Juan 4:32 - Dupade Uruode

³² Mu Jesús chajnai dacadigode ore uruode enga chojninga: –Cucha pibosode déji uje yibosode u mu que arajáyo go.–

Juan 4:32 Iomraidhean Croise

Sálmos 119:103

Yibijnani chajmárapúsu baru quigode udore, ga udore sué cutepeque pajmarátique gai ome yarei.

Sálmos 25:14

Pangarádejnai cho dajõranguipísode iji udore ore uje ore tõrorája iquei, ga chingo daru iyiejájnane aja ore.

Sálmos 63:5

Yáyipie a nunaji jne, ga chorase jeta yagu asádo iji ore ininaquei ga yujuya iji cucha pibose uneréjnane iji uté. Ga yarei a jecucha chicota ua ome daradérigui, ga yibijnani a chachietáji ua jne.

Provérbios 14:10

Que toc ujetiga ayoré quedéjnarique chiraja dojórique ayoré áyipie quitique iji ajei. Ayoré chojmara, chojmarane ore chiraja dáyipie quigode ome rac, jeoga ore áyuguhebátigarigo déji ore, jeoga ore ininaquéo.

Provérbios 18:20

Ujetiga gosi chuse deo ome dojñane quigode jnese, enga a uté gosi irasique re jne. A uté jorane ore chagutíyame arecujaidie jnese, mu que gusu ore gotique, uje a uté chagutíyame darecujaidie udire to.

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Juan 4:31

Uje cáma ore chise Jesús iji charidi mu acadigode ore chijócha ajei údi enga ore chojninga: –Yocacadisṍri á, agu bu cucha pibosode to.–

Juan 4:33

Jesús acadigode ore catecã́ri ñane enga ore chojninga: –¿Ja uñeque chisi ome potígome que a?–

Juan 4:34

Jesús chojninga: –Yibosode u yirósõri Yapade iroquéode. Yajéode u ujetiga yimate uté áyipiedie aja jnumi.–

Héchos 20:35

Jecucha yacate uaque to ujetiga asayo uaquejórigo ujetiga átayoja uacajõráringo to ujetiga qué cuchárigo chona ore. Yujnusinápo yocangarádejnai Jesús uruode ome uaque to rĩ uje chojninga: "Peranone gajnesórone ore irasique raque mu cuchiyi tupúsu guẽrasórone ore irasitigade ome raque."–

Apocalípsis 2:17

Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime bãrírique enga a yisi ome maná ome ua jne ujetiga agu uje qué pipoguiete. Enga a yisiapome cucarané pórorabia ome ua jne rĩ. Enga a yurúsãre bei ichárique iji cucarané tuaté jne. Mu a ca ayoré uñeque chiraja bei tiji, mu gusu gajnesṍri ua ujetiga araja bei tiji."–