Juan 4:34 - Dupade Uruode

³⁴ Jesús chojninga: –Yibosode u yirósõri Yapade iroquéode. Yajéode u ujetiga yimate uté áyipiedie aja jnumi.–

Juan 4:34 Iomraidhean Croise

Sálmos 40:8

Urénga, yijnátu ujetiga yi bajegaidode cucha jne, Yangureni Dupá. Bacajnaquéode udore déji yáyipie ajei.–

Matéo 26:39

Jesús qué jno aja ore iquei enga jé u uje cṍraja jnumi. Enga chijócha Dupade ajei údi enga chojninga: –Yapá, yajnéone cucha dacate gajnui u gu ujetiga ore chaningárirase cucha aguté iringonguéjnaragaja yu. A bajérasome yu enga noñamírasiji gajneri. Mu jé be bajéningo, jeque ca yiji yajéningo jne.–

Matéo 3:15

Mu Jesús chojningame: –Areque ujetiga yipéco Dupade áyipiedie jnese. Jecute jé tiógara ujetiga aca yedodie iji tié.– Enga Juan chojningame: –Jé areque.– Do gojni enga chaca edodie iji tié.

Matéo 9:19

Jesús e chague enga nóna dacadigode ore aja Jáiro iguíjnai yui.

Lúcas 15:10

Enga yingome uaque uje jé isocai tupo ome Dupade, irógode gaté unirísoño ore rĩ ujetiga ore irasiguipise raque ome gosi ujetiga cha dasijnaringuéringo ga chajniápo Dupade gai rĩ. Ujetiga chojmára uté gosi marínga, a qué ore nínapúsu raque jne ome uté gosi ujeta uté gosi cha date gajnarétigo.–

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Lúcas 2:49

Mu Jesús chajnai daté uruode ga chojninga: –¿Gotique gu a uje uacacueyoi yu iji daté diríca? ¿Ga ca arajáyo a uje yijogadi tu yajnéone Yapade iroquéo gai iji iguíjnai tudé?–

Juan 17:4

E yimate baroquéode ome yu jnese, jecute bangoningájnai e pijógome erámi unirisórone ore.

Juan 19:28

Cuchade udojo quigade enga Jesús chiraja uje Dupade uruode atatasórone jnani bajácho ore urusarane quigode e tocade jnese. Cucha amiri tu uje chojninga: –Yicajnóriji.– Uje chejna daruode udore guesi enga Dupade uruode atatasórone ore urusarane úringane tocachuguipíso jogadi u.

Juan 19:30

Uje Jesús chóji ore jotaque sujnai enga jé u uje chojninga: –Yajnéone cucha dacate e tocade jnese ome yu.– Uje chejna daruode udore guesi enga jé u uje gatoi cho caru aja jnumi enga jé u uje toi.

Juan 4:32

Mu Jesús chajnai dacadigode ore uruode enga chojninga: –Cucha pibosode déji uje yibosode u mu que arajáyo go.–

Juan 5:30

Que togome yu ujetiga jé yiji yajéningo quitique. Mu jé yigaidedie u yai Dupade áyipiedie ome yu uje yajire ore adode aja quigode enga uje yipésu ore quigode. Enga yáyipiedie jogadípise yirósõri Dupade ojningane cucha, jecute que togome yu ujetiga yécãre uruode quigode uje yajire erámi unirisórone adode aja quigode.

Juan 5:36

Mu yipijogúsorone uñane ore déji uje ore narare yibai. Enga ore sué yipijogúsõri Juan gai. Yipijogúsorone udore u yipesudode cucha. Chamáñaje yipesudode u Yai iroquéode uje noñome iji yari nanique. Jecute que potigayaquérique déji yúringai Dupade utocaite.

Juan 6:33

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.–

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

Juan 8:29

Uacamóño uje yirósõri uté u uje déji yari. Enga Yai que noñome yu iji te go. Chamáña gu uje yipesudode jecucha u ajegaidode cucha, jecute irasiguipise yu.–

Héchos 20:35

Jecucha yacate uaque to ujetiga asayo uaquejórigo ujetiga átayoja uacajõráringo to ujetiga qué cuchárigo chona ore. Yujnusinápo yocangarádejnai Jesús uruode ome uaque to rĩ uje chojninga: "Peranone gajnesórone ore irasique raque mu cuchiyi tupúsu guẽrasórone ore irasitigade ome raque."–

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.