Juan 3:16 - Dupade Uruode

¹⁶ Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Juan 3:16 Iomraidhean Croise

Génesis 22:12

Enga Dupade iroi catecãrápoi rĩ enga chojninga: –Ca ajé bape ugurui uté. Yimo uje bangaripísi yu enga jecucha ua u uje babé yuruode. E yiraja uje que ãraque bape ugurui ome yu uje bajérase.–

Génesis 22:2

Enga Dupade chojningame Abraham: –Abraham, be bape ugurui uje bajnorapise enga asi ome yu jne. Bo údi aja ore uniri Moriah, enga ocho yojningai cucarãte jne enga acáji ójo jne. Ga apésu gaserani iji cucarani uté enga ẽra babi tuté ome yu iji uté jne enga abore, enga a gajnui tu cuchiso pẽrapáitique ome yu jne.–

Isaías 9:6

¡Israélgosode á, pininaquei jogadi tu ome yoque uje quene disatique basosi que iji diri tudé á! Ga Dupade guẽrate disabi suté ome yoque. Ga a uté u jne ujeta yoco yoqueduguéjna cuchábi iji uté to. Enga a ore pésu uté i ueradéjnaringo jne ga íode u udojo jne: Cucha Pitijabátedatépisi u íode uñai. Ga íode uñai tu Payuquetotigué Omone Gajnengóri. Ga íode uñai tupo Yocai Togójmai to rĩ. Ga íode uñai u Peduguéjna Cuchape uje Pajesereringai Osṍri tu uté.

Matéo 9:13

Beyoi enga ajichopise Dupade uru quigode to uje chojninga: "Yipotigádi tu ujetiga osṍcho ñane. Que gusu gu ujetiga ẽcho cuchisode ome yu."– Enga Jesús chojningápome ore rĩ: –Que yibaguiédode u uaque gotique uje uacacotáyo uágome Dupade. Yibaguiédode u ayoré ate gajnaréngone ujetiga ore chécãre dáyipiedie quitígo enga ore chabu date gajnaréngone to.–

Márcos 12:6

Mu uté chejnápise darógode ore aja ore yui. Ga gusu jnani uté abi iji gari uje chijnorapise. Mu chucué dáyipie ga chojninga iji dajei: "Yiabi yabi ga yirógaja ore gajneri. Socaseti udore ore ajéngome yabi uté gajneri."

Lúcas 2:14

Enga ore chósi te: Picotaguipise opejã Dupade iji idai iji gaté. Jé basa ga a cho sere jnumi jogosórone ajéode jne uje a ore nínapúsu raque jne uje ore chimo Dupade osongaquédatéi ome ore gu.

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 1:29

Jecute dire uñai enga Juan chimo Jesús uje chose ore yui enga chojningame daríjogosórone: –Cajicho to jnacari uté. Uté u jne ujetiga toi ome erámone jogosórone yoquisijnaringuéone. Enga gajnua u áyasa perané ome Dupade. Enga Dupade jé guerani u ome yoque.–

Juan 10:28

Uyu u uje yẽrate pucuecaringué eyúgojmai ome yirodedie áyasai udire. Enga jogadi u uté ujetiga ca togadegue uñáraque. Que togome uñeque rĩ ujetiga chijna uñáraque iji yijmainie.

Juan 3:15

Ujetiga udore ore changureta yu enga a ore eca iji deréjnane jnese jne. Enga jé ca ore bijnápo jne rĩ.

Juan 3:18

Uté gosi ujetiga changureta Dupade ape ugurui enga a jé ca chimo dáringárique pujuya jne. Mu gosi ujetiga ca changureta enga e chimate ujetiga e chise dáringai pujuya. Chamáñaje que changureta Dupade ape ugurui gu.

