Juan 4:22 - Dupade Uruode

²² Mu samáriagosode uaque uacabeyoi uacajmapiedie ome Dupade mu que arajáyo uruode quigode jnese. Jé basa ga judíode uyoque yirajágo Dupade uruode jnese. Jecute yirajágo uje yoquiquetangóri garani u judíode uyoque.

Juan 4:22 Iomraidhean Croise

Génesis 49:10

A ãrai bogué tiji gaté jne, enga obiréjna báringai eduguéjna cuchape ome bogué uaté. Enga a ca toc ujetiga pijnimé bogué tuaté iji bajmainie, jé iji bape disi ejode ore jmainie to rĩ, jé aja ujetiga bogué uaté gajnengoripísi di jne enga jé jogate uté jmanai iji deréjna pitade. Enga erámi unirisórone iji erámi údode jnese a ore cho deduguéjna cuchábi iji bogué isasṍri uté jne iji erámi údode jnese enga a ca ore chimoque iroquérique jeta ore dopísi quigode.

Sálmos 147:19

Ga uté chingongara daru quigode aja Jacob, ga chatata daréngone cucha quigode jé aja darecujate iyiejnanie quigode udore ome Israél uté.

Sálmos 68:20

Yocangureni Dupade uté u Dupa Piramesṍri. A pitoringai juseque gosi, mu gose Pangarádejnai Dupade uté, uje cuchade udore jnese déji uté jmainie.

Lúcas 24:47

Mu gajnei upo rĩ ujetiga anguresóningo ore jno ujnomei údi aja quedéjnane, ujetiga ore chingome ore iji punirone jnese. Enga ore gaite bajai tu ore idai Jerusalén ujetiga ore chingoba ore iji bajac. Mu ore oidi tuté pujnomei turásu ujetiga ore chósi tome: "Beyoi ga ecãcho uacáyipiedie quigode, uacatígo ome uacasijnaringuéone. Ga jé jogadi tu jne ujetiga Dupade utocaidi Crísto chĩro uacasijnaringuéringo."

Héchos 17:23

Uje yisõre iji uaquedai ujade enga yimo gaseranone uje uacapéso ome uacangaránone ayoré gajnúo, uje uacacatecãchoi ore iji. Yise gaseranone udore uñai uje uacarúsãcho uacarusarane iji uje chojninga: "Dupa pimojmai u udé." Dupa pimojmai u uté ome uaque mu jé uacacatecãchoi. Mu yangaráni Dupa jé u uté to enga yiraja adode. Enga a yatata adode ome uaque jne.

Héchos 17:30

Que Dupade jĩrique chajire purása quedéjnane isijnaringuéone yúrique nanique uje que ore chiraja cuchárique gu. Mu e chiroque erámi unirisórone jnese ujetiga ore chécãre dáyipie quigode, dadode ore.

Héchos 3:26

Uje Dupade chiqueta dabi ga chiroque aja judíode uaque bajaque ujetiga uacagutíyamáite enga ujetiga ayáyo uacasijnaringuéone jnese.–

Romános 11:18

¡Mu jé ca purása quedéjna uacuñeque dorási ga poja jmanecaque bajade ore ome dáringane parãcho iji pore ueradé uaté! Jeta apotárasa báringárique dicotare, mu ajnusina uje que toc ujetiga jmanecaque pichagájai doi ga pésu ero jeta quérã mu ero u uje pésu jmanecaque pichagájai uté jeta ijõre, enga gose uje catája cucha goto uaté ero gu.

Hebréos 7:14

Ore chiraja jnese uje Yocangarádejnai gãrapi u jnani bajai Judá nanique. Enga jnani bajai Moisés que acajnaquei u go nanique ujetiga jnani bajade ore cho dangaránone iji Judá ape disi ejode ujetiga ore catecã́ri Dupade ome ore.