Juan 4:15 - Dupade Uruode

¹⁵ Jecute chequé chojningame Jesús: –Be ga asi ome yu yote uecai uté enga yóji ujetiga ca yicajnórapo iji rĩ. Ujetiga ca yijiápoi yodi rĩ iji de jogadi gatuaque.–

Juan 4:15 Iomraidhean Croise

Sálmos 4:6

Jiei ore uje ore chojninga: –¿Gosi u jne jeta yagutíyangome uté gosi?– Mu Pangarádejná, ua u ujeta yagutíyangome ua, ga be ga ajire yoqui ome bátegoningáne.

Juan 4:16

Jesús chojningame chequé: –Bo ga abágui babai enga acayobíji de.–

Juan 6:26

Mu Jesús chajnai ore uruode enga chojninga: –Jé ũrepise yu ome yuruode: uacacueyoi yu gu ome yipesútedaté casé uje uacacho yeranone arurécho diríca enga uacãretáyo uacacadie iji diríca. Mu que arajáyo quigode gotique yipesútedatéode ome uaque.

Juan 6:34

Enga jé u uje ore chojningame Jesús: –Be ga jecucha asi ome yoque arurégode udore ujetiga yajo.–

Juan 6:35

Jesús chajnai ore uruode enga chojninga: –Arurei uté uje chisi ome pucuecaringué eyúgojmai ome ore jé u uyu. Ujetiga gosi tibágui yu ome arurei uté enga a ca chaguhénique chejnapo uté gosi rĩ. Ujetiga gosi changureta yu ga a ca gosi cajnorapóji jne rĩ.–

Romános 6:23

Pisijnaringuéone a cho darógode oré jne, enga oré u pitoringai ome ore. Jé basa Dupade guẽrate bisidei u pucuecaringué eyúgojmai ga gose Yocangarádejnai Jesucrísto adode ome uyoc.

Romános 8:5

Ujetiga Dupade Ujopié Espíritu Sánto etotiguei u uje chijocase yoque iji yocucuecaringuei iji erámi udé, ga pijoque uje yocáyipiedie chejna raja uté ajegaidode cucha ome yoque jeta yipéjo. Enga ujetiga yocáyipiedie qui jé u uté, enga obiréjna uje yoquisocade udore iborátajade u pucuecaringué eyúgojmai, pajesereringai ore, uje Dupade Ujopié Espíritu Sánto a gueranome yoque jne. Mu quique uñai cuse ome gosi uje chajo raja dapotigué ayoréode, ga chajna dáyipie gajnarénguenie iji jnumone iji diri tudé. ¿Ama pisocai uté chiborátaja cuchárique ome gosi jne a? Uté iborátajai jé upúsu pitoringai ome gosi, enga uté gosi a doi datéringane jne iji siñeque uje a cãra dajogadi ome Dupade iji deréjna pitade jnese.

1 Coríntios 2:14

Mu adójnacho ujetiga Dupade Ujopié Espíritu Sánto ca déji gosi, enga uté gosi que chimesẽre cucha uréone quigode gotique uje tṍraji Dupade Ujopié uaté. E mu cho cucha bisidéguiji. Jé ũré uje que togome uñeque ujetiga chiraja cuchade udore quigode ujetiga jé ca Dupade Ujopié Espíritu Sánto chacate gosi áyipie ome cucha uréone udore uje garani tu Dupade.

Santiágo 4:3

Mu ujetiga atáyoi cuchade udore iji Dupade, mu que chisi ome uaque gu uje chiraja uacáyipie gajnarénguenie enga todo ujetiga uacajñamáicho.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.