Juan 3:8 - Dupade Uruode

⁸ Uje emi chubúchu erámi aja dajesúode, mu que pirajaque garãtique enga que pirajaque quitique rĩ. Que pimo mu ore chudute jocarane. Enga Dupade Ujopié Espíritu Sánto isocai u uté ome ore uje chinoningase ore. Que ore chimo mu ore chiraja adode iji dajéode.–

Juan 3:8 Iomraidhean Croise

Sálmos 107:25

Dupade narare ga jé u uje guetṍrai tṍraji úringai dara. Ga jé u uje que iyieque yote quedéjnai uté josé.

Sálmos 107:29

Ga acherangóri chécãre re ga emi cho me, me, me, me. ¡Ga yodi josé cho paráguiji jnumi!

Sálmos 135:7

Uté u uje pésu gué abujadie ga chicáji gaté uje tṍraji jnumi eruéode, ga uté chiroque ajnorápiedie, guéode ore aja erámi, ga chijnime emi uté iji dajogapíode depósito udore.

Juan 1:13

Mu ore úringai Dupade abío que cho ore úringane ayoré abío. Uje ore dayode ayoréo chisa ore datedie nanique jecute ore basíji datedie. Jé basa ore úringane Dupade abío garani u Dupade áyipiedie ome ore.

Juan 3:7

Jecute aya baguté jora ome yuruode uje yojninga: "Ujetiga apota báringárique Dupade urása enga ajuéga ua ome babatiga ejoi."

Juan 3:9

Uje Jesús chejna dacajnaquéode guesi ome Nicodémo enga Nicodémo catecãrápoi rĩ enga chojninga: –Cáma yiraja cuchade udore quitígo.–

Héchos 2:2

Ore chuningame eti cucha ajaramomíni tṍraji gaté. Cho úyujna cuchabe. Cucha ajaramomíni irágu ore charidi guijnatajé.

Héchos 4:31

Uje e ore cha catecã́ri Dupade enga jĩrique ore charidi guijnatajé tãrara. Enga Espíritu Sánto irágu ore ajéode jnese. Enga que ore chagutu re ome uje ore chacate ore ome Dupade uruode.

1 Coríntios 12:11

Mu Dupade Ujopié Espíritu Sánto upúsu uje pésu dáyipiedie ome yoque jnese, enga chajuguína pirajatigade udore iji yoque jnese.

1 Coríntios 2:11

Ga yacãra yuruode udojo aja yoquisocai iji de erámi, yijorane uaque á: Que togome ayoréode uñeque ujetiga chiraja dojórique ayoré áyipiedie iji ajépisi, ¿jec ũré? Mu gusu ayorei uté gosi uje chiraja dajéode arĩa. Enga adi jé upo ome Dupade rĩ. Que uñeque chiraja Dupade áyipiedie quigode gotique. Mu gusu Dupade Ujopié Espíritu Sánto uje chiraja uté áyipiedie quigode udore.

1 Juan 2:29

Uacarajáyo Jesucrísto úringai areque. Jecute uacarajayópo Dupade atígo ore to rĩ ome ore úringáringo cucha arégode ipesungóño.