Juan 3:11 - Dupade Uruode

¹¹ Jé ũré yu uje yirajágo cuchade udore quigode, enga yocojñane u yoquimone cucha. Mu uaque, que anguretáyo yocojñane cucha.

Juan 3:11 Iomraidhean Croise

Isaías 53:1

A yatata yududigode udojo jne ome uaque, mu que yiraja gosi iji uaque jeta changureta yujúdode udojo quigode. ¿Ga a gosode u jne iji uaque jeta cho dajnéngu Pangarádejna Dupade igoi detotiguei aja uaque jne?

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Matéo 23:37

Mu Jesús cho dáyugu re ome jerusaléngosode. Enga chojninga: –¿Gotique chimo jóroque re uje jerusaléngosode uacoyo uacamajo Dupade uruode atatasórone iji uacajade? Enga jé chopome Dupade irógode iji uaque rĩ uje uacamitingácho ore údode ome cucaranenie. Uje jecucha yáyipie quigode u ujetiga yamáta uágaja ñane enga uacajnúone u yabode. Enga yajnua tu cochagájnaraque uje chamáta dabidie aja dajnóngone údode. Mu que apótayo yu gotique.

Lúcas 10:22

Cha catecã́ri dayé Dupade ga chojninga: –Yapade tẽrája yu ome cuchade udore jnese. Uje abape yu gu. Enga a ca togome uñeque ujetiga chiraja yapade uté gosi. Mu gusu yu uje yiraja uté uje abipise yu gu. Ga jé isocai tu ome gosode udore uje a ca ore chiraja uyu gosi. Gusu yapade uje chiraja yu uje ape yu gu. Mu gusu yu rĩ ujetiga yingo yapade ome udore gosode ga jé u ujetiga ore chiraja to.–

Juan 1:11

Uté gajneque erámi, unirisórone ore mu que ore chimesẽre nanique uje chise ore.

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 12:49

Uje yuruode udore que garani u yu gotique mu garani u yai Dupade. Chamáñaje yuruode, yacajnaquéode ore quigode upúsu yirósõri Yai áyipiedie quigode.

Juan 14:24

Mu gosi uje que chijnóra yu enga que doi yuruode quigode. Mu uacadudigode yacajnaquéo udojo que garani uyu go. Mu garani u yirósõri Yai Dupade.

Juan 3:12

Ujetiga ca anguretáyo yu uje yacãra yacajnaquéode aja erámi jogonórone cucha, móitapũré ujetiga yacate uágome gatajnoquei jogonórone cucha.

Juan 3:13

Que uñeque déji ujetiga chicáji gaté ujetiga chatata gaté jogonórone cucha ome uaque. Gusu Dupade utocaidi uyu uje yiyaridi u gatajnoquei. Enga uyu u uje yicáji jnumi nanique uje yṍraji gaté ujetiga yatata gaté jogonórone cucha ome uaque.

Juan 3:3

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.–

Juan 3:5

Jesús chajnai Nicodémo ga chojninga: –Jé ũrepise yu ome yuruode udojo: ujetiga gosi chedu dabatiga ayorei a ca uté gosi chimo dáringárique Dupade urása jne. Mu ujetiga Dupade Ujopié chinoningase gosi enga úringai Dupade urása jogadi u.

Juan 5:43

Yai Dupade utocaidi uyu nanique ujetiga yacate erámone unirisórone uágome uruode. Mu que amesecho yu gotique. Jé basa ujetiga uñeque dirásiji uaque bisideque uje que Dupade utocaite, mu a amesechórase acajnaquéode.

Juan 7:16

Mu Jesús chojningame ore: –Yacajnaquéode udojo que garani u yu mu garani u yirósõri uje chiroque yu aja jnumi nanique.

Juan 8:14

Mu Jesús chojninga: –Jé ũré yu erĩ́e. Yĩrarare yibai mu que cucha bisidécho yuruode go. Chamáñaje yiraja yarani. Enga yiraja yiqui te rĩ. Enga que cucha bisidécho yarani, yiqui ore. Mu que arajáyo yarani enga que arajayópo yiqui rĩ.–

Juan 8:26

A yajéraso enga yajirirase uacadode aja quigode jé iji de. Enga a jiérasi yatatagode uacapesute gajnarécho. Mu yirósõri uruode ũréo jnese. Jecute a yedu udore ome yatatagode ome erámi unirisórone. Chamáñaje yudute puru uréone udore nanique iji uté pijnani.–

Juan 8:38

Yatatagode u Yapade ingoméone cucha ome yu. Enga uacagaidode u uacai ojningane cucha to.–

Héchos 22:18

Yimo yocangarádejnai Jesús iji yenominone enga chojningame yu: "Aguito ga boji Jerusalén. Chamáñaje a ca ore tangári bacajnaquéode ome yu iji de jne."

2 Coríntios 4:4

Udore ore uje que ore changureta yocacajnaquéode ga pijoque uje ore cho dadupáji Satanás iji erámone udojo. Enga Satanás uté u uje suru ore áyipiedie gai, jecute que ore chiraja yocacajnaquéode quigode ome raque. Chamáñaje Satanás ipotigádi tu ujetiga ca ore chimo dírecaringué cuchátique ome raque to. Enga ca ore chiraja yocacajnaquéode úringai ueradéjnapíso uje yacaco ore ome Crísto ingoningájnai. Chamáñaje yocojñane gajnengóri Crísto u uje dayé Dupade chopise re iji nanique ome yoque iji erámi tudé.

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.

Apocalípsis 3:14

Enga Jesús chojningápome yu rĩ: –Arúsãrape yuruode ome Dupade anguresórone ore angaráni uje déji Laodicéa enga ósi te: "Ũrepise uacacatecãraisṍri uyu. Enga uyu u uje yatatapísa Dupade uru uréone nanique ome ore. Enga Dupade angúromei upo yu rĩ nanique ome dapesudode cucha jnese iji erámi taningane.