Juan 3:18 - Dupade Uruode

¹⁸ Uté gosi ujetiga changureta Dupade ape ugurui enga a jé ca chimo dáringárique pujuya jne. Mu gosi ujetiga ca changureta enga e chimate ujetiga e chise dáringai pujuya. Chamáñaje que changureta Dupade ape ugurui gu.

Juan 3:18 Iomraidhean Croise

Márcos 16:16

Mu diga uté gosi ujetiga changureta yu, ga dimane jne ujetiga óraño uté gosi aja yodi, ga uté gosi úringai piquetaque jogadi tu. Mu uñéngo ujetiga ore chetaque uacojñáringo ome yu, ga ore gajnei tu pujuyaquédatéi jne.

Juan 1:12

Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Juan 3:16

Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Juan 3:36

Ujetiga gosi changureta Dupade Abi uté gosi gajneque pucuecaringué eyúgojmai. Mu gosi ujetiga ca pota changureta Dupade Abi a ca uté gosi chimo dacuecaringué ichai uté jne. Mu uté gosi a chimo Dupade ujuyaquédatéi ome re jne.–

Juan 5:24

Jé ũrepise yu ome yuruode udojo: uje gosi tangári yuruode enga doi quigode enga changuretápo yirósõri rĩ enga pucuecaringué eyúgojmai gajnesṍri u uté gosi. Enga a ca pujuya gosi jne. Mu cho ujetiga pitoringai juseque gosi enga e chicáji pucuecaringué eyúgojmai iji gaté.

Juan 6:40

Yirósõri Dupade ajéode u to ujetiga dajnacari uyu yajirisórone ore changureta yu jnese ujetiga pucuecaringué eyúgojmai déji ore jnese. Enga yiringare udore ore jne iji dirode erueminóri.–

Juan 6:47

Jé ũrepise yu ujetiga gosi changureta yu enga pucuecaringué eyúgojmai gajnesõre gosi.

Romános 5:1

Uje Dupade e cho ayoré ujñapetáguiji yoque gu uje yichago yocanguretigai aja uté, enga quene jogadi tu uje Dupade, yocajéode cho sere ome ñane. Enga cuchade udojo jnese garani tu Yocangarádejnai Jesucrı́sto uté adode ome uyoque.

Romános 8:1

E pĩroque yoquisijnaringuéone, jecute a jé ca yimóngo yocúringai pujuya iji dínique jne. ¡Udore ore jnese uje ore déji dáringane Jesucrísto gajnecho enga e ore úringane máracho bijnapise ome ore jé idé, enga a jé chuságaja deréjna pitade jne!

Romános 8:34

¿Jeoga piyaguirase uñeque jetiga doi ga chĩ́carapo yocúringáringo pujuyagaite rĩ ome Dupade a? ¡Úngare! Uacamóño uje Jesucrísto uté e chijnime yóguiji yocajnei pujuyaqué erase uje toi iji yoquiyaridi nanique. Enga que gusu uje pẽrapaite ome yoquisijnaringuéone, mu nijiápo iji dáringai chuque quigade rĩ ome dáringai pujnuéngaisṍre. Enga jé idé ga Jesucrísto uté e déji Dupade ãrachua ome dáringai cuchape, ga uté jé upúsu uje chijócha Dupade uté ajei údi ome uyoque gatuaque to iji uté. ¡Jecute pijoque uje que toc ujetiga ayorérique doi ga chĩ́carapo yocúringáringo pujuyagaite ome Dupade rĩ!

Hebréos 12:25

Jecute ajuso uaqueo ujetiga Dupade catecã́ri uaque. Enga ca ajusécho uruode ujetiga angáchoi. Uacamóño gu uje yocayode jnani bajácho que ore chapite nanique uje ore chetaque Dupade uruode quigode uje ore ujoi erámi unirísõre chacate ore ome. Ca iyieguirase uyoque ujetiga yetájo Dupade uruode ome yoque uje gaté unirísõri Crísto di údi iji yoque.

Hebréos 2:3

Jé cho to ome Dupade áyipie ejodie ome yocúringane piquetaque. Uje cuchadatépise áyipie ejodie udire gu. Enga a ca yapíco to jne ome Dupade ujuyaquei ujetiga yoco cucha bisidéguiji áyipie ejodie. Bajai tu Yocangarádejnai nanique uje chatata udire quigode ome ore. Enga uté ududisórone ore u uje ore cho quique ome yoque ujetiga ca potigayaquérique déji yógome uruode udore úringane ũréo.

Hebréos 3:19

Yimóngo uje que ore chise Dupade guerani punire to nanique, uje ore chotigase Dupade uruode nanique gu.

1 Juan 3:23

Uje Dupade iroquei tu ome yoque ujetiga yanguretágo Abi Jesucrísto enga yicoi uté ojningane cucha. Enga uté ojningai tu ujetiga yijnórango ñane.

1 Juan 4:9

Dupade chingo dajnoraquédatéi ome yoque gu Ujnacare ugurui uje chirógaja erámone unojo nanique. Gaidi u gu ujetiga erámi unirisórone uyoque yico pucuecaringué gatei gu uté adode ome yoque.

1 Juan 5:10

Gosi uje changureta Dupade Abi, uté gosi u uje chimesẽre Dupade ojningane cucha ome Ujnacari. Enga que jnoji áyipie. Mu gosi uje que changureta Dupade Abi úringai Dupade ape, uté gosi cho táguiji Dupade. Uje chotigase Dupade ojningane cucha gu ome Abi.

1 Juan 5:12

Jecute gosi uje Dupade Abi déji gari, enga pucuecaringuei iji deréjnane dépoji gari to rĩ. Mu ujetiga ca Dupade Abi déji gosi, enga que gajneque pucuecaringuei to uje déji Dupade Abi.