Juan 4:6 - Dupade Uruode

⁶ Ejopié déji uté uje Jacob u nanique uje chijócha. E idógosi guedé gatócoro uje Jesús chise ejopié uaté. Ga Jesús eyúguiji dajei nanique jecute chácariji ejopié uaté ejoi.

Juan 4:6 Iomraidhean Croise

Matéo 27:45

Enga jé u uje ijnangunúraque base ore gai jnese iji ore uniri uté, uje guedé déji gatócoro iji deréjnai uté. Jé u uje ore cháji ijnangunua ajei, jé aja uje guedé cho jñuque.

Matéo 4:2

Mu Jesús cho dayágome re iji dirode, dejade ore jnese uje guejnanie ayoré gare. Iji unojo quigade enga quene chejnáreque dayaguhei.

Matéo 8:24

Qué ore déji yote quedéjnai ajei uje qué ore chiramísara mu Jesús mo. Jé u uje úyujna cucháberaque chorei ore iji yote quedéjnai gatócoro. Enga yodi chĩreta cucoi ajei.

Lúcas 2:7

Mu íjnoque ore upusiétique guiguíjna ome José, María ore iji Belén. Jecute María ape bajai basíji aquirájnanie iguíjnai ajei. Uje e base enga daté chigaru gai iji borapébode enga chicháji aquirájnanie agapié ajei.

Lúcas 9:58

Mu Jesús chajnai uté gosi ga chósi tome: –¿Ga jé ũrepise ua ya? Uje baraja to yisocade. Uje dibedie chiraja daguíjnane jogadode. Ga chugúperenie iguíjnane, úbiredie cusapo rĩ. Mu ome Dupade utocaidi uyu, ga que yiguíjnarique cusipise go.–

Juan 11:9

Mu Jesús chojningame dacadigode: –Jec ũré yu erĩ́e uje gusu 12 hóras ujetiga gosi diguiji deréjnai údode. Ujetiga gosi diguiji dínique enga que toc ujetiga cṍra. Chamáñaje díreca jnumi gu.

Juan 4:12

Uje yocai jnani bajai Jacob noñome iji yocari ejopié uaté nanique. Uje jopidé jé u ejopié uaté nanique enga abode ore jopidé jé u to nanique, jé aja gachidode cuchiso. ¿Ja bajéode u ujetiga ajnué yocai jnani bajai Jacob gai a?–

Juan 4:5

Enga chise ore idai iji ore uniri Samária uje i tu Sicar. Enga idógosiji jnani bajai Jacob gajnepídi jnupe uje uté gueranome dabi José nanique.

Juan 4:7

Mu Jesús acadigode ore jno, ga ore chicai ore idaipísi ujetiga ore doi oré tome cucha pibosode ome Jesús ore. Uje gusu Jesús iji charidi mu samáriagoto chise. Gaidi u yodi iji ejopié. Enga Jesús chojningame: –Asíape yu iji yodi.–

2 Coríntios 8:9

Chamáñaje e uacarajáyo Yocangarádejnai Jesucrísto icaniratiguédatéode ome uaque gu. Uje que cuchárique chona nanique uje déji dayé gari. U mu chicai jnumi ga jmataguipísiji jnumi tudé. Chamáñaje chijnorapise uaque gu, enga gaidi tu ujetiga agutíñañopísome adode iji jnumi tudé to.

Hebréos 2:17

Jecute Dupade pésu Jesús nanique ujetiga chopise dojode ayoré uyoque. Gaidi u gu ujetiga pangarate cuchape uje osõraquei tate ome darasade ore uyoque, uje tẽrája Dupade ome yoquisijnaringuéone.

Hebréos 4:15

Enga Yocangarádejnai uté que dojnóngaja yoque uje que urénga yoquetotiguérique cuse iji yocujuredie jmainie. Chamáñaje ayoré uté to nanique gu uje déji erámone unojo nanique. Enga chiraja cuchade jnese uje chetingare ayoréode uyoque, mu que pésu pisijnaringuérique to go nanique.