Juan 4:42 - Dupade Uruode

⁴² Enga ore chojningame chequé: –Que gusu batatagode uté acho ome yoque ujetiga yanguretágo uté. Mu e yudúco uté acajnaquéode quigode to. Jecute yanguretágo úringai yoquijnati Crísto. Enga yirajágo uje jé ũrepise uje erámi unirisórone yoquiquetangóri u.–

Juan 4:42 Iomraidhean Croise

Matéo 1:21

Enga a uaté abi base jne enga ẽ́care Jesús aja jne. Uté a chiqueta darasade ore jne gu iji ore isijnaringuéone.– (Jesús i qui tu piquetangore ome israélgosode ore uruode.)

Lúcas 2:32

Chamáñaje uté u gu ujetiga chijñate purása quedéjnane ore, yoquibáyode. Enga a picotaque barasade israélgose uyoque jne uje piquetangóri Jesús gãrapíode u yoc.

Juan 1:29

Jecute dire uñai enga Juan chimo Jesús uje chose ore yui enga chojningame daríjogosórone: –Cajicho to jnacari uté. Uté u jne ujetiga toi ome erámone jogosórone yoquisijnaringuéone. Enga gajnua u áyasa perané ome Dupade. Enga Dupade jé guerani u ome yoque.–

Juan 11:17

Uje Jesús chirõre ore idai ga ore chojningame Jesús: –E dirode gagájni iji yui uje ore chijóchame Lázaro diríca.–

Juan 17:8

E yacate ore ome beranone yacajnaquéo enga ore chimesẽre. Que potigayaquérique déji ore uje yarani tu ua. Enga ore changureta uje baroque yu aja jnumi nanique.

Juan 4:29

Uje di iji ore enga chojninga: –Boyóji ti. Cajicho jnani uje déji te enga chingome yu yipesudode jnese. ¡Ísega yoquijnati Crísto u jõ!–

Juan 4:41

Enga uje Jesús déji ore idaipísi enga uásejnapise uñane uje ore chudute acajnaquéode enga ore changureta to.

Héchos 13:23

Dupade jé urúo ome ore nanique uje a chisi ome israélgosode iquetangónique ome ore jne. Jecute Dupade ojningai piquetangore di iji yoque enga Jesús u. Enga gãrapi u yocayode jnani bajácho ore eduguéjna cuchábi David.

Héchos 4:12

Enga que piquetangore uñeque cuse. Gusu uté. Uje Dupade ojningai chojmára iji erámi unirisórone jnese ujetiga chiqueta ore. Enga Jesús uté u.–

Héchos 5:31

Mu Dupade e chosi iji gaté enga e chicháji dãrachua iji gaté. Pésu úringai yoqueduguéjna to. Que gusu udore mu pésapo úringai yoquiquetangore rĩ. Gaidi u gu ujetiga israélgosode chécãre dáyipie quigode ome Dupade ujetiga pĩroque ore isijnaringuéone.

2 Coríntios 5:19

Ga Dupade angúroméone u uyoque ujetiga yingongo ore uje Crísto toi nanique ujetiga chimate erámi unirisórone yocúringáringo omío ome dayé Dupade, ujetiga Dupade, uyoque yocajéode chopo sere ome ñane rĩ. Enga que qué Dupade áyipieraque dépoi yoquisijnaringuéone rĩ. Ga Dupade e chutṍri yoque to ujetiga yatatago pajesereringai adode ome yocujode ayoréo, ga ore chiraja quitígo to.

1 Timotéo 4:10

Jecute yejnángo yógaja yoquisagode Dupade urúo. Ujetiga ore dojnóngaja yoque marínga, jé yejnángo yógaja. Chamáñaje yichago yocanguretigai aja Dupa uecai gu enga yanguretágopise ojningane cucha yúode jnese. Erámi unirisórone jnese ore iquetangóri urásu Dupade, mu iquetade upúsu danguresórone uyoque.

1 Juan 2:2

Enga Dupade angúromei u Jesucrísto uté adode ujetiga chĩro yoquisijnaringuéone. Mu que gusu yoquisijnaringuéone uje chĩro, mu jé u erámi unirisórone ore isijnaringuéone jnese to rĩ.

1 Juan 4:14

Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.