Juan 3:13 - Dupade Uruode

¹³ Que uñeque déji ujetiga chicáji gaté ujetiga chatata gaté jogonórone cucha ome uaque. Gusu Dupade utocaidi uyu uje yiyaridi u gatajnoquei. Enga uyu u uje yicáji jnumi nanique uje yṍraji gaté ujetiga yatata gaté jogonórone cucha ome uaque.

Juan 3:13 Iomraidhean Croise

Provérbios 30:4

¿Gosi te uje chicáji gaté mu dopoi jnumi tiji rĩ? ¿Gosi te ujetiga chisa emi te ga chaco gai iji dajmana ajã́ro? ¿Ga ayorérique déji ujetiga chojninga: 'A yigaru yote quedéjnai gai iji yiguidé jne enga yijnóngaja yiguíjnai jne'? ¿Gosi ajuguque jnumi ore iji ñane nanique rĩ? Ujetiga araja gosi ujetiga ajuguque jnumi iji ñane ga atata gosi írique ome yu. Jeoga atata uté gosi ujnacánique írique to jeta ujnacánique cuse, ga yiraja to.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

Matéo 8:20

Jesús e chajnai uté uruode enga chojninga: –¿Ja jé ũré ua ya? Uje arapujnánguenie chiraja daguíjnane jogadode. Enga chungúperenie iguíjnane, úbiredie cusapo rĩ iji erámi. Jé basa Dupade utocaidi uyu que yiguíjnarique cusipise to go.–

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 13:3

Jesús chirajapise darani uje Dupade u. Chirajápo rĩ uje a chajniápo aja Dupade gari rĩ. Enga chiraja uje dai Dupade chisi ome cuchade jnese ome ujetiga chijocase.

Juan 17:5

Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 3:12

Ujetiga ca anguretáyo yu uje yacãra yacajnaquéode aja erámi jogonórone cucha, móitapũré ujetiga yacate uágome gatajnoquei jogonórone cucha.

Juan 3:31

Juan jno dacajnaquéode údi enga chojninga: –Ore uje ore garani u jnumi enga ore júdode u erámone jogonórone cucha. Mu ujetiga gosi garani u gaté enga uté gosi u uje sué yoquibáyode iji de jnumi.

Juan 6:33

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.–

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

Juan 6:42

Enga ore chojninga: –¿Ja ca José abi Jesús uté a? Yimóngo dayé José, ga yimóngopo daté rĩ. Chiese garani u gatajnoquei.–

Juan 6:46

Yirajágo uje que amóño yai Dupade. Mu imósõre ugurui u uyu uje yarani u Dupade iji gaté.

Juan 6:51

Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.–

Juan 6:62

Ujetiga quedéjna yacajnaquéode udojo quigode ome uaque, móitapũrérase ujetiga amóño Dupade utocaidi uyu ujetiga yicapóji yijogadi casica rĩ iji gaté.

Juan 8:42

Jesús chajnai ore uruode ga chojninga: –Ujetiga jec ũré enga Dupade ape uaque enga a ajnórañorase yu. Uacamóño uje yarani u Dupade enga e yugúsi de. Que togome yu ujetiga yiji yajénique quitique mu yugúsi de gu uje Dupade iroque yu gu aja de.

Héchos 2:34

Que David u gotique uje chise Dupade idai, jecute ojningai u uñeque uje chojninga: Yocangaráni Dupade chojningame Yangaráni: "Ayáji yejode iji yãrachua aja diri ujetiga yipésu ua ga ajnué bamajosórone ore gai jne."–

Héchos 20:28

Jecute yingome uaque ujetiga ajuso uaqueo, enga ajuso uacojode Jesús anguretasóño guio to rĩ. Uacamóño uje Dupade Ujopié Espíritu Sánto utocaidode u uaque gu ujetiga arocho Yocangarádejnai Jesús anguretasórone guio uje gaite oré ore. Enga oré tu úringai chuque uje chojne dayoi ome ore nanique.

Romános 10:6

Obiréjna uje cucha uajádi tu jetiga gosi chise dáringárique ujñapetaque ome dagaidode Moisés urusãracho quigode. Jé basa ga pisocai uté uje gosi chise dáringai ujñapetágome Dupade gu danguretigai, que cucha uajádi tuté gotique. Jecute Dupade uruode chósi te ome gosi uje chotigase pisocai uté úringai ũré: Jé ca ojningárasa ome ua iji báyipie: "¿Ama gosi chorúrasu gaté ga chacája gatajnoquei ome yoque jne a?" (Mu cho jeta báyipie quigode u ujetiga gosi chisírase gatajnoquei ga quene dirase Crísto uté údi iji yoque ome dáringai ayoré jetiga toi ome yoquisijnaringuéone.)

1 Coríntios 15:47

Yirajágo uje jnani bajai pipesudíji jnumi enga uniri tu jnumi. Jé basa ga yirajágo uje gateminore jnani ejoi tuté. Enga Yocangarádejnai u uté.

Efésios 1:23

Enga Crísto cho daoi iji da-iglésia uyoque. Jé basa ga yoco yocatoi iji Crísto uté, enga jé u uje chojmarápise yóguiji jnumi. Crísto upúsu uje chĩretapise da-iglésia ome cutejma dajopié, dangoningájnai ore. Enga uté isocai uté chiborátaja uje irágupúsu erámi údode jnese ome Crísto cutejma ujopié, ingoningájnai udore jnese.