté Yocangarádejnai, Yoquiquetangóri Jesucrísto ijnoraquédatéi ome uaque, enga aquéraño iji uté adode. ­¡Beyoi enga yicotágo Yocangarádejnai jé iji diri tudé, jé iji deréjnane jnese to! Amén.

1 Juan 2:23

Gosi uje chotigase Jesús úringai Dupade ape enga que cuchárique déji uté ome Yocai Dupade to. Mu gosi uje que otigayaquérique déji Jesús ome úringai Dupade ape enga Yocai Dupade déji uté gosi gari to.

2 Juan 1:9

Uñeque ujetiga chajnerame cucha uñéngo iji Jesucrísto acajnaquéode iquei, que Dupade déji uté gosi gari. Mu gosi uje que chorei pacajnaquei uñeque iji Jesucrísto acajnaqué casodica iquei, Yocai Dupade déji uté gosi gari. Enga Dupade Ujnacari dépoji gari rĩ.