Juan 3:14 - Dupade Uruode

¹⁴ Uacarajáyo uje Moisés pésu ugai gajnui nanique iji erãpe tarétigai. Enga Moisés chiringare dapesudi aja gaté nanique. Gaidi u gu ujetiga urasade chajire enga ore eca. Adi a jé u ome Dupade utocaidi uyu. A piringarãque yu jne aja gaté.

Juan 3:14 Iomraidhean Croise

2 Reyes 18:4

Enga Ezequı́as uté chujé darasade judágoso ore angurenone dupa quedéjna gajnéone gaserãte iji jnumi nanique, uje urasade ore tẽrame dangurenone iji jogadébeode iji cucarãte umarone, orónenie gáyode nanique. Ga dopoi cucarãte uejátigo uje pipotingarãcho to nanique rı̃ uje chiese puyácho udore ga chujé iji jnumone to nanique, ga urúpisiji jnumone. Ga jé isocai upome ore angurené dupa quedéjna oredie uje pipesudei iji pore pajéode nanique rı̃ uje ore angurené uaté i tu Asera, uje Ezequı́as chujépo iji jnumone to nanique rı̃. Que gusu udore mu Ezequı́as dopoi Moisés ipesudi casicaite uga oré rı̃ uje Moisés pésu iji guebei uje i tu bronce nanique, enga Ezequı́as chujépoji jnumi te rı̃. Uje e iyajmaque gu uje israélgosode chãru cucha ai unérone inciénso ome ugai uté oré nanique, uje e ore cho dadupáji gu. Ga jé chuságaja dirode udore uje Ezequı́as chise dáringai eduguéjna uje judágosode uñane ore doi dajmapié uaté. Ga ore chı̃́care Nehustán aja Moisés ipesudé uga oré nanique. Enga Ezequı́as jocaningai isocade jé u udore uje chejnápise darasade angurenone dupa quedéjna gajnéone cucha iji jogate umarone nanique.

Sálmos 22:16

Udore ore uje ore chaparu yibai ga ore cho tamoco sijnátigo uje ore besája dajesúode. Ate gajnaréngone udore uáguedaté cho to-to-to yibai. Ga ore chichagu yijmanáyone, jé aja yirídade ore uje ore pésu udore edodie.

Isaías 11:10

Ga Isaí ujnié disi ejo uté a di jne ga chãrai chequécadaté iji gaté ga úringai piquetangore pijógome ore jnese. Ga jé u ujeta erámi unirisórone jnese ore íjnongaja chequécadaté yui ujeta ore cho dajñaríji uté gari to. Ga pininaquei jogadi tupúsu ome ore jne.

Matéo 26:54

Mu ujetiga yujegorase ore to enga, ¿ja Dupade uruode tocaderase ome yúringai chuque?–

Matéo 8:20

Jesús e chajnai uté uruode enga chojninga: –¿Ja jé ũré ua ya? Uje arapujnánguenie chiraja daguíjnane jogadode. Enga chungúperenie iguíjnane, úbiredie cusapo rĩ iji erámi. Jé basa Dupade utocaidi uyu que yiguíjnarique cusipise to go.–

Lúcas 24:20

Yoquicatecãraitigade udojo gajnengórone upo rĩ uje que yirajágo gotique gu a uje judíode yocasutedie, jé aja ore angarádejnane sacerdóteo ore juéga uté ica ujetiga chuque ga pajója curesei.

Juan 18:32

Enga jé u uje Jesús uruode e tocade uje chingome ore diríca uje a toji curesérique gai jne.

Juan 6:51

Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.–

Juan 8:28

Jesús jno darade údi enga chojninga: –Jecute yurúo udojo ome uaque: ujetiga apotingacho Dupade utocaidi uyu yajnei curesei dirome, jogadi jé u uté ujetiga arajáyo yúringai ũré uje yingo yu aja uaque. Enga a arajáyo to jne uje yacajnaquéode que garani u uyu mu yedu yirósõri Yai uruode uje yacate uaque.

Héchos 2:23

Mu uje pẽrate Jesús ome uaque diríca enga jĩrique uacarócho jnani sijnángone aja ujetiga ore chujé iji curesei gai. Mu Dupade áyipie diyajmenie u udire nanique, enga ajéode jé upúsu cucha dacadode udore uje tocade diríca ome datocaidi Jesús.