Juan 3:2 - Dupade Uruode

² Dejaque uñai enga Nicodémo tibágui Jesús ujetiga catecã́ri. Enga chojninga: –Pacadisṍri á, yirajágo uje Dupade iroque ua aja de ujetiga acate yoque. Chamáñaje bapésu bapesútedatéode ome yoque gu. Ujetiga ca Dupade iroque ua enga a ca toguírasome ua ujetiga apésu cuchade udore.–

Juan 3:2 Iomraidhean Croise

1 Reyes 17:24

Enga chequé uaté chajnai Elı́as uté uruode enga chojninga: –Quene báringai Dupade iroque pijóguipı́some uyu. Ga que potigayaquérique déji yu ome baruode úringane ũréo, uje udore garani tupúsu Pangarádejnai uté.–

Matéo 22:16

Jecute ore chiroque dojode fariséo, jé aja Heródes angarásorone uñane ore aja Jesús yui enga ore chojningame: –Yocacadisṍri á, yirajagopise ua uje jé ũrepise ua ome baruode quigode uje bo quique Dupade adode ome yoque. Yirajagópo rĩ uje que agutúapo ua ome ayorérique rĩ. Que cuchapome ua rĩ ujetiga ore irasique ua, jeoga ore chetaque ua ome baru uréone.

Matéo 23:7

Udore ore ajéode upo rĩ ujetiga uñane cho pacadisõre pirarã́idejna iji ore. Enga uje ore tuangóa ayorérique iji mercado jogadode enga ore jnátu gosi achietaquei ome re.

Matéo 23:8

Mu jé ca aracho ore ujetiga uacojórique ayoré chĩ́care pacadisõre pirarã́idejnárique aja uaque. Uacamóño uje uacoyo ñane gu. Enga uacacadisõre pirarã́idejnai chojmára, enga Crísto u.

Márcos 12:14

Mu diga ore chise Jesús ga ore catecã́ri ome daringaquéode ga ore chósi tome: –Pacadisṍri á, yirajagopise uje jé ũrepise ua ome bacajnaquéode udore Dupade acho. Enga que angaripísi bajnéone ayoréode ore uru gajnarécho ome ua gotique. Jeoga ayoré gajnareque yocuñeque, jeoga ayoré ataque yocuñeque, mu que ajuque yocajei gotique. Jecute yicatecãcoi ua ujetiga qué ope yoquiquique. ¿Ga jé cucha uome a ujetiga judíode yoco yocoré ome rómagosode ore eduguéjnai a? ¿Yoco yocoré jeoga ca yoco yocoré a?–

Juan 1:38

Jecute Jesús chajire daquigade enga chimo ore enga chojninga: –¿Uacagaitique?– Enga ore chojninga: –Pacadisṍri á, ¿bajogatique déji rique?–

Juan 10:38

A otigáso yu mu ujetiga yipesudode cunguésõri Yai ipesudode enga que potigayaquérique déji yipesudode udore garani, uje Dupade u. Jecute ome yipesudode udore a jĩraque arajayórase to uje Yai déji yari enga yugúsapóji uté gari to rĩ.–

Juan 12:37

Jesús ipesútedatéode cucha pitijabácho jiei iji ore ujade ujetiga ore changureta marínga, que ore chise unétique.

Juan 14:10

¿Ca angureta yu a uje yugúsiji Yai gari enga Yai déji yari rĩ? Yatatagode ome uaque que garani u yu go mu garani u Yai uje déji yari. Enga angúromei tu yu uje pésu dapesudode cucha.

Juan 15:24

Yipésu yipesútedatéode iji ore ujade uje que toguírase ome uñeque ujetiga cho yu ome yipesútedatéode udore. Mu jé ate ome ore uje ore chetaque yu. Jecute ore guetei upo Yai te rĩ. Ujetiga ca ore pañaji yadode enga a ca máraque ore, mu uje ore chimo yadode enga ore úringai máraque jogadi u.

Juan 2:11

Jesús pésu dapesútedaté bajai uté iji ore idai Caná iji ore uniri Galiléa, uje chécãre yodi enga nóña enga víno. Enga isocai u uje chingo dáringai cuchape aja ore. Jecute acadigode ore changuretapise to.

Juan 20:16

Mu uje Jesús catecãrápoi rĩ enga chojninga: –María.– Enga jĩraque María chajire daquigade enga catecã́ri Jesús ome judíode uruode enga chojninga: –¡Raboní!– Uje uruode udojo quigode u "ore acadisṍri" ome judíode arecujaidie.

Juan 3:26

Juan acadigode ore tibágui Juan enga ore chojninga: –Pacadisṍri á, jé ca adute to a uje jnacari uje chise ua iji tié Jordán uéchamitó e chaca ore edodie iji yodi to. Yocojningai u uté uje bacate yógome ica. Enga ore jnese e ore tangári uté.–

Juan 4:31

Uje cáma ore chise Jesús iji charidi mu acadigode ore chijócha ajei údi enga ore chojninga: –Yocacadisṍri á, agu bu cucha pibosode to.–

Juan 5:36

Mu yipijogúsorone uñane ore déji uje ore narare yibai. Enga ore sué yipijogúsõri Juan gai. Yipijogúsorone udore u yipesudode cucha. Chamáñaje yipesudode u Yai iroquéode uje noñome iji yari nanique. Jecute que potigayaquérique déji yúringai Dupade utocaite.

Juan 6:2

Uásejna ayoréode ore uje ore chajna Jesús. Chamáña gu uje ore chimo ipesudode cucha pitijabácho gu uje chiqueta ejnaretade.

Juan 7:31

Mu uásejna ore iji ayorébui ujade uje ore changureta Jesús úringai Crísto. Enga ore chojninga: –A ca toque jne ujetiga uñeque cuse ujetiga sué uté gai ome uté ipesudode cuchadatéo.–

Juan 9:16

Mu fariséode ore chajuque uñane ajéode uje uñane ore chojninga: –Que toc ujetiga jnani uté iquetasṍri tṍraji Dupade. Sijnaque uté uje pésu dapesudode iji dire puyai.– Jé basa uñane ore chojninga: –¿Ja toguírase ome ayoré sijnátique ujetiga cho uté ome ipesútedatéode?–

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.

Héchos 2:22

Pédro qué chacate ore enga chojninga: –Angáchoi yu, israélgosode uaque, uje yuruode gajnengórone u uaque. Dupade pota nanique ujetiga ca potigayaquérique déji ome nazarétgosi Jesús úringai Dupade utocaite. Jecute angúromei tu enga cucha pitijabácho uté ipesútedatéode iji uacajade nanique. Enga uacarajáyopise yuruode udore úringane ũréo.

Filipénses 1:14

Jiéode upúsu yujode Dupade anguresóño uje ore chimo yu aja yúringai pujurúgai enga udore ore u uje ore jnusi rángome datatagode Dupade urúo gaté, enga que ore chagutu rángome to. Ore chimo uje Yocangarádejnai chátaja yu, enga ore changuretapise to ujetiga chatapója ore to rĩ.

Juéces 6:27

Gedeón tibidi dayé irógode uñane uje ore chejna yijmanáyone ga pésu Pangarádejnai Dupade ojningane cucha udore jnese iji dejai údode. Uje todo dayé ore gu jé aja guidai idaisórone ore, ga que pésu iji dínique.