Juan 3:21 - Dupade Uruode

²¹ Mu udore ore uje ore gaidode u Dupade uru uréone quigode jĩraque ore chose dírecaringuéi yui. Ore ajéode u gu ujetiga ore ujode ayoréo chiraja uje Dupade déji ore gari iji ore ipesudode udore.–

Juan 3:21 Iomraidhean Croise

Sálmos 119:105

Baruode gajnui u pioque papótique ome yirídade ga chijñate yirípiedie gai.

Sálmos 119:80

Apésu ga yáyipie cáputapísiji báyipie parénguenie udire quigode, jeta jé ca pinguíraja dipoi aja yu.

Juan 1:47

Uje Jesús chimo Natanael uje chose yui enga chojninga: –¡Israelgosípise jnacari uté uje e chose yoqui, enga que paringaquérique déji uté!–

Juan 3:20

Jé ate uje cucha gajnaréngone ipesungórone ore chetaque dírecaringuéone. Enga idája ore iji dírecaringuéi. Ore ajéode u gu ujetiga ca pijoque ore ipesudode cucha gajnarécho.

Juan 5:39

Jecute jecucha uacajichopise ore urusarane Dupade urúo. Uacacuei u pucuecaringué eyúgojmai ome uaque. Mu uacajirigode Dupade urúo chingopísa uaque uje uyu u uje yisi ome pucuecaringuei ome ore.

Juan 7:17

Ujetiga gosi angoninguinone guesája ome Dupade enga a chiraja yacajnaquéode udojo garãtique. Jeoga garani u Dupade, jeoga garani jé u yu.

1 Coríntios 15:10

Mu yibasája yúringai Jesús apóstol ome Dupade átegoningáne ome yu nanique. Enga que yachia Dupade átegoningáne udore ome yu. Uje yise yúringai isagócadaté ome Dupade iroquéode. Enga yujnué yujode Jesús irócho gáyode ome yisacuátigade cucha. Mu cachi Dupade angúromei u yu ome daroquéode, jecute que tiógara ujetiga yisi yibánique.

2 Coríntios 1:12

A yingo cuchárigaja uaque jne uje pésu yoquininaquei: u uje que yocagutéraque cho jora ome yoquipesutique cucha gajnarétique. Uje yujucópise yocadode guio iji erámi udé enga que paringaquérique déji yocajéode. Jétapũré uje yugúcoji uacajade. Que yocúringane ate uome garani u yoque go, mu garani u Dupade ome yoque. Chamáñaje ate uome gu uté ome yoque enga ecãraque yocadode enga imanique yógaja yocúringai ayoré uome.

Gálatas 6:8

Jecute uté gosi uje pésu dapotigué ayoréode enga a uté gosi ipotigué ayoréode u jne ujetiga chorei uté gosi iji pitoringai. Mu ujetiga uté gosi doi Dupade Ujopié Espíritu Sánto áyipie omenie ga Dupade Ujopié Espíritu Sánto u jne ujetiga chorei uté gosi iji pucuecaringué eyúgojmai.

Efésios 5:9

(Adójnachopísa ujetiga ayoréode ore déji dírecaringuéi ajei, enga chiborátarásaja ujetiga cucha ueradode, cucha uréone, cucha ujñapetade udore jnese choqui guesi iji ore adode gatuaque.)

Filipénses 1:11

Yigaidi tupo rĩ ujetiga uacajnua tu poria uje adie jiépisi. Yojninganie ai u uacátegoningáne uje udore garani u uacaríjogosṍri Jesucrísto. Chamáñaje yocátegoningáne u uje pésu ga Dupade ingoningájnai pijógome erámi enga diga picotaque Dupade gu ome udore.

Filipénses 2:13

Dupade pésu dáyipiedie ome cuchárique, enga jé u uje chisi ome páyipie omenie ome yoque. Enga Dupade upo rĩ uje chátaja yoque ujetiga yimáco yocáyipiedie unaji aja guesi.

Colosénses 1:29

Jecute yejna yiguesi ome Crísto iroquéode, enga Crísto uté u uje chisi ome petotiguei ome yu ome daroquéode udore jnese.

Hebréos 13:21

Jecute yajéode jé u to ome uaque ujetiga Dupade uté pésu uacáringane areguipíso ujetiga apéso cucha arégode gatuaque. Enga jogadi a u jne ujetiga apéso Dupade ajegaidode cucha jnese. Enga Dupade jé dopoi dajéningo ome yoque jnese rĩ uje yanguretágo Jesucrísto. Yicotágo Crísto uté jne iji deréjnane jnese. Amén.

1 Pédro 1:22

E icha uacáyipiedie. Chamáñaje uacanguretáyo Dupade uru uréone gu Dupade Ujopié Espíritu Sánto uje chijocase uacáyipiedie. Jecute pijnoraqué ũrei déji uaque ome uacojode Dupade anguresóño. Enga uacajnei e u ujetiga ajnórañopise ñane enga ejnáñopise uágaja uacajnoraquéode udore ome ñane.

1 Juan 1:6

Ujetiga yocuñeque chojningárasa: "E yáta yu aja Dupade to," mu qué chajnera dasijnaringuéone údi, enga gajnui jé u ujetiga jé jogate ijnangununie ajéode. Jecute yirajágo uje taque uté gosi ome uruode, ipesudode ore jnese.

3 Juan 1:11

Gáyo á, ca arate dacate gajnaréngone udore. Baradigode urásu cucha arégode jne. Gosi uje pésu cucha arégode enga Dupade gajneque uté gosi. Mu gosi uje pésu cucha gajnaréngone enga que cunguésõri Dupade uje que chiraja Dupade.

Apocalípsis 3:15

Yiraja uacapesudode cucha jnese. Mu que yise uacapesudode cucha unétique. A yacãra uágaja yodi te jne. Uneréjna yote tejnui tome yoque ujetiga yójigo. Jé chopise yote jũruachui to rĩ. Mu yote pajnotai derocopis ome yoque. Ujetiga yójigorase mu deroco enga jĩraque yójnengo yoquibogórodie aja jnumi. Enga a jé yisocai tuté ome uaque jne uje uacajnúone u yote pajnotágode ome yu gu. Yajéode urásu ujetiga agúpuraipíse uté gosi, jeoga gosi dopísi yadode, mu deroco ome yu uje yanguresórone que ore chóji gaté ome yatique.