Juan 3:17 - Dupade Uruode

¹⁷ Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 3:17 Iomraidhean Croise

1 Juan 4:14

Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Juan 6:57

Pucuecaringuei garani u yirósõri Yai enga yiqueca gu uté. Adi jé u uté gosi ujetiga cho cucha pibotíji yu, uté gosi eca gu uyu.

Juan 6:40

Yirósõri Dupade ajéode u to ujetiga dajnacari uyu yajirisórone ore changureta yu jnese ujetiga pucuecaringué eyúgojmai déji ore jnese. Enga yiringare udore ore jne iji dirode erueminóri.–

Juan 6:29

Jesús chajnai ore uruode enga chojninga: –Dupade ajegaidi u ujetiga anguretáyo utocaidi uyu.–

Juan 20:21

Enga chingopo daruode aja ore rĩ enga chojninga: –Yajéode u ujetiga pajesereringai déji uaque. A yiroque uágaja erámi jne. Adi u uje Yai chiroque yu aja erámi nanique.–

1 Juan 2:2

Enga Dupade angúromei u Jesucrísto uté adode ujetiga chĩro yoquisijnaringuéone. Mu que gusu yoquisijnaringuéone uje chĩro, mu jé u erámi unirisórone ore isijnaringuéone jnese to rĩ.

Juan 17:3

Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

Juan 11:42

E yiraja uje jecucha bangári yu. Mu yicatecã́ri ua iji ayorébui udé ore iquei ujetiga ore chiraja yúringai batocaite enga ore changuretápo yu rĩ.–

Juan 7:29

Uyu u uje yiraja. Yarani u uté gu uje uté iroque yu aja jnumi tudé nanique.–

Juan 5:45

Ca ajoso ati yaguhéta uacabáyode iji yai Dupade iquei. Mu uacangureni Moisés a u jne ujetiga chatata uacate gajnaréngone ome Dupade.

Juan 8:42

Jesús chajnai ore uruode ga chojninga: –Ujetiga jec ũré enga Dupade ape uaque enga a ajnórañorase yu. Uacamóño uje yarani u Dupade enga e yugúsi de. Que togome yu ujetiga yiji yajénique quitique mu yugúsi de gu uje Dupade iroque yu gu aja de.

Juan 1:29

Jecute dire uñai enga Juan chimo Jesús uje chose ore yui enga chojningame daríjogosórone: –Cajicho to jnacari uté. Uté u jne ujetiga toi ome erámone jogosórone yoquisijnaringuéone. Enga gajnua u áyasa perané ome Dupade. Enga Dupade jé guerani u ome yoque.–

Juan 17:8

E yacate ore ome beranone yacajnaquéo enga ore chimesẽre. Que potigayaquérique déji ore uje yarani tu ua. Enga ore changureta uje baroque yu aja jnumi nanique.

Juan 10:36

Jé isocai u ome yu. Uje Dupade ajegaite yu nanique ga chiroque yu aja erámi nanique. Mu jé go uje uacojnicho ome yu: "Gajnareque baruode ome Dupade uje bojningame yoque, Dupade Abi uyu."

Juan 5:36

Mu yipijogúsorone uñane ore déji uje ore narare yibai. Enga ore sué yipijogúsõri Juan gai. Yipijogúsorone udore u yipesudode cucha. Chamáñaje yipesudode u Yai iroquéode uje noñome iji yari nanique. Jecute que potigayaquérique déji yúringai Dupade utocaite.

Juan 17:21

Yutai ua ome yanguresórone ore jnese ujetiga ore áyipiedie quitígo chojmarapise. Ujetiga ore chatapísa raja uyoque enga chojmára yóguiji jnumi. Yapá, yigaidi u gu ujetiga ore chopise yoque, uje yocáyipiedie chopise ñane. Ujetiga erámone jogosórone ore chimo uje yanguresórone ore áyipiedie quigode chojmára enga a ca potigayaquérique déji ore ome yúringai batocaite.

Juan 5:38

Enga que togome uaque ujetiga Dupade uruode chacája uaque. Uacotigáso gu yúringai yai Dupade utocaite. Jecute uacotigáso to yatatagode Dupade urúo.

Matéo 1:23

A gapu paréraque icáraque déji ajénique bisideque jne. Enga a atique cuse jne. Enga a ore chĩ́care Emanuel aja jne. Uje Emanuel uruode qui tu: Dupade déji yocari.

Matéo 18:10

Ca etáchosi disabi suné ujátique disape ore. Yingo uaque gu uje ore irodingórone gaté unirísoño déji Yai gari to iji guéode.

Lúcas 9:56

Dupade utocaidi uyu que yĩri iji jnumone nanique gu ujetiga yo yujuñame uñeque. Mu yĩri gu ujetiga yiqueta erámi unirisórone ore.– Jecute ore chicai pidai uñeque ujetiga ore chise dapusiétique iji.

Juan 3:34

Jecute Dupade utocaidi uté chatata Dupade uruode. Enga Dupade chĩretapise uté áyipie ome dajopié Espíritu Sánto.

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

Juan 8:11

Enga chequé chojninga: –Que uñeque chatingare yu que.– Jecute Jesús chojninga: –Adi jé u yadi uje a ca yo yujuñame ua to jne. Mu bo ga ca apésapo cucha gajnarétique jne rĩ.–

Juan 17:18

Adi u ome yu uje baroque yu aja erámone unirisórone, adi jé upo ome ore rĩ uje yiroque ore aja erámone unirisórone ore to.

Juan 17:23

Yugúsi yanguresórone chojmara, chojmarane ore, adi u uje bagúsi yari. Yigaidi u gu ujetiga yáta ore aja ñane enga chojmára ore iji jnumi. Ujetiga erámone jogosórone ore chimo uje chojmára ore iji jnumi, enga jogadi u jne ujetiga ore chiraja uje batocaidi u ore angureni uyu. A ore chiraja to uje bajnorapise ore enga bajnoraquei ome ore chopise bajnoraquei ome yu.

Juan 17:25

Yapá, yicota ua ome báringai ũrepise. Erámone jogosórone ore que ore chiraja ua go. Mu uyu yirajapise ua. Enga yanguresórone udore ore chiraja uje batocaidi u yu.

Matéo 18:11

Uje Dupade utocaidi uyu yĩri gu ujetiga yiqueta ayoré togadégode.