Juan 3:6 - Dupade Uruode

⁶ Jecute gosi basíji daté enga jé chopise daté ome úringai jnutiminore. Jé basa ga uje Dupade Ujopié inoningayaque gosi enga uté gosi jé chopise danoningayasṍri.

Juan 3:6 Iomraidhean Croise

Génesis 5:3

Enga sequeredie chise 130 iji Adán yui nanique uje abi Set base nanique, enga uté chopise dayé nanique.

Génesis 6:12

Enga Pangarádejnai Dupade chimo uje ore chécãre uruode quigode enga ore pésu dajegaidode cucha gatuácapo ome re rĩ. Enga Dupade que chise ate onique iji ore ujade, gusu ate gajnaréngone iji erámi údode jnese nanique.

Génesis 6:5

Iji dirode udojo nanique enga Pangarádejnai Dupade chajire jnumi jnese nanique. Mu e chimo erámi unirisórone udore uje que ore áyipieraque jnopóji cucha gajnarétique nanique rĩ. Enga íjnoque puajatiguei ome Dupade nanique iji ore ipesudode cucha gajnarécho jmainie.

Sálmos 51:10

Urénga, Dupade á, be ga apésu páyipie icha ome yu, ga asiapome yáyipie ajépisi ujñapetáringai ome yu rĩ.

Juan 1:13

Mu ore úringai Dupade abío que cho ore úringane ayoré abío. Uje ore dayode ayoréo chisa ore datedie nanique jecute ore basíji datedie. Jé basa ore úringane Dupade abío garani u Dupade áyipiedie ome ore.

Juan 3:7

Jecute aya baguté jora ome yuruode uje yojninga: "Ujetiga apota báringárique Dupade urása enga ajuéga ua ome babatiga ejoi."

Romános 7:18

E pijoguipise ome yu uje que yátegoningá unátaque dépisiji yajei. Enga yojningai tu yúringai ayoré jnutiminore, uje que cucha onique déji uté. Enga obiréjna yuruode udojo úringane ũréo gu uje yúringai ayoré que juéga yu ome cucha arégode úringane pipesucho, uje yipota jóroga múñi.

Romános 7:5

Uacamóño iji yocucuecaringué casica, ga yocúringai ayoré jecucha chijocase yocáyipiedie enga chiroque uyógaja ujetiga yinguírango yocadode ome yoquipotigué noñángone udore. Uje yirajágo Dupade garéngone cucha iji Moisés urusarane marínga, que yocate gajnaréngone doi jnutique, mu yoquirajade Moisés urusãracho udore chõre pisijnaringuéone unéningajnane ome uyoque gaté, enga sué yoquibáyode. Enga cuchade udore iborátajai jé upúsu pitoringai.

Romános 8:13

Uje e pijoque ujetiga ajnóraño uacapotigué ayoréode adode iji jnumone iji erámi tudé, enga uacaquique obiréjnai tu pitoringai arĩa. Jé ũré uje que toc ujetiga ajnuéño uacapotigué ayoréode gai ome puajatigué ayorei uté. Mu ujetiga oyo toguíji uacao ayorei ipotiguéode cucha ome Dupade Ujopié Espíritu Sánto etotiguei uté, ga a aquecáyo iji deréjnane jnese jne.

1 Coríntios 6:17

Adi tu to ome yocáyipiedie. Ujetiga gosi cháta raja Yocangarádejnai enga jé u uje uté gosi, Yocangarádejnai ore áyipiedie chojmarápisiji jnumi to rĩ.

2 Coríntios 5:17

Jecute ayorei uje e chisa Crísto ome dáyipie ga e ayoré icha uté. Enga cuchade e chécãre re ome, uje ate bajade jnese e bijna ome. Enga e doi date ichade.

Gálatas 5:24

Udore ore uje e ore changureta Crísto ga ore patĩ́ora Jesús iji itoringai iji curesei gai iji Dupade edominone. Jecute ore isoca bajade toi ome ore uje pajópi aja curesei. Yojningane u ore ipotigué ayoréode, jé aja ore áyipie quique gajnaréngone.

Efésios 2:3

Mu que gusu uágome uacajmapié gajnarengue uaté, yijorane uaque á. Cachi yoquisocabeque jnese uje yajógo yógaja yoquipotigué ayoréode adode to nanique. ¡Que yãrájo yógome yoquipotigué ayoréode gajnetique cucha uñeque arĩa! Uje yichajo yocáyipiedie aja cuchárique, enga jé yicoi yocáyipie gajnarénguenie udire quigode aja guesi to. Ome yocadi uté ga jé yoco udore uñane jnese uje ore basíji datedie ome dáringane ayoré jnutiminóño, enga ore gajnenguírase Dupade ájningadatéi ujetiga tocade ome ore.

Colosénses 2:11

Uje Crísto, uacatojmárañoji jnumi enga cho ujetiga e picaque uacádode ome circuncisión ujetiga apijóchome Dupade to. Mu que cho judíode ore jmapiedie gotique uje ore chica pute guesíminóri, mu Yoquiquetasṍri Crísto aquesupídi jogadi tu yocajei. Chamáñaje ayoréode uyoque yoquisijnaringuéone garani u gu. Jecute uté icapídode iji yocajei imoi tu uje chiqueta yóguiji yoquisijnaringuéone ujetiga yipijójome Dupade to.

1 Juan 3:9

Dupade atique que toque ujetiga áyipieraque jogate pisijnaringuérique. Dupade ape gu uje gajneque Dupade guerani pucuecaringué. Jecute e que toc ujetiga qué chajnerame pisijnaringuéone adode. Chamáñaje Dupade ape gu.