Juan 4:5 - Dupade Uruode

⁵ Enga chise ore idai iji ore uniri Samária uje i tu Sicar. Enga idógosiji jnani bajai Jacob gajnepídi jnupe uje uté gueranome dabi José nanique.

Juan 4:5 Iomraidhean Croise

Génesis 33:19

Enga jé u uje Jacob chicáji ore idáidatéi enga catecã́ri Hamor ujnacarode, Siquem ore, ujeta doi oré tome ore uniri petique iji ore idai ejórique. Enga jé u uje ore chisi ome Jacob ipotigádi jnupe pei ome enga jé u uje cho oré ome daplátadie guebeque, enga chise 100. Uje ore ipláta guebeque chojmára mu oredie jiépisi nanique. Enga jé u nanique uje ore apáji Jacob gaidi jnupe pei uté.

Génesis 48:22

Enga yeranone udojo yuru iyiejájna ome ua suépise yeranone ome yape uñane ore gajnéone yuru iyiejájnane gáyode. Enga a bajneque puniri Siquem jne. Bamo gu uje yujnuéngo amorréogosode nanique iji ore uniri Siquem uté uje yipéco pocaningai ome ore nanique. Enga yijna yõrachade to nanique uje yicoi ore.–

1 Reyes 13:32

Chamáñaje ũrepise Pangarádejnai angúromei uté dirı́ca uje chejnapúsu daruode ga cho darúja dupa quedéjnane ore gajnei gaseradéjna iji yoquidai Betel udé. Ga jé urugaidode u to samáriagosode ore angurenone dupa quedéjna iguı́jnane jnese dirı́ca uje udore déji orónenie ójodie iji pidáyode uñane to iji yocachamini Samária údode. Que toc eti proféta uté ı̃carane cucha udore ca tocade jne, uje garani tu Pangarádejnai gu.–

Lúcas 9:52

Jecute chiroque darótigo aja daquei ujetiga bajaque ore aja ore idai uje i tu Samária ujetiga ore chucué ore upusiétique ayoré.

Juan 4:12

Uje yocai jnani bajai Jacob noñome iji yocari ejopié uaté nanique. Uje jopidé jé u ejopié uaté nanique enga abode ore jopidé jé u to nanique, jé aja gachidode cuchiso. ¿Ja bajéode u ujetiga ajnué yocai jnani bajai Jacob gai a?–

Juan 4:39

Uásejna samáriagosode iji ore idai uté uje ore changureta Jesús ome chequé ojñane uje chojninga: –Jnacari uté chingome yu yadode jnese.–

Juan 4:6

Ejopié déji uté uje Jacob u nanique uje chijócha. E idógosi guedé gatócoro uje Jesús chise ejopié uaté. Ga Jesús eyúguiji dajei nanique jecute chácariji ejopié uaté ejoi.

Josué 24:32

Ga chise diri nanique uje quene ore chijóchame daqui gaté José ajnoquéode iji ore idai Siquem uté nanique. Chamáñaje uje israélgosode ore jnoji egíptogosode ore gari nanique ga ore chijnoque dáqui gaté uté ajnoquéode aja dajesúode erámio nanique. Ga ore chicha uté ode taja jnupe pei nanique uje dai jnani bajai Jacob gaite ore uté nanique tome jnani bajai Siquem dayé Hamor ujnacarode uñane. Ga oredie jé u pláta guebéode nanique uje 100 u nanique. Jecute uje israélgosode ore chajuguína cananéogosode ore unirone péode iji ñane nanique ga José ape disi ejode ore cho dajnéngu jnupe pei uté iji ore idai Siquem ajei. Chamáñaje ore dai jnani bajai Jacob doi oré tome uté nanique gu.