Juan 3:5 - Dupade Uruode

⁵ Jesús chajnai Nicodémo ga chojninga: –Jé ũrepise yu ome yuruode udojo: ujetiga gosi chedu dabatiga ayorei a ca uté gosi chimo dáringárique Dupade urása jne. Mu ujetiga Dupade Ujopié chinoningase gosi enga úringai Dupade urása jogadi u.

Juan 3:5 Iomraidhean Croise

Matéo 18:3

Enga quene chojningame dacadigode: –Jé ũré yu ujetiga uacuñeque ca chécãre dáyipie quitique enga ca chosi disabi suné, a ca uacuñeque chise dáringárique Dupade urása to jne.

Matéo 19:24

Qué yigota yuruode iji jnumi ome uaque. Uacarajáyo uje que togome cuchiso cuchátique ujetiga chacája ojnatique edóraque. Enga jé adi tu ome ayoré atátique to ujetiga uñeque chise dáringárique Dupade urása. Jé ore cho ñane ome dáringane cucha ibiracho gu.–

Matéo 21:31

¿Jé gáreode udore uñeque gaite dai iroquei a?– Mu ore chojninga: –Bajai gaite erĩ́e.– Enga Jesús chojningame ore: –Jé ũré yu uje uaquetégode uje ore chutai uacaplátadie ome deduguéjnane, jé aja dibéchoquídie, a ore chise dáringáringo Dupade urása jne. Jé basa que pimo uaque ujetiga eso to jne.

Matéo 28:19

Boyo enga acayóji ayoréode iji punirone jnese. Enga apéso yunéningarique ome ore jnese, enga a ore changureta yu to jne. Jé u jne ujetiga óraño ore aja yodi jne ujetiga ore changureta yai Dupade, abi uyu, Ujopié Espíritu Sánto ore.

Matéo 3:11

Juan qué jno dacajnaquéode údi enga chojninga: –Yaca uaquedodie iji tié ome bautísmo uje imoi tu uje e uacayáyo uacate bajade. Mu Dupade utocaidi uñeque a chise uaque jne uje suépise yibai ome cutejma ujopié enga a chĩropise uacasijnaringuéone jne. Enga a chĩreta uacajéode ome Dajopié Espíritu Sánto ome bautísmo uñai jne.–

Matéo 5:20

Yingome uaque uje a ca eso uacáringáringo Dupade urása jne ujetiga ca ajnuéño fariséode, Moisés urusarane atatasórone ore gai, ujetiga apéso Dupade ipotigádode cucha.–

Márcos 10:14

Mu uje Jesús chudute dacadigode ore uruode ga ájningaránguipísome udore ore. Ga chojningame ore: –Ca ãrácho yejode ome disabode sudore ore. Ca amecho ore iji ome gadoi. Uje Dupade úringárique pibi gajnúone u disabode sudore uje ore gajnenguipise dáringane Dupade urásapíso to gu.

Márcos 16:16

Mu diga uté gosi ujetiga changureta yu, ga dimane jne ujetiga óraño uté gosi aja yodi, ga uté gosi úringai piquetaque jogadi tu. Mu uñéngo ujetiga ore chetaque uacojñáringo ome yu, ga ore gajnei tu pujuyaquédatéi jne.

Márcos 9:47

Jé isocai tu to ome bedo ujetiga oite ua aja pisijnaringuéone, be uaté ga jĩrique ajnime. Uje cucha omi tu ujetiga ese bacuecaringué ichai ome bedo chojmaráraque, mu jé ca ducarãte ua aja gajño pioi ome bedo gáredie udire.

Lúcas 13:24

Mu Jesús chajnai uruode ga chojningame: –Que toc ome ayorérique ujetiga chacája Dupade idai ujetiga ca chacája piagoi aja. Uje a jiépisi ore jne ujetiga ore pota jóroga ore chacája ajei. Mu a ca togome ore uje que ore chise piago ajámi uté gu. Jecute acueyopísi uacasoca ome ujetiga eso piagoi uté ujetiga acáyoja ajei to.

Lúcas 13:3

Mu yojningame uaque uje que quigode u udore go. Mu ujetiga ca ecãcho uacáyipie quigode, uacasocárigo ome Dupade enga a eso uaqueruénique to jne.

Lúcas 13:5

Mu yojningame uaque uje que quigode u udore go. Mu ujetiga ca ecãcho uacáyipie quigode, uacasocárigo udore, enga a eso uaqueruéningo to jnese jne.–

Juan 1:13

Mu ore úringai Dupade abío que cho ore úringane ayoré abío. Uje ore dayode ayoréo chisa ore datedie nanique jecute ore basíji datedie. Jé basa ore úringane Dupade abío garani u Dupade áyipiedie ome ore.

Juan 3:3

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.–

Juan 3:4

Nicodémo catecãrápoi Jesús gaté rĩ uje que chiraja uruode quigode gu. Enga chojninga: –Que toc ujetiga e jnani gosi enga doi enga chacápoja daté ajei rĩ ujetiga basapo rĩ. ¿Jé chorase rique ujetiga basapo gaté rĩ?–

Héchos 2:38

Pédro chajnai ore ga chojninga: –Ecãcho uacáyipiedie quigode, uacadode ore ome Dupade. Angoño uágaja ore ujetiga ore chaca uáguiji yodi uje uacanguretáyo Jesús to. Enga a Dupade chĩro uacate gajnaréngone jne enga a Dupade chisi uáguiji Dajopié Espíritu Sánto to jne rĩ.

Héchos 3:19

Jecute ecãcho uacáyipiedie quigode, uacadode ore ome Dupade enga ajníño gai ujetiga chĩro uacasijnaringuéone to. Quene jogadi u jne ujetiga Dupade pésu cuchade aja quigode ujetiga tijode cho jnángome uaque.

Romános 14:17

Uje yisígo Dupade gai ome uté úringai Eduguéjna Cuchape, mu que cucha ibijógode u cucha pibosode jeoga cucha pijódode gotique iji Dupade edominone. E mu cuchadatéode u pisocade udore uje chajna cucha ujñapetade quigode iji jnumone, jé aja pininaquei adode udore, jé aja pajesereringai uté. Enga cucha omone udojo u uje yocaríjogoto Dupade Ujopié uaté gueranome uyoque.

Romános 8:2

Enga gose pucuecaringuei guẽrato Dupade Ujopié uaté isocai uté. Chamáñaje uaté chijnime uyu jé aja uaque iji pisijnaringuéone, pitoringai ore josipiedie jmainie ome detotiguei uté. Enga jé qui tu uje quene yoquisocai déji yoque, ome pucuecaringuei guẽrato Dupade Ujopié etotiguei uté, ujetiga jé ca pisijnaringuéone doi ga chirócapo yógaja daroquéode rĩ. Uje e yugúcoji yocúringane icha uje garani u Jesucrísto adode ome yoque.

1 Coríntios 15:50

Yijorane uaque á, yipota ujetiga yo cuchade udore quique ome uaque: uje yocúringai tuné ayoré ajnoquéode cuse, arione cusapo rĩ. Jecute que toc ujetiga unojo chise Dupade idai to jne ujetiga Dupade cho darása iji. Chamáñaje yocúringai tuné ayoré que eyúgojma to gu. Jecute que toc ujetiga cháta raja cucha eyúgojmárique.

1 Coríntios 2:12

Adójnacho uje e yocajné tu Espíritu Sánto uaté uje tṍraji Dupade uté, enga que yocajné páyipieraque uje tṍraji erámi udé gotique. Chamáñaje Dupade guerané Dajopié uaté ome yoque gu ujetiga yirajágo cucha ueradipísode udore quigode uje Dupade gueranome yoque gu dacaniratiguei uté.

1 Coríntios 6:11

Jé ũré uje uacuñane isocade jé u udore to nanique. Mu uje e uacanguretáyo Yocangarádejnai Jesús enga uté chĩro uacasijnaringuéone enga cãra uacajogadode ome erámone unirisórone ore jogadode ujetiga eduyo uágome Dupade. Enga Dupade chisi ome da-Espíritu Sánto ome uaque enga cho ayoré ujñapetáguiji uaque to gu Yocangarádejnai Jesús adode ome uaque.

Gálatas 6:15

Uje e yanguretágo Jesucrísto ga e que cuchárique tṍraji ujetiga picaque yocúdode, jeoga ca picaque yocúdode. Mu cucha obiréjnai tu ujetiga yocúringai icha cuse ome Jesucrísto.

Efésios 5:26

Enga Crísto uté tẽra re gu uje gaidi tu ujetiga cho dajnéngu da-iglésia uaté ome úringa puyé. Enga jé u uje pésu da-iglésia uaté úringa icha ome daru piquetangórone, ga cho ujetiga purugué uaté ome yotique enga que iguínique cusapo rĩ. Jé ũrepise arĩa uje Dupade anguresórone uyoque u Crísto iglésia uaté, enga yocajnua tu gapua uje gajmai cuse; enga qui tu uje Crísto chacãra da-iglésia uyoque aja dacoté uaté. Uté potapísa ujetiga chijna yógaja re ome yocomitígajnai - iji yocúringane ujñapetácho, yocúringane ueradéjna ore jnese jne. Jecute uté jé upúsu uje pésu yocúringane ichápise, jeta jé ca yoquiguínique cuse, jeoga yocaode cacója, jeoga yoquiyoguérique cucha uñeque cuse iji uté iquei. Ome uté isocai ome yoque ga a quene yipijójome yocúringa Crísto iglésia ingoningarẽ́. ¡Enga a quene dimane yógome uté, enga gusu uté ome yoque jne!

1 Pédro 1:2

Yocai Dupade ajegaite uaque nanique iji taningane. Uje áyipiedie u nanique ujetiga gajneque uaque gu. Jecute Dupade Ujopié Espíritu Sánto chacája uaque to enga e uacajnengóri tu Dupade ujetiga angáchoi to. Enga Jesucrísto e churu uacasijnaringuéone ome dayoi. Jecute yajéode u ujetiga Dupade icaniratiguéode, guerani pajesereringa irágu uacajéode to.

1 Pédro 3:21

Yodi tuté gajnui tu bautísmo uje ore chaca yoquedodie iji yodi enga yipijójome yocúringane piquetacho ome Jesucrísto. Que ore chaca yoquedodie iji yodi gotique ome bautísmo ujetiga ore churu yoquibáyode, mu yoquibautísmo qui tu uje e yanguretágo Dupade enga yocáyipiedie e que pésu yoquejóporinguéone ome yoquipesudode cucha gajnarécho. Uje Jesús niji datoringai nanique, ga obiréjna uje Dupade chimesẽre uté adode ome yoque.

1 Juan 2:29

Uacarajáyo Jesucrísto úringai areque. Jecute uacarajayópo Dupade atígo ore to rĩ ome ore úringáringo cucha arégode ipesungóño.

1 Juan 5:1

Ore jnese uje que ore chotigase Jesús úringai Crísto, uje Dupade utocaidi u uté, enga Dupade abode u udore ore. Jecucha ate to uje gosi chijnóra jnanírique, enga chijnorapo jnani tuté abode to rĩ.