Juan 3:36

Ujetiga gosi changureta Dupade Abi uté gosi gajneque pucuecaringué eyúgojmai. Mu gosi ujetiga ca pota changureta Dupade Abi a ca uté gosi chimo dacuecaringué ichai uté jne. Mu uté gosi a chimo Dupade ujuyaquédatéi ome re jne.–

Juan 6:40

Yirósõri Dupade ajéode u to ujetiga dajnacari uyu yajirisórone ore changureta yu jnese ujetiga pucuecaringué eyúgojmai déji ore jnese. Enga yiringare udore ore jne iji dirode erueminóri.–

Romános 5:10

Ajnusináño uje qué yugúcoji yocúringane Dupade guetésoño gai uje uté ujnacari Jesucrísto toi ome yoque. Mu uté adi uté chiborátaja uje Dupade e cho dajõráji yoque. Jecute uje e pajesereringai déji Dupade, uyógome uñane gu Jesús itoringai uté, ¡jétapũré uje a yagutíyangome Jesús ome úringai ueca uté jne! Uje Jesucrísto uté e ecapóji datoringai quigade, enga pijoguipise uje a uté chiqueta yógome Dupade ujuyaquédatéi to jne.

Romános 5:8

Jé basa ga Dupade ijnoraquédatéi pijoguipise ome yoque. Uje sijnanguipise erámi unirisórone uyoque, mu jé Dupade utocaidi Crísto tẽra re ome yoque enga toi iji yoquiyaridi.

Romános 8:32

Uacamóño uje Dupade que chãraque Dajnacari uté, uje ujnacaripise múñi. Mu tẽra uté ome úringai chuque, ujetiga toi ome uyoque jnese. Jecute uje Dupade e chisíome Jesucrísto ome uyoque, enga obiréjna uje a jé ca charángapo cucha ueradode uñeque ome uyoque rĩ, mu a chisíome dachagájade cucha udore jnese ome yoque, ome dacaniratiguédatéi uté.

Efésios 2:4

Jé ũrepise uje Dupade ájningadatéi gajnesórone urásu uyoque jnese arĩa. ¡Mu posongaquei irágupúsu Dupade uté ajei, jõ! Jecute ome cutejmai ijnoraquédaté uté ga Dupade cháta yógaja Crísto enga chisíome pucuecaringué ichai ome yoque. ¡Chimo jóroque re! uje Dupade pésu dasoca pitijabádi uqué ome yoque uje qué yugúcoji yocúringane tocho gai ome uté múñi. Chamáñaje yoquisórone jé u yocate gajnaréngone gu. ¡Adójnachopísa, yijorane uaque á, uje uacáringane piquetacho garani tupúsu Dupade icaniratiguédatéi uté, enga gusúpusu!

2 Tesalonicénses 2:16

Yocajéode u ujetiga Yocangarádejnai Jesucrísto, Yocai Dupade chichagu picasitigai taja uacáyipiedie ajéode, ujetiga uome uacaru quitígo jnese, enga omío uacapesudode cucha jnese to rĩ. Chamáñaje Yocai Dupade u gu uje chosõre yoque enga chingo dajnoraquédatéi aja yoque. Enga a ca dequejnaque Dupade osõraquei ome yoque jne. Enga Dupade chisi ome pirasitigai ome yoque to rĩ ome yocajnéone cucha uome yui iji gaté.

Títo 3:4

Unojo quigade u uje yoquiquetangóri Dupade chingo dajnoraquei, dacaniratiguei ore aja yoque.

Hebréos 2:9

Mu yirajágo uje Jesús uté u uje Dupade chicháji darógode gaté jogosóño ore údi nanique, mu garósi dirode uje déji ore údi. Dupade chijnóra erámone jogosórone jnese gu, jecute chiroque Jesús uté aja erámi nanique ujetiga cho daba ore isijnaringuéone jnese. Mu e Dupade chatirepója úringai cuchape gai te rĩ ujetiga yisígo gai ome itoringai ome yoque.

1 Juan 3:1

¡­Yocai Dupade chijnorapise yoque, jõ! Jecute juéga ujetiga yoquíode u Dupade abode. Mu que cachi yoquío. E Dupade abipise yoque. Jecute erámone jogosórone que ore chiraja yocúringane Dupade abío. Chamáñaje que ore chiraja Yocai Dupade gu.

1 Juan 4:19

Uyoque enga yijnórango Dupade gu uje Dupade ijnoraque bajaque yoque nanique.

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.