Juan 5:2 - Dupade Uruode

² Ga ore esãrapié déji ore idai uté uje déji ore ujuyaquéode piago uñai ejoi. Enga ore chĩ́care áyasadie gajnei aja piagoi uté. Enga ore esãrapié imeñenie chejna yijmanai uje chaparu gai. Enga judíode ore ĩcarai u Betésda aja ore esãrapié uaté.

Juan 5:2 Iomraidhean Croise

Nehemías 3:1

Enga Dupade iroguipísode sacerdóteo ore eduguéjnapisi uje i tu Eliasib nóna dajorane Dupade irócho to enga ore chimate yocujuyaquéode peque uñai cutádedie ga ore pésu piagoi iji uté, ga ore pésapo jorídedie rĩ enga jorídedie gáraja enga ore suru gai ga catája ñane. Ga ore chichapo piagoi taja piagoi tuté jogate bajai te rĩ uje ore ĩcarai tu Áyasadie Pípidiringai taja nanique. Enga ore jno enga ore chimate doradie cototei aja gatéode to ujetiga ore choru udire enga ore chajire dejode iji ójo, uje udire íode u udojo: uña i tu Cién, jé basa ga uña i tu Hananeel, enga ore chimánapo yocujuyaquei aja gaté iji ore oragádedie cototei udire ujai te rĩ.

Nehemías 3:32

Cuchade guẽrapaisórone uñane cháta raja órodie, plátadie orasórone uñane to ga ore cháta dorapídi taja ñane enga ore chiróji cototé tuaté ga ore jno dorapídi údi aja piagoi uje i tu Áyasadie Pípidiringai Piago.

Juan 19:13

Uje Piláto chudute judíode ore uruode enga chimate dáyipiedie ome Jesús. Jecute chiroque darógode aja Jesús ujetiga ore di údi iji. Enga Piláto chácariji ore charipi cuchábi iji guiguíjnai ajé uñai uje i tu Gabáta ome judíode ore arecujaidie. Enga guiguíjnai ajé uñai uté u uje ore ipesute ajei ome cucaranenie. Enga guiguíjnai ajei uté u uje Piláto chingo dáyipiedie ome ore.

Juan 19:17

Enga Jesús chicai dagachodi yui enga chijnoque dacuresei aja jogadi uje i tu Patodé Ajnoquei. Mu Gólgota u ome judíode ore uruode.

Juan 19:20

Diga uásejna judíode uje ore chimo ore urusarane iji Jesús gajnei curesé. Chamáñaje Jesús cachodi idógosiji ore idai gu. Que gusu judíode ore uruode uje déji ore urusarane. Mu gréciagosode, rómagosode, ore uruode déji to.

Juan 20:16

Mu uje Jesús catecãrápoi rĩ enga chojninga: –María.– Enga jĩraque María chajire daquigade enga catecã́ri Jesús ome judíode uruode enga chojninga: –¡Raboní!– Uje uruode udojo quigode u "ore acadisṍri" ome judíode arecujaidie.

Juan 5:3

Ore esãrapié dosadode, jiei ejnaretade iji ejode uje ore terẽtáji jnumone iji ejode. Edoparigode déji, jé aja pérogode, noñángone ore. Enga ore chajire yodi aja quedéjnane ujetiga chijocase re.

Juan 7:21

Jesús chojningame ore: –Ísega yipesútedaté casica chajuque uacagutedie ica uje yiqueta jnani noñai ica iji dire puyai. Enga uaquetei u uté iji yu.

Héchos 21:40

Uje eduguéjnai juéga darai tome Páblo enga Páblo chague iji ore uchiejnáquepíode gai. Chãrai dajmanai iji detesórone ujetiga ore cho parac. Uje e ore cho paraque enga narare iji ore uruode hebréo.

Apocalípsis 16:16

Enga pujopié gajnarénguenie udire a ore chamáta dabididigode udore eduguéjna aja erámi uté jne uje i tu Armagedón iji hebréode uruode.

Apocalípsis 9:11

Enga chuguyúgu quedéjnanie ore eduguéjnai cuse uje cho Dupade irógode. Enga ejo cuchabé tuaté uje que eruénique cuse gajnengóri u uté. Enga Dupade irógode gajnui tuté i tu Abadón iji hebréode ore uruode. Jé basa i tu Apolión ome gréciagosode ore. Uje Abadón, Apolión ore urui jé qui chojmára uté. Enga qui tu: jnani dequejnangóri.