Juan 3:10 - Dupade Uruode

¹⁰ Mu Jesús chojningame Nicodémo: –Israélgosode ore acadisõre obiréjnai u ua mu ¿ja ca araja ya yojningane cucha udore quigode ome ua ya?

Juan 3:10 Iomraidhean Croise

Sálmos 51:10

Urénga, Dupade á, be ga apésu páyipie icha ome yu, ga asiapome yáyipie ajépisi ujñapetáringai ome yu rĩ.

Sálmos 51:6

Urénga, bapotigádi tupúsu ujetiga cucha uréone déji yocajépisi. Bacate yu ome payuquetotiguei quigode iji yáyipie uaté ajépisi.

Sálmos 73:1

Urénga, jé ũrepise uje paraque Dupade ome israélgosode, ome ore uje icha udore ore áyipiedie.

Matéo 11:25

Enga Jesús e catecã́ri Dupade enga chojninga: –Yapá, yisípise babai uje bajnué gaté unirisórone ore gai jnese gu. Enga jé cho jnutiminórone ore, uje bajnué ore gáyode to. Yisípise babai to uje bapógu badode ome dicotárechoquíode, irajatade ore. Mu que apógu ua ome udore ore gotique uje qué garósi ore irajatigade.

Matéo 22:29

Mu Jesús chajnai ore enga chojningame ore: –Que arajáyo Dupade uruode quigode to go. Que arajayópo uje Dupade ujopié cuse ome cuchade jnese.

Lúcas 2:46

Enga gadioque ore guejnatígo dire uje ore chucué. Mu diga ore chisíji Dupade iguíjna cuchábi ajei. Enga qué déji Moisés uruode atatasórone uñéngo ore gatócororaque. Uje tangaripísi ore ojñane ga catecã́ri ore to ome cuchade.

Lúcas 5:17

Enga chise deréjnarique uje Jesús chácariji ayorébui ore ajei iji jnanírique iguíjnarique. Mu oidé tu Dupade Ujopié Espíritu Sánto uje chiqueta ayoréode, uje chacadápo ore rĩ. Enga Moisés urusarane ojñasórone, fariséode ore uñéngo ore déji to uje ore tṍraji ore unirone Galiléa, Judéa ore, jé iji idáidatéi Jerusalén rĩ.

Juan 3:9

Uje Jesús chejna dacajnaquéode guesi ome Nicodémo enga Nicodémo catecãrápoi rĩ enga chojninga: –Cáma yiraja cuchade udore quitígo.–

Héchos 5:34

Mu eduguéjnai uñai déji ore gari uje i tu Gamaliel. Fariséo u uté to ga chacate ore ome Moisés urusarane. Enga guidai idaisórone ore irasique uté enga ore tangaripísi. Uté chague iji ore ajei ga chiroque darógode ore aja ujetiga ore chijnáma Jesús irógode apóstol ore aja guesi.

Romános 2:28

A judı́o gosi, mu que judı́opise go ujetiga ca ujñapeté áyipie uaté ome Dupade. Uje a picaque gosi mu áyipie chedu pisoca guesı́minóri uté iji aoi gai, enga que cuchárique tṍraji uté. Jé basa ga gosi áyipie chejna raja Dupade enga judı́opise uté gosi. Uje úringai judı́opise que tṍraji úringárique picaque go iji Dupade edominone. Que garani tupo Moisés urusarane udore, mu garani tu Dupade Ujopié Espı́ritu Sánto uje chécãre uté gosi áyipiedie quigode. Enga quene ũré enga judı́opise gosi. Ja seca ca uté ujórique ayoré chisi gai ome úringai judı́o, mu Dupade u uje chiraja páyipie quigode jnese, ga chisi uté gai ga chojningame uté: "Yo yajnéngu ua."

Filipénses 3:3

Chiese Dupade urasapísode u udore ore uje ore chica dádode. Mu Dupade urása obiréjnane upúsu yoque uje yanguretágo Dupade ome yocúringane ayoré jnese, uyoque uje yoquirasique yoque uje Jesucrísto e gajneque yoc. Enga que qué yocáyipieraque dépoji cucha guesíminónique rĩ ujetiga chiqueta yoque.

Colosénses 2:11

Uje Crísto, uacatojmárañoji jnumi enga cho ujetiga e picaque uacádode ome circuncisión ujetiga apijóchome Dupade to. Mu que cho judíode ore jmapiedie gotique uje ore chica pute guesíminóri, mu Yoquiquetasṍri Crísto aquesupídi jogadi tu yocajei. Chamáñaje ayoréode uyoque yoquisijnaringuéone garani u gu. Jecute uté icapídode iji yocajei imoi tu uje chiqueta yóguiji yoquisijnaringuéone ujetiga yipijójome Dupade to.