Juan 3:12 - Dupade Uruode

¹² Ujetiga ca anguretáyo yu uje yacãra yacajnaquéode aja erámi jogonórone cucha, móitapũré ujetiga yacate uágome gatajnoquei jogonórone cucha.

Juan 3:12 Iomraidhean Croise

Juan 3:11

Jé ũré yu uje yirajágo cuchade udore quigode, enga yocojñane u yoquimone cucha. Mu uaque, que anguretáyo yocojñane cucha.

Juan 3:3

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.–

Juan 3:5

Jesús chajnai Nicodémo ga chojninga: –Jé ũrepise yu ome yuruode udojo: ujetiga gosi chedu dabatiga ayorei a ca uté gosi chimo dáringárique Dupade urása jne. Mu ujetiga Dupade Ujopié chinoningase gosi enga úringai Dupade urása jogadi u.

Juan 3:8

Uje emi chubúchu erámi aja dajesúode, mu que pirajaque garãtique enga que pirajaque quitique rĩ. Que pimo mu ore chudute jocarane. Enga Dupade Ujopié Espíritu Sánto isocai u uté ome ore uje chinoningase ore. Que ore chimo mu ore chiraja adode iji dajéode.–

1 Timotéo 3:16

Jé ũrepise yu uje cuchadatei u Dupade adode ome erámi unirisórone uyoque uje yanguretágo. Mu que pirajaque udore quigode ome ore jnese go. Mu quiguipísi tu unojo: Dupade pésu re enga ayoré to nanique enga chingo raja erámi unirisórone. Ujopié Espíritu Sánto chajo raja uje ũrepise uté. Dupade irógode gaté unirísoño ore chimópise adode to nanique. Ujnomei chubu erámi enga erámi unirisórone iji erámi údode ore changureta. Mu diga poite uté aja gatajnoquei enga e pijógapo cutejmai ingoningájna rĩ.

Hebréos 5:11

Cucha amirone qué uásejna ujetiga yacaco uágome cuchade udore, mu piraguipise ujetiga arajáyo quigode. Uje que apótayo arajáyo quigode gu.

1 Juan 4:10

Que pijnoraquei pijoque gu yoquijnoraquei ome Dupade. Mu pijoque gu Dupade ijnoraquei ome yoque. Uje chingo yoque dajnoraquédatéi uje chiroque dabi aja erámone nanique ujetiga cho yoquisijnaringuéone oré ome datoringai.