Juan 4:19 - Dupade Uruode

¹⁹ Uje chequé chudute udojo, Jesús uruode, enga chojninga: –¡E yiraja uje Dupade uruode atatasórone uñai u ua!

Juan 4:19 Iomraidhean Croise

2 Reyes 5:26

Mu Eliséo chotigase uruode, uje chojninga: –¿Ama jé ca yugúsi bari to a, uje jnani uté doi jnumi tiji doruti guebéquedaté enga chachai ua? Yaríjogoto pujopié pésu yu ga yipáñapı́siji ua arı̃a.– Ga Eliséo chopósi tome daroi uté rı̃: –Tãrarachuque ua. Que bajnepı́di dire u arı̃a ujetiga asa plátadie jé aja piguidedie. Mu e bajna udire que, ga bagaidi tu ujetiga be oredie ome bacárigui pori olı́va jogatı́go, jé aja bacárigui úvai jogatı́go, jé aja bachitı́go tórodatéo, jé aja bachidérigui áyasai, jé aja barótigo, baróguerigui, jeta be oré tome udore ore to, ome báringai tãrarachuque.–

2 Reyes 6:12

Ga soldádode eduguéjnane uñai chajnai uraque deduguéjnai uruode nanique ga chojningame: –Que yocuñeque u, Yangaráni, Yeduguéjná. Mu proféta déji israélgosode ore uniri uté uje i tu Eliséo, ga a uté u ujetiga ajnerámeo baruode ome israélgosode ore eduguéjnai. Pijoguipise cucha pipoguiédode ome uté, ga jé chuságaja baru pipoguiédode iji bamochápi jogadi uté.–

Matéo 21:11

Enga ayorébui ore chojninga: –Dupade uruode atatasṍri Jesús u erĩ́e. Uje garani u ore idai Nazaret, iji ore uniri Galiléa.–

Lúcas 24:19

Enga jé u uje Jesús chajnai ore ga chojninga: –¿Jé gotígo a cucha tocachugode a uje uacacatecãchoi uñane ome a?– Enga ore chajnai uruode ga ore chósi tome: –Yicatecãcoi ñane ome Jesús ucácasicá uje idai tu Nazaret ica. Dupade uruode atatasṍri proféta u ica enga cucha pitijabácho uruode jé aja ipesudode rĩ ome ayoréode uyoque jnese. Enga ujopié garani u Dupade.

Lúcas 7:16

Enga chajuque ayorébui ore agutedie jnese. Jecute ore chicotapise Dupade. Ga uñane ore chósi tome dacotaquéode ome Dupade: –Dupade irótique ujopíerã́tique a chiqueta raja yoque que.– Ore chojningápo rĩ: –Dupade gaidi upúsu ujetiga chátaja judíode uyoque.–

Lúcas 7:39

Mu fariséo uté uje inejéramáite Jesús que, chojningame re iji dajei: "Ísega ca Dupade uruode atatasórone jõra uté jõ. Uje que chimo chequé uaté ipesute gajnaréngone. Ujetiga chiraja enga a ca juégarása ujetiga pijocayaque ome uaté. Ga a chijócãrirase uaté iji dejode."

Juan 4:29

Uje di iji ore enga chojninga: –Boyóji ti. Cajicho jnani uje déji te enga chingome yu yipesudode jnese. ¡Ísega yoquijnati Crísto u jõ!–

Juan 6:14

Uje ayoréode ore chimo Jesús ipesútedatéi uté enga ore chojninga: –Jé ũré uje Dupade uruode atatasṍri u uté ujetiga di iji jnumone udojo.–

Juan 7:40

Uñane iji ayorébui udore ujade ore chudute Jesús uruode udore enga ore chojninga: –Que potigayaquérique déji jnani uté úringai yoquijnati Dupade angúromei proféta.–

Juan 9:17

Jecute ore catecã́ri jnani edopari gaté enga ore chojninga: –Boji te é. Yangácoi báyipierigui quitígo ome baquetangóri jnani uté.– Jnani edopari chojninga: –Ome yajéode, ísega Dupade uruode atatasórone jõra, ¡jõ!–