Juan 4:48 - Dupade Uruode

⁴⁸ Uje Jesús chudute uruode enga chojninga: –Yiraja uje a ca anguretáyo yu ujetiga ca amóño yipesútedatérigo, yipesute pitijátigo ore.–

Juan 4:48 Iomraidhean Croise

Juan 20:29

Jesús chojningame Tomás: –Tomás, bamo yu que, jecute bangureta yu. Mu a pininaquei jogadi upúsu ome udore ore jnese jne uje que ore chimo yu mu ore changureta yu.–

Hebréos 2:4

Enga Dupade jé u to uje chetingare daruode úringane ũréo ome dajopié iji danguresórone. Jecute anguresórone udore ore urasade pañaji ore ate pitijabádode. Enga uásejna ore ipesútedatéode udore nanique. Enga Dupade pésu dáyipiedie ome danguresórone uyoque to enga chisi ome Dajopié Espíritu Sánto gueranone pirajatíga ome yoque jnese, uje yoquirajatigade udore cãra rome ñane.

1 Coríntios 1:22

Adójnacho uje jiei judíode uje ore chajo raja ujetiga yetingaco yógome yoquipesutique cucha ujopíerãque jeta tṍraji gaté, uje ore chotigase yocacajnaquéode úringane ũréo gu. Jé basa ga gréciagosode chedu payuquetotigué jnutiminórone quigode ga ore ucuei tupúsu ujetiga yacaco ore ome udore.

Daniel 4:2

Uje yipota jeta arajáyo to uje Dupa Pujnuéngaisṍri ipesudode cucha ome yu cucha pitijabácho udore ome yu ica.

Héchos 2:22

Pédro qué chacate ore enga chojninga: –Angáchoi yu, israélgosode uaque, uje yuruode gajnengórone u uaque. Dupade pota nanique ujetiga ca potigayaquérique déji ome nazarétgosi Jesús úringai Dupade utocaite. Jecute angúromei tu enga cucha pitijabácho uté ipesútedatéode iji uacajade nanique. Enga uacarajáyopise yuruode udore úringane ũréo.

Juan 12:37

Jesús ipesútedatéode cucha pitijabácho jiei iji ore ujade ujetiga ore changureta marínga, que ore chise unétique.

2 Coríntios 12:12

Uje yugúsiji uacari ica ga que yujuseque uaque ica enga yinejepúsu uacádode ica. Yúringai Dupade iroguipise apóstol obiréjna gu yipesudode cucha pitijabácho iji uacajade. Jé basa a ca Dupade iroque yu ga a ca toguírase ome yu ujetiga yipésu yipesute cuchadatéode udore iji uacajade.

Romános 15:19

Mu que gusu yisocade udore, mu ore pañaji to yipesudode cucha pitijabátedatéo, cucha pibojmadatéo udore uje yipésu ome Dupade Ujopié Espíritu Sánto etotiguejnai uté. Jé yisoca uté iji yiriguítigade jnese uje yṍraji Jerusalén aja punirone uñane jnese, enga jé yuságaja pachamini uté uje i tu Ilírico iji eruei. Enga jé u uje e yimate yajnéone Dupade iroquéo iji punirone udojo aja guesi ome pujnomé ueradi uté uje júdi tu Crísto.

Héchos 14:3

Mu que Páblo, Bernabé ore jno míraque mu iyajmaque ore iji uté enga ore chejna rángaja datatagode Dupade urúo. Picasitigai déji ore gu uje ore changuretapise Yocangarádejnai ome cuchade. Enga Yocangarádejnai chátaja ore ujetiga ore pésu dapesútedatéode, cucha pitijabácho iji ayoréode ujade. Gaidi u gu ujetiga pangurete ore uje ore chacate ayoréode ome Dupade ijnoraquédatéi ome erámi unirisórone.

Márcos 13:22

Mu a jé isocai tu ome jnani aringácachoquíode uje a ore chise uaque to jne. Mu a jnanione udore chopise Crísto iji re jne. Jé basa uñéngo a ore chopise Dupade uruode atatasõripísode iji re jne rĩ. Mu a ore pésu dapesute pitijabátigo ome doitígo daringaquéo. Mu ore ipotigádi u jórogu jne ujetiga ore chãra Dupade anguresõripísode uje Dupade ajegaidode u ore.

Matéo 24:24

Uje a aringáca dírigo jiei jne uje chiese ore acajnaquéode garani tu Dupade. Enga a uñane ore cho Dupade utocaidi Crísto iji raque to jne. A ore pésu cucha pitijátigo ome daringaquéode ome uaque jne. Enga a idógosi jne ujetiga Dupade anguresõripísode ore timíningarása ore to, uje Dupade ajegaite ore múñi.

Héchos 2:43

Dupade angúroméone u Jesús irógode apóstol udore, jecute jiei ore ipesútedatéode, ore ipesudode cucha pitijabácho ore rĩ. Jecute ayoréode tijapísa jnese.

Juan 2:18

Uje judíode ore catecã́ri Jesús enga ore chojninga: –Angoma yoque bapesútedatérique ujetiga jé ũré ua enga Dupade utocaite ua aja jnumi uje bajócãre cucha peranone guẽrasórone ore iji Dupade iguíjnai udé ajei.–

Lúcas 16:31

Mu Abraham chojningame uté: "Úngare. Que isocai tu gotique. Ujetiga ca ore chise Moisés urusarane, Dupade uruode atatasórone ore unétique ga a jé ore gajnui tu ujetiga ca ore tangári deyasónique ayoré to ujetiga chiquetárase raja ore múñi iji dáringárique toque."–

Números 14:11

Ga Dupade narare ga chojningame Moisés: –Yachopise israélgosode ore ichietabáitigade ome yu to. Yipesútedatéode e jiépisi ome ore uje jecucha ga yetingare yu ome ore, mu jé ate uje ore dojnóngaja yu to ga ore chotigase yuruode quigode to.

2 Tesalonicénses 2:9

A pisijnaringuéone edo tuté jnani garani u Satanás jne. Enga a jé jõra tu dajopiéjnane, dajñangone dacho ujetiga diga di. Enga a pitijabácho átedatéode ome ayoréode ore jne. U mu, ãraque ore ome datuátigade udore.

Héchos 15:12

Udojo quigade ga ore cha uje ore botare ñane. Enga ore tangári Páblo, Bernabé ore ojñane uje ore chojninga: –Dupade chatapísaja yoque diríca ujetiga yipéco yoquipesútedatéode, jé aja cucha pitijabádode uñane uje yugúcoji purása quedéjnane ujade.–

Héchos 7:36

Enga Moisés u uje chijnime yocayode jnani bajácho iji Egípto. U to uje pésu cucha pitijádode iji Egípto, jé iji yote quedéjnai uje i tu Yote Quedéjna Gati rĩ, jé iji erãpetarei to rĩ. Enga sequeredie 40 uje ore déji erãpetarei nanique.

Héchos 6:8

Enga Dupade chatapísaja Estéban, enga chisi ome dajopié ome. Jecute pésu dapesútedatéode, cucha pitijádode iji ayoréode ujade.

Héchos 5:12

Jesús irógode apóstoles ore ipesútedatéode, cucha pitijádode jiépisi iji ayoréode ujade nanique. Enga Jesús irógode udore ore chamáta ñane gatuaque aja Dupade iguíjna cuchábi imeñé uje ore chĩ́care Salomón Gajnei aja.

Héchos 4:30

Aqueta ayoré ejnaretade ome Bajopié. Enga apésu bapesútedatérigo, cucha pitijátigo ujetiga yĩ́caco bajnacari Jesús i jne uje ueguipis uté ome pisijnaringuéone.–

Héchos 2:19

A yingo cucha pimojmane aja ore jne enga ore tocade iji gaté jne. Enga a yingo cucha pingongóningane aja ore jne rĩ enga ore tocade iji jnumi jne. Enga diquiyode, pioque chagúode, pioque úyujna cuchábedie u jne cucha pingongóningane udore.

Juan 15:24

Yipésu yipesútedatéode iji ore ujade uje que toguírase ome uñeque ujetiga cho yu ome yipesútedatéode udore. Mu jé ate ome ore uje ore chetaque yu. Jecute ore guetei upo Yai te rĩ. Ujetiga ca ore pañaji yadode enga a ca máraque ore, mu uje ore chimo yadode enga ore úringai máraque jogadi u.

Lúcas 10:18

Enga Jesús chajnai ore uruode enga chojninga: –Yiraja. Chamáñaje yimo Satanás to nanique uje basíji gatajnoquei. Gajnui u ajnorátique nanique.

Matéo 27:42

Enga ore chojningame ñane: –Chiquetapie dojode ayoréo diríca, que chiqueta gojni re. Jeta jé ũré ujetiga israélgosode yoquijnati eduguéjna u enga doi enga doi jnumi iji curesei gai. Enga jé urásu ujetiga yiyágo yotigáco uté.

Matéo 16:1

Enga fariséode, jé aja saducéode ore tibágui Jesús ome daringaquérique. Enga ore chutai ujetiga uté pésu cucha pitijátique enga tõrarásiji gaté ome ore.

Daniel 6:27

Piquetangore uté enga chibéro pajnéone pujuyaquéo ome gajnesórone. Ga uté pésu cucha pimojmane uje yimóngo iji gaté, jé aja jnumi jogonórone cucha uje yimóngo udore, ga yitijago udore jnese. ¡Uté jé u uje chiqueta Daniel ome caratedie úsugurujnáne diríca!"

Juan 4:49

Mu ore eduguéjnai iróquegatéi chojninga: –Yocangaráni á, aguito uje cáma yabi toi.–