Juan 4:41 - Dupade Uruode

⁴¹ Enga uje Jesús déji ore idaipísi enga uásejnapise uñane uje ore chudute acajnaquéode enga ore changureta to.

Juan 4:41 Iomraidhean Croise

Génesis 49:10

A ãrai bogué tiji gaté jne, enga obiréjna báringai eduguéjna cuchape ome bogué uaté. Enga a ca toc ujetiga pijnimé bogué tuaté iji bajmainie, jé iji bape disi ejode ore jmainie to rĩ, jé aja ujetiga bogué uaté gajnengoripísi di jne enga jé jogate uté jmanai iji deréjna pitade. Enga erámi unirisórone iji erámi údode jnese a ore cho deduguéjna cuchábi iji bogué isasṍri uté jne iji erámi údode jnese enga a ca ore chimoque iroquérique jeta ore dopísi quigode.

Lúcas 4:32

Mu acajnaquéode chajuque ore agutedie uje que chijna puru gajnarétique mu oidedie u ayoré dacasutedie ore arecujaidie.

Juan 4:40

Uje samáriagosode ore di enga ore chijócha Jesús ajei údi ujetiga chacarabíji ore gari iji ore idai Sicar. Jecute Jesús cháji ore gari ome dire gáreode.

Juan 4:42

Enga ore chojningame chequé: –Que gusu batatagode uté acho ome yoque ujetiga yanguretágo uté. Mu e yudúco uté acajnaquéode quigode to. Jecute yanguretágo úringai yoquijnati Crísto. Enga yirajágo uje jé ũrepise uje erámi unirisórone yoquiquetangóri u.–

Juan 6:63

Dupade Ujopié u uje guẽrate pucuecaringuei ome ore. Jé basa que cuchárique tṍraji yocúringane ayoréo. Yacajnaquéode ome uaque ũréo enga ore garani u Dupade ujopié. Jecute udore guẽrate pucuecaringuei ome ore.

Juan 7:46

Mu Dupade iguíjna cuchábi irodisórone ore chojninga: –Que togome yoque. Arecujaidie chajuque yocagutedie. Uje que uñeque déji ujetiga arecujatígui cho uté arecujaidie quigode.–

Héchos 1:8

Mu ujetiga Dupade Ujopié Espíritu Sánto chacája uaque enga a uacajopiéraque cuse to jne. Enga yipijogúsorone u uaque jne iji Jerusalén, iji Judéa jnese rĩ, iji Samária jnese rĩ, iji jnumi eruéode jnese to rĩ.–

Héchos 15:3

Jesús anguretasórone iji Antioquía ore nóna Páblo, Bernabé ore aja guidai eruei enga jé u uje Páblo ore jno. Ore chicáji ore unirone Fenícia, Samária ore uje ore chicáji Jerusalén yui. Enga ore chingo purása quedéjnane ujnoméone ome Jesús anguretasórone jnese aja dajesúode. Enga ore atatagode quigode u uje purása quedéjnane ore cha dangurete cucha bisideque bajade uje ore changureta Jesús. Enga Jesús anguretasórone jnese ore irasique re ome ore ojñane udore.

Héchos 8:12

Mu Felipe chacate ore ome panguretigai ome Jesucrísto ujetiga ore chise dáringane Dupade urása. Uje ore changureta Felipe acajnaquéode udore enga jé u uje ore chaca jnanione, chequedíe ore edodie iji yodi.

Héchos 8:25

Jesús irógode ore chingopísa Dupade isocade ome ore iji jogadi uté enga ore chatatapo Dupade uruode ome ore rĩ. Quigade enga ore jno Jesús ujnomei údi aja guidáyode uñane iji Samária ejode ujetiga ore nína raque ome Jesús ujnomei to. Udojo quigade enga ore chajni aja Jerusalén.

Hebréos 4:13

Que togome yoque ujetiga yipójo cuchárique ome Dupade. Chamáñaje Dupade ipesute cuchade gu, enga chimo cuchade udore jnese iji ore jogadode. Enga chirajápo cucha dacadode quigode jnese rĩ. Enga Dupade uté u jne ujetiga yingongo yoquipesudode cucha aja jnese.