Juan 3:34 - Dupade Uruode

³⁴ Jecute Dupade utocaidi uté chatata Dupade uruode. Enga Dupade chĩretapise uté áyipie ome dajopié Espíritu Sánto.

Juan 3:34 Iomraidhean Croise

2 Reyes 2:9

Uje e ore chaquesu tié tuaté, enga Elı́as pésu dapregúnta ome Eliséo, uje chojninga: –¿Bapotigátique cucha iji yu ujetiga yipésu ome ua ya? Uje cáma pijnimique uyu iji barosadi.– Enga Eliséo chajnai uruode, ga chojninga: –Yijócha bajei údi ujetiga yo yajnéngu bajongoto pujopié uaté uje chisı́ome báringai ujopı́erãque ome ua. Yigaidi tu gu ujetiga yibasája bayaridi uté, uje yajnepı́di tu iji yujode proféta ore ujade.–

Sálmos 45:7

Bajnóra cucha uréone udore quigode, jé basa ga betaque pate gajnaréngone úringáringo pipesucho. Jecute Dupade, Bangureni Dupa uté ajegaite ua ome bajorane ore jnese, ga chojne cucha ai unéri aja bójo uje pininaquédatéi gajneque cucha ai unéri uté.

Números 11:25

Enga jé u uje Yocangarádejnai doi jnumi ga nóna gue abuja taja jnumi ga catecã́ri Moisés iji daguíjnai iquei. Ga jé u nanique uje chajuguína Moisés garíjogoto Dajopié Espíritu Sánto taja Moisés jorane ore ajéode to. Enga Dupade Ujopié chacája ore jnese ga jĩraque ore chingo darajatígadatéode aja ñane to enga ore uruode u cucha iyiejájna gu Dupade Ujopié iji ore ajéode. Enga quigade ga que ore dopoi dasocade udore to rĩ uje Dupade Ujopié irajatígadatéode tṍraji ore pijnanone.

Matéo 12:18

Yajegaidi u yiroi uté. Yijnorai upo rĩ enga yirasique yu ome. A yijmare Yujopié Espíritu Sánto aja uté jne. Enga chacate erámone jogosórone ore ome yadode jne.

Lúcas 4:18

Yocangarádejnai Dupade Ujopié déji yari. Uje imeserãque yu gu ujeta yiji uté ujnomei údi ome ayoré jmatágode, ayoré gajnaréngone ore to rĩ. Chiroque yu aja udé gu ujetiga yiqueta ayoré jnusietade, áyuguhebátade ore. Ujetiga yijnime udore ore iji ore isijnaringuéone ajei. Ujetiga yiqueta edoparigode ore enga ore chimópo cuchárigo rĩ. Jé upo ome ayoré pumajone rĩ ujetiga yijnime ore iji ore umajósoningo ore gari to.

Juan 1:16

Enga uyoque jnese yocajneque uté icaniratiguédatéi. Enga uté chosõre yoque gatuac, tuaque.

Juan 15:26

A yiroque Yai Dupade Ujopié Espíritu Sánto aja uaque jne uje cucha uréone gãrapié u. Enga a uacátajató u uaté jne enga a chisi ome picasitigai ome uaque jne. A yipijoguto u uaté jne.

Juan 16:7

Jé ũrepise yu ome yuruode quigode uje cucha ueradéjnai u ome uaque ujetiga e yiji. Ujetiga ca yiji iji uacari enga a yojningai uacátajasṍre a ca chise uaque jne. Jé basa yiji ome uaque enga jogadi u jne ujetiga yirógaja uaque.

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 5:26

Uacamóño uje yai Dupade ujopiédaté cuse ujetiga chisi ome pucuecaringuei ome uñane. Uté chisíome dajopiédaté uaté ome dajnacari uyu to ujetiga yisi ome pucuecaringuei ome uñéngo to.

Juan 7:16

Mu Jesús chojningame ore: –Yacajnaquéode udojo que garani u yu mu garani u yirósõri uje chiroque yu aja jnumi nanique.

Juan 8:40

Uje yatatagode u Dupade acajnaqué uréone ome yu mu uacajegaidi u ujetiga ajéyo yu. Mu Abraham que áyipieraque déji ujetiga chujé Dupade utocaitique nanique. Que adi u uacadi uje uacapótayo chui ome yu.

Juan 8:47

Ujetiga Dupade gajneque gosi ga gosi doi enga tangári Dupade uruode. Uje que Dupade gajneque uaque enga que apótayo angáchoi Dupade uruode.–

Héchos 1:2

Enga yingopo ipesute ejode jnese aja ua to rĩ uje pésu nanique uje cáma jnome gaté. Mu uje cáma jnome gaté nanique enga doi dajegaidode iji dacadigode ujade ujetiga chingo dáyipiedie aja ore enga ore doi iroquéode. Enga chĩ́care darógode 'apóstoles' aja ore. Enga Jesús garíjogoto u Dupade Ujopié Espíritu Sánto nanique uje pésu cuchade udore.

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.

Romános 8:2

Enga gose pucuecaringuei guẽrato Dupade Ujopié uaté isocai uté. Chamáñaje uaté chijnime uyu jé aja uaque iji pisijnaringuéone, pitoringai ore josipiedie jmainie ome detotiguei uté. Enga jé qui tu uje quene yoquisocai déji yoque, ome pucuecaringuei guẽrato Dupade Ujopié etotiguei uté, ujetiga jé ca pisijnaringuéone doi ga chirócapo yógaja daroquéode rĩ. Uje e yugúcoji yocúringane icha uje garani u Jesucrísto adode ome yoque.

Efésios 3:8

¡Urénga, yitijapísa Dupade isocai uté uje juéga yu ome yúringai datocaite, jõ! Uyu u gu uje yugúsi yujode Dupade anguresõre ore quigade jnese ome yúringamí cucha bisidégape. Mu Dupade pésu yajnepite ueradi udé ome yu ujetiga yacate purása quedéjnane uágome cucha pitijabate oreránguejnane uje déji Crísto jnese. ¡Que toc ujetiga pisecarãte ore, uje que ore eruojmárique erãpe cuse! ¡Ga erámi unirisórone yoquirajatígabi chiságosi cucha pitijabádode udore quigode!

Colosénses 1:19

Dupade ajéode u nanique ujetiga dadipísode dépisi Crísto to ujetiga Ujnacari tuté jé chopise dayé Dupade ome cuchade jnese.

Colosénses 2:9

Uacarajáyo uje Dupade adipísode déji Crísto to uje chojmarápise ore iji jnumi gu.

Apocalípsis 21:6

Unojo quigade enga chojningame yu: –E yimate cuchade jnese. Yajnua tu purusãra bajé uje i tu A, jé basa yajnua tupo purusãra ejópise uje i tu Z. Chamáñaje bajaque yu ome cuchade jnese, mu uje cuchade udore chise deruéode mu jé yijogate. Jecute uté gosi uje cajnóriji, enga a yisi ome yote uecai tome uté jne uje tṍraji sibíjnai iji gaté enga bisideque yerani yote tome uté gosi.

Apocalípsis 22:1

Enga Dupade iroque gaté unirísõre chingome tié tome yu uje uaté que iguínique cuse. Enga tié tuaté yocárepise uje pucuecaringuei déji uaté. Enga cho ajicaranone. Enga tié tuaté tṍraji Dupade, Jesucrísto ore charipi cuchábi. Uje Jesucrísto uté gajnua tu áyasa pẽrapáideraque